پسِ مرسل وہ سب جبریل جو لائے ہیں زہرا پر

[sharib]

 

کلام بہ  حضور بی بی فاطمہ (ص ع )
[سید اقبال  رضوی شارب ]

پسِ  مرسل  وہ سب  جبریل جو لائے ہیں زہرا پر 
 خدا کی دین ہیں زخموں کے وہ پھائے  ہیں زہرا  پر  

 فضیلت کے خدا  نے  باب لکھوائے ہیں  زہرا   پر 
کتابِ باری  کی آیات  کے   سائے  ہیں زہرا پر 

مصائب اس  قدر اس قوم نے ڈھائے  ہیں زہرا پر  
مسلسل  ظلم   کے بادل نظر  آئے  ہیں زہرا پر 

جو  خود  سردارِ نسوانِ جناں ہے اسکی حق تلفی 
کچھ ایسے بھی قدم  غاصب   نے  اٹھوائے  ہیں زہرا  پر 

وہ اک بیٹی عطا کی تھی جو خالق  نے شبِ اسرا 
انہیں کے کچھ عدو  در  کو گرا آئے  ہیں زہرا پر 
  
 کہا  تھا ربِّ اکبر  نے  مودّت ان سے رکھنا تم 
مودّت اک طرف ، کیا  ظلم برسائے  ہیں زہرا پر

نہ پاسِ مرسلِ اعظم نہ خوفِ رب  ہے کچھ انکو 
فدک لے کر جنھوں نے  جھوٹ پھیلائے  ہیں زہرا پر 

سبھی یہ جانتے ہیں حشر انکا ہوگا کیا شارب 
جنھوں نے جھوٹے  الزامات  گن وائے ہیں زہرا پر