ہے فلسطین پھر سے زیر ستم

[sharib]

غزل 

حزن  اور غم سے  جو گھرا ہے بہت 
صبر کا   اسکو     آسرا  ہے بہت  

ہے فلسطین پھر سے  زیر ستم 
ظلم اب حد سے بڑھ گیا  ہے بہت  

کل بھی ظالم ہی تھا زبان دراز 
 آج بھی سچ ڈھکا چھپا  ہے بہت 

کہہ  رہا تھا فرشتے آتے ہیں 
جھوٹ اس میں رچا بسا ہے بہت  

اسکا باطن  مرا  خدا  جانے 
لب سے کہتا  تھا  پارسا ہے بہت 

کس طرح اس پہ  ہو یقین مجھے 
دل سے وہ بات باندھتا ہے بہت 

لاش پر  چڑھ کے قد نکالا ہے 
لوگ کہتے ہیں وہ بڑا  ہے بہت 

چاہتے ہو  جو  احتساب تو پھر 
قلب  معقول  آئینہ   ہے  بہت 

تم تو شارب ہو زہر خود پی لو 
قومِ بے حس میں جی لیا ہے بہت     

سید اقبال رضوی   شارب 

Edited November 24, 2023 by sharib

[Syed Demanding]

بہت خوب ☺

[sharib]

shukria to all of you.