Jump to content
Guests can now reply in ALL forum topics (No registration required!) ×
Guests can now reply in ALL forum topics (No registration required!)
In the Name of God بسم الله

Imam Mohammad Taqi a.s


bitto

Recommended Posts

  • Advanced Member

Assalaam alaikum wr wb

.   Shuru karti hun lekar Khuda ka naam jo la Shareek  hai.

Meray Imam Mohammad Taqi a.s ki yom e Shahadat aaj yani 29 Zilhij baroze jummerat hai.Aaj hum kaisey na yaad karein apni us mazloom Imam ko jo kamsini main yateem hua aur kamsini main Imamat ki bhari zimmedari ko anjam diya.Humain apney Imam se sikhna chahiye aur apney bachchon ko kamsin samajh kar jahil nahi rahne dena chahiye.Unhen deen ka ilm bhi sikhana chahiye aur Khuda par bharosa rakhen ki bachcha sikh jayega Quran majeed padhna aur dua karna,matam ,noha,majlis sab cheh saal ki umar se sikhana shuru karden.Yakeenan aulad badi hokar fakhr ka bais banegi aur apki ibadaton main apka aur aur momineen ka sahara banegi.To roz e mahshar jab momineen key jhund kay jhund dakhil hongay jannat main to apki aulad bhi jannat main dakhil hogi aur jannat main apki aulaad apki ankhon ki thandak banegi. 

        Humarey Imam ko dekhiye key kis kisnay sataya.Pahlay to Abbasi hakim Mamoun Rashid Baghdadi nay sataya ,usney unhay apni politics ke giraft mey liya aur jhooti mohabbat key farebi jaal bicha deyey ,usnay Imam  ko khat bheja do Qasidon key haath ek ka naam tha Faiz bayazi aur dusray ka Sahil hurmulay tha.Yeh dono qasid Mamoun ka khat lekar Imam ki khidmat main hazir hue.Jaisa sikhaya gaya tha waise adab se jhuk kar makarri se salam arz kiya magar janib e  Imam kankhiyon se dekhtey rahe aur apas  mey rasdana tarekay  se kuch baten kartey rahay.Imam ko shak hua magar gaibi Ishara hua ki in dono ko janey den.Asal dushman to koi aur hai jo bada maldaar hai .Imam ne gaibi hukam par asar dekhatey hue undono ko baizzat janey diya.Kya janiyey ki yeh khat kis maloon ka tha aur uski tabeer kya thi.Khat tha ya maut ka paigam.Haye kis zaban se arz karun kya dhoka kya makr o fareb chupa tha khat main.Mamoun abbasi ne unhen apney darbar me talab kiya.Moula ne safar tay kiya ,mukhtasar sa saman lekar rawana huayy.Kya maloom tha key kya fareb hey.Mamoun nay lashkar bheja aur rastay me hi roknay ka hukam diya aur kaha ki wahin thahrein.Kuch dino tak Moula kam khana khake rahey.Woh jagah ik wirani jagah thi jahan khana kapda mayassar na tha.Uski yeh chalbazi Imam ko kamzor karnay ki thi.Moula ko kuch dino baad hukam hua key woh aagay badhen aur mahal pahunch jaein.Jab Moula wahan se chal padey to Mamoun nay bahi ( bada ,bahut bada) lashkar rawana kiya jismay wahshat nak pehalwan aur kai unth aur ghoday thay.Yeh usney Moula ko daraney aur apni daulat dekhaney key liye kiya.Aur yeh bhi ki jab Moula dar jaengey to woh apni puri intelligence use nahi kar payengay aur har jaengay.

    Magar aisa na hua,Moula ko gaib se phir ishara hua kay "rabbi zidni Ilma " padhtay rahen.Moula yeh jankar kuch kuch hoshiyaar huay aur samajh gaye kay agay koi khatra hai.Khwab main unhonay aandhi chaltey huay dekhi aur hawa main kitabon aur kalam ko udhta hua dekha.Bas jab wah darbar main hazir huay wahan aalimon ka ek jame gafir tha ki unse sawal pe sawal karta rahe ki woh har jaein aur Mamoun apni jeet ki wajah haq rakhta ki Imam ka rishta forcibly chahe jisse karey.Allah ko izzat rakhni thi to Ummul Fazl Abbasi key dil main waswasa aur lalach hui kay woh apnay paigam dekar Imam ko Abbasi hukumat kay tabey kardey.Usnayy jhuti mohabbat ka izhar kiya aur faqa kiya apni zid dekhaney key uske paigam Imam key liye jain aur Mamoun khud yeh baat kahey.Mamoun majboor ho gaya Imam jeet gayey phir Mamoun nay apni har par bhi is baat ko zulm ko nahi choda kaha key woh to shart apni jagah.Aur agar woh jeet jata to Imam ka nikah  apni kaneez sey karta ya shahar ki kisi bhi gareeb abbasi sey.Magar aisa nahi hua,Imam jeet gayey.Phir usnay makkari se Imam ki jeet ki dawat rakhkhii aur khaney key sbaad ab sey kaha chale jaein aur Imam ko rok liya.Imam se tanhai mein rishte ka takaza kiya.Isliye ki mana ho jaey to logon ko pata na chaleh khair Imam na mana kiya yeh kahkar ki Bani Hashim aur aulad  e Ali a.s par kabhi kisi ko itna haq nahi woh rista zabardasti se tay karey.Bas Mamoun ney is par talwar khech li .To Moula key ghulam jinka naam Aariz Sohail tha unhonay dakhal diya aur woh zakhmi hogayey magar Moula ki jaan bach gayi.Unhonay ray de ki aur ristedaron main kisi say kaha jay aur Ummul Fazal ko Imam ki ghar hi rukhsat kiya jae magar is baat ko poshida rakhkha jaey ki nikah kisse hua hai.So aisa hi hua.Moula bhi raazi hogay.Aariz kay bhari zakhm laga tha.Moula nay unhay ek hazar dinar inam diye jaan bachanay kay  aur 500 raey zahir karke masla hal karney kay.Phir nikah hua.yeh nikah Moula kay rishtedar jo Ismaili bohra thay unsey hua.Unka naam Fauzan Taqi tha.Bas so Ummul fazal abbasi Taqi sahab ki dulhan kahlaen aur Moula ki kurbat ki wajah se sare raaz jankar mustaqil khat likhkar uksati rahen Mamoun Rashid ko.Ek baar jab Moula ney raat key khanay naach ki dawat ko jhadak mana kiya to Ummul Fazal abbasi ney khat likhkar Mamoun se Imam ki jaan lenay ko kaha.Mamoun ney khat padha aur yeh insult bardasht na kar paya aur sharab pikar talwar lekar Moula key ghar aaya taweez karwaney key bahaney ki aseb ki wajah se marz e junoon hua hay aur jabkay apnay saat asebzadah karnay kay kiye tawez ganday lekar aaya tha.Unkay ek ghulam nay Moula tak na pahunchnay diya talwar ki zor par talashi li aur bechara khud azeb zadah ho gaya.Marz e junoon ki wajah se woh apnay Moula ki hifazat na kar psya aur Mamoun maloon ne Imam ko bhari zarb lagayi.Moula ko talwar se markar bhag gaya.Ummul fazal chup kar sab dekh rahi thi aur usney apney khandan main kisi ki shaadi ka bahana karkay hathon main mehendi lagayi.Haye haye kis zaban se arz karon Moula kay dil par kya gujri,Jisnay daway kiye thay aur bhooki rahi thi apnay paigham dilwaney ke liye ussi maloona nay unki talwar lagnay par bahaney se hathon main mehendi lagayi.Moula uski jhooti mohabbat ke fareb aakar yeh khayal rakhtay thay ki agar woh kisi din bewa ho gayi to woh uska nikah baada qatl e mamoon rashid ussey padhwa kar uska sahara ban jayebgi.Na poochiye ki kya ghan ka sharara tha.Makr o fareb ki diwar tooti magar saath hi Moula ka dil bhi toot gayi.haye aansoon ka sehlaab aajata hai.Kaleja pash pash hojata hai.Ek to talwar la lag na kam na tha us par tootay huay dil ka gham,Moula nay saari raat ro rokar gujari jiski wajah se zakham me takan lagna mushkil hua.Subha Khuda ki Qudrat ne mojiza dekaya.Shia musalmanon ney khwab mey Moula ki becharfi ko dekha aur subha se Shaam tak hazir hotay rahey aur dawa ,marham,giza lakar detay rahey,sab ne makarri ki kaha ki humray ghar koi aafat hai.Bas Imam to Imam hai chahe beemar ho ya tandarust Khuda ki bargah main bada mrtaba rakhta hai so unkay is nanhay se nazraney ko ammer e Shia kubul farmai. Aur buzurgon key sakhi aur buzurg mzaj ki taseer dekha den to Moula ney khushi khushi unse sab le leya aur dusra mojiza yeh hua unki Biwi jo aala nasab aur sharafat aur intehai sharam ki wajah se kabhi Mohabbat ka izhar o ikrar na karti thin.Ro gidgida key Moula ke kadmon par gir gayin ,unkay gale mey bahen dal kar nigahen mila kar yun Mohabbat ka izhar o iqrar kiya ki Moula ka dil haka hua aur mano apni aala khandan wakli bewurrawwat haseena kay ishke key sehlab main jaise doob gayey aur Khuda nay Qudrat aur beinteha sakhawat ka nazrana unhey diya.Moula jaise is mohabbat key sehlab main gark hokar sab kuch bhul gaye.Ummul Fazl abbasi ka makr o fareb ka jaal kat gaya.Moula azad huay aur dil halka hua.

   Magar kuch hi din gujrey ki Mamoun mar gaya aur uska chota bhai Motasim billah abbasi hakim bana.Yeh bahut tez tha.Isnay moula ko mahal main bulwaya do rakat namaz ki liye baraye taazim e naya hakim.Moula is raaz ka maloom hua bazariye ek kaneez Hakima ke zreye.Moula wahan nahi gaye kyunki unko malum hua ki Motasim Imam bankar Moula ko pechay saf main khada namaz padhwana chah raha tha.Moula ney bakoul e Imam Jafar as Sadiq a.s taqqayya ikhtiar kiya aur apni ik Khussusi  ghulam se jo ki Naam Naim Hashmi kay thay kahlwaya ki woh beemar hainn aur isliye namaz main Shareek na ho sakengay.Moula ka yeh raaz ik chini padosi Chin Mae joh Mohtasim ka musheer tha raaz fash hogaya ki unhon nay bahana banaya hai.Bas Mohtasim ne talwar khenchi magar uski maan aur kaneez nay rok diya kaha bani Hashim Bani Hashim par talwar nahi chala sakta hai kahin Zalzala na aajaye,Mohtasim zid par ada raha aur zammeen ko ek bhari jhatka hua,Mohtasim zamin gira aur talwar hath se chut gayi aur girkar tedhi ho gayi,Yeh dekhkar Mohtasim khisya gaya aur apni khisyahat main has pada.Uski maan aur kaneez ko bhi is mojizay par hasi aa gayi.Kuch Mohtasim kush raha.Phir usnay apni Maan aur kaneez ser ke liye bagiya ke paas ek talab karib dil bahlaney ko bhej diya aur darmiyan rasdana tarekay se zahar lekar Ummul fazl ko diya kay wah Imam kay khaney ya sharbat me mila de.Moula ko kuch pareshani se hui unhonay roza rakh liya.Phir kuch dino baad jab khana pina shuru kiya to Ummul fazal ne mouka patey hi Angoor kay sharbat main zahar mila diya.Haey mera mazloom Imam sab sharbat pi gaya aur kuch ghanton baad duniya se rehlat Kar gaya.Shiun ney kala libas pahna gham ka jaisay sehlab aagaya.Ghar ghar matam hua ,farsh e aza bich gayi logon badhiya lal kaleeno ko hatakar safed,mateela ya hara farsh kiya.Moula ka janaza nikla Haye Shia aurtein khuch chaton par,kuch apni deewdi( chota darwaza) par khadi aur kuch khidkiyon se hasrat bhari nigahon se Moula ke janazey ko dekhkar ashkbaar huin.Duniya se ek Nag e Mohammad uth gaya,Chirag e Ali gul hua.Hae kis zabaan arz karon rotaty rotay har Shia ka dil aabla hua ,Shiun ney ik dosray ko pursa dekar apnay kadmon main chaley dal leye.Aurtein sogwar huen,sab apna zeewar badhaya aur halka bandhkar Imam ka matam kiya.Raat bhar girya kiya.Ghar ghar shab bedari hui.Logon ne faka kiya sab behtaren giza ko tarq kiya woh khaya jo aseeron ko khilaya jata hai,Pachrangi khichdi khayi gayi.Sab ne Sharbat par Fateha ki aur maloon par lanat bheji .Ala Lanatullahey Komiz zalimeen.

Edited by bitto
Link to comment
Share on other sites

  • Advanced Member

Edit 

1. Sahara ban jaengay.

2. Gham not ghan in gham ka sharara tha

3. Martaba not mrtaba

4. Dil toot gaya,not toot gayi.

5. bechargi not becharfi

6. Nazraney ko kubul farmaen not farmai

7. Dil halka hua not haka.

8 .Aala khandan wali not wakli.

 

Edited by bitto
Link to comment
Share on other sites

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

×
×
  • Create New...