Manqabat imam jafar e sadiq : جہاں کو فیض ہیں کیا کیا امامِ صادق سے

[sharib]

منقبت امام جعفر صادق { ع }

(سید اقبال رضوی شارب)
 
جہاں کو فیض ہیں کیا کیا امامِ صادق سے
رواں ہے علم کا صدقہ  امامِ صادق سے

وہ علمِ دیں ہو کہ علمِ بدن کہ علمِ جفر
ہے سب علوم کا چشمہ امامِ صادق سے

کشش زمین کی ، سورج کی ، چاند کی گردش
تھا مسجدوں میں یہ چرچا امامِ صادق سے

  ابو حنیفہ  سے لے کر امامِ حنبل تک
 سبھی نے  فیض اٹھایا  امامِ صادق سے

بنِِ حیان    نے  سفیان ثوری  جیسوں نے
 خرد کے  جام  کو  پایا  امامِ صادق سے

کروں نہ فخر و مباہات پھر میں کیوں شارب
ملے جو دیں  کا  اثاثہ  امامِ صادق سے

Edited January 17 by sharib