Jump to content
Guests can now reply in ALL forum topics (No registration required!) ×
Guests can now reply in ALL forum topics (No registration required!)
In the Name of God بسم الله
Sign in to follow this  
khakay batool

Pasandeeda Zakir/zakira (muharram 2011)

Recommended Posts

agar hum Pakistaniyon ki AzaDari ka zulm key khilaf koi kirdar nahi, tu ye abhi tak qaim kaisay hai? aap ki es baat ne dhela ke rakh diya!! laikin her doar key alag taqazay hotey hain. shayed abhi wo waqt hi nahi aya!!

zalim ko in rasoomat e azadari say koi khatra nahi jabhi hum azadi sa kar rahay hain, Hum rasoomati azadari ko pasand kartay hain, Jab k Imam Hussain a.s hum say yay takaza kartay hain k is azadari ka zaryay zulm ka khatma hona chahyay, humay minber say kia deya jata hai ? nafratain or bugz ? koi society k problems apni majalis ma kiun shamil nahi kartay ? Hum azadari ko jazbati andaz may anjaam deytay hain, yay jitnay b minber sa openly tabara kartay hain including Shaukat Raza Shaukat and Allama Zameer Akhter, jab target killing hoti hai tou janazo may nazar kiun nahi atay? jub Shia Kafir ka naray lagtay hain tou nazar kiun nahi ataY ?

Mazrat ka sath hamaray josh ki misaal aisay hai jaisay pepsi ka josh hota ha, kutch dair may bilkul thum jata hai, phir jitni mahnat kar lo wo josh dubara nahi ata, yahi hal hamara ha , hum sirf 10 din ya 2 mahenay 8 din baray josh ma hotay hain, koi azadari ka moqa hath sa nahi janay deytay, lakin is k bad ashora ko hum Imam Hussain a.s ko wida kar deytay hain, Aye Hussain hum ap ko wida kartay hain, ab aglay sal ashoor per dubara yad karain gaye,

phir jub zulm k khilaf pukara jai tou koi ghero say bahir nahi nikaltay..

Ashora wida ka din nahi Labaik ka din ha, Imam Hussain ki sada e Hul Min Nasir aj b hai, humara kam tha apni azadari k zaryay Imam ko Labaik kahain, hamari zaban per wida k nauhay hain.........

Bunyadi Galti :

Rehber e Muazam Syed Ali Khamenai farmatay hain</p>

Juloos or Azadari zulm or istaimar k khilaf Qayam say ibarat hain, in k zaryay aj ka Yazeed, Ibn e Ziyad or Shimr k khilaf Nabrd Azma honay ki zarorat hai.''

Imam Khumaini farmatay hain:

Waqai Karbala faqat is hud tuk nahi k isay faqat minbero say parha jae or bayan kia jae, or logo k ahsaasaat is say mutasir hon, Bulkay yay hadsa pori tareekh ma azeem Inqilabo ka sarchasma raha hai, or hum nay Apnay Inqilab may isay mahsoosh kia hai

Ref: Hadees e Wilayat vol 7 pg 212

humay Khumaini ki zaroorat nahi pahlay humay baidari ki zaroorat hai, humay Qaid Syed Arif Hussaini Shaheed jaisa Khumaini Khuda na ata kia tha, hum nay us ka kia haal kiya, wo jub karachi aye tou sab nay apnay darwazay un per bund kar deya, wo ulama say buhat na umeed thay,

in ki shahadat per Imam Khumaini nay Millat e Pakistan sa kaha tha

"Agar Madaris ka zimaydar, Ulama e Deen or Khawwas apni qoum ko bata deytay k aik he Deen may do Mutazad rastay nahi ho saktay tou aj mera Farzed Arif Hussaini meray sath hota

Do Mutazad rastay yanay Deen or siyasat may koi judai nahi or ulma ko mashrati masail may hissa layna chahyay !

Humay minber say aisi batain kum sunnay ko milti hain or latefay ziada sunai jatay hain, Hum ulama ka style or andaz e bayan ka dewana ho jatay hain, lakin wo awam ko kya dey raha hai is say sab la talluq hain.

Kofio nay Ahlebait k aseero per tarz khatay huay inhay sadqay ki khajorain dein or in k haal per girya kia, Bibi Zainab s.a nay us wakt khutba deya or kaha

Tumhara girya mujhay bilkul pasand nahi aya, jub meray bhai nay tumhay zulm k khilaf pukara tum nay Labaik na kahi ab humaray haal per tarz khanay chalay aye?

Hum nay Karbala say faqat Sawab manga ha, or azdari say hum nay Haleem or Biryani ki tawaqo ki hai, Imam Khumaini nay Karbala say Inqilab manga tha, usay Syed us Shuhda nay ata kia

Qafla e Hijaz may ik Hussain bhi nahi

Gar chay Tabdaar abhi hain Giso e Dajla o Furaat

Edited by Qamar Abbas

Share this post


Link to post
Share on other sites

Aqeel Gharawi and Talib Jauhari!

a lier....

................

ALLAMA Razia Najfi(daughter of shifa najfi) in jamia e IMAM SADIQ islamabad......2..p.m to 3.p.m

Edited by M.N.A.

Share this post


Link to post
Share on other sites

Yay Shia Sunni nafratain isi minber say phaylai jati hai...

Zaroor Hazrat Ali bhee minber say ghalat baat bayan kartay hongay issi liyay unsay bhee loggo ko bughz tha...

Kiun sab sa ziada zulm Shio per toora ja raha hai? Kiun humay kafir kaha jata hai ??

Hazrat Abu Talib ko log ajj tak kafir kiyo kehtay hai? Kiyo karbala mei is qadr zulm houa? Kiyo waha bhee koie shirk ho raha tha?

Kehnay ka maqsad yeh ahi kay yeah jo app keh rahay hai wohb hee ho raha hoga.. lekin is ka matlab her giz her giz yeh nahi hai kay shio pay zulm sirif is liyay ho raha hai? Agar aisa hota to shio key tareekh mei sirif khoon he khoon kiyo nazar atta hai? Kiya her daur kay shio yehee kar rahay thay? Kiya her duar mei sirif shia tabbara he kartay thay? Point is kay hum chahee kuch karein ya nahi hum pay hamesha zulm houa hai or hota raheyga... kiyo kay hum haq ko mantay hai jo batil kabhi bhee bardasht nahi kareyga.

zalim ko in rasoomat e azadari say koi khatra nahi jabhi hum azadi sa kar rahay hain,

Duniya kay kiss konay mei reh rhain hai app? Jahan azadari key azzadi ho app ko?

Hum rasoomati azadari ko pasand kartay hain, Jab k Imam Hussain a.s hum say yay takaza kartay hain k is azadari ka zaryay zulm ka khatma hona chahyay, humay minber say kia deya jata hai ? nafratain or bugz ? koi society k problems apni majalis ma kiun shamil nahi kartay ? Hum azadari ko jazbati andaz may anjaam deytay hain, yay jitnay b minber sa openly tabara kartay hain including Shaukat Raza Shaukat and Allama Zameer Akhter, jab target killing hoti hai tou janazo may nazar kiun nahi atay? jub Shia Kafir ka naray lagtay hain tou nazar kiun nahi ataY ?

Rasoomati azadar - yeh jissay app rasoomati azadari keh rahay hai na agar yeh na hotie to app bhee oonchi shalwar or lambi baghair dhooli dari liyay ghoom rahay hotay... bus azadari kay khilaaf batain karnay ka shoq hai her kissi ko... chahee rasoomati azadari he kiyo na ho... kumsay kum kuch to khayal hai us rasoomati azadari karnay wallay ko kay kissi maa kay betay ko karbala mei bhooka piyay shaheed kiya tha.. jo ajj tak upnay betay kay qatl pay anssoo baha rahi ahi....

Share this post


Link to post
Share on other sites

Nafrat or bugz Islam ka he juz hain, yay insan ki fitrat hai, or Islam may nafrat ya Bugz ka izhar, Mushrikeen or Yahoodion k liay hai, sunnio or apnay he Musalmaan bhaio k liay nahi..

Ap survey karain k humay Kafir kiun kaha jata ha? ya hum per zulm o sitam Pakistani level per qiun kya jata hai is ki aik bari waja minber say phaylai gai nafratain hain,

"Jo Shia Sunni may ikhtilafat paida karnay ki koshish karay wo shia ha na sunni wo, istimar ka Agent hai"

Tum Hath khol kar namaz parhnay or hath bandh kar parhnay may ikhtilaf kar rahay ho, or dushman tumharay hath kaatnay ki fiker may hai."

Imam Khumaini k yay do farmaan kafi hain k hum apnay dushman ki sahi shanakht kar sakain,

Aik tola Nasibio ka hamaray darmiyan mojood hai, jo Ahleybait a.s ki fazilat ka b munkir hai, yay loog dosray sunni Musalmano ko humaray khilaf bharkatay hain k Shia Ali ko Allah kahtay hain, Zuljinah ko sajday kartay hain, sahaba ki tauheen kartay hain, in k quran Imam Mahdi lain gae wagaira wagaira, or kiun k humaray minber say yahi kutch bataya jata hai tou aik sunni jo Shia ko apna dushman nahi samjhta tha aj Shia ko Kafir samjhta hai, itna bugz America say nahi jitna Shio say hai..

aik aham bat jo khulasay k tour per paish kar raha ho:

Hum Shio k khilaf bugz rakhnay walo ko khatam tou nahi kar saktay hain, albata kutch tabdelio k baad is bugz ko kum kar saktay hain, Jub Huq Kafiro ko b apnay qareeb la sakta hai tou hum bugz rakhnay walo ko b qareeb la saktay hain, Humaray samnay Masoomeen a.s ki zindagian hain, humaray minber k rawayo may tabdeeli ani chahyay, Aj Al-Azhar University (biggest Sunni University in Egypt) k professors, Rehber e Muazzam Syed Ali Khamenai ki mukammal Taid kartay hain is ki waja yahi hai ka khud Rehber nay Sunnio ko Shio ka Dushman nahi bataya bulkay America or Israil ko samjha hai..

*******

Theek ha k Shio ko humesha dewar say laganay ki koshish ki gai hai, is ki aik waja Bugz hai, or bugz ki kai wajohaat hain jo uper bayan karnay ki koshish ki, aik waja yay b hai k jaha azadaro nay apni aza ko zulm k khilaf kisi tehreek may badla waha zulm o sitam may izafa kia gaya..

Hum Huq ko mantay hain, Bilkul saheh farmaya ap nay, Lakin Huq agar zulm ka muqablay may apna izhar karna shoro karay tou Huq ki aik taqat hoti hai, huq ki awaz batil k mahal ko hilati hai, Huq 72 k sath ho tub b Huq qaim rahta hai, kia ham Pakistani Azadaro ki awaz aisay he hai ? kia hukumat say humari sirf yahi demand honi chahyay k sal may aik martaba juloos ka permit dey dain baki poray sal jo sitam karna chahyay us say tamam Azadar la talluq rahain gaye ? Ha Hum apni awaz say batil ko larza zaroor saktay hain ! magar aisa nahi ho raha isi bat ki taraf ishara kar raha ho, hum Azadari ki takat ko durk nahi kar rhay, is ki takat ko samjhna he baidari ha,

Azadari us wakt apna asr practicaly dekhati hai, or us wakt dushman k pao kanptay hain jab yay azadari kisi Movement ya Tehreek may badal jae, ap k ilm may hoga, Ashoor k din Iran k Zalim Shah nay curfew lagaya tha, k koi road per nazar na aye, Imam Khumaini nay Azadari, Karbala or Syed us Shauhda k naam ki taqat ko istimal kia or us wakt fatwa deya k sab azadaro ko chahyay apnay ghero say Allah ho Akber kahtay huay bahir ayein, or Hairat angaiz bat yay ha ka Inqilab ka agaaz isi rooz e Ashoora say hua tha, yahi qanoon ha k Ashoora Labaik ka din ha !!

Bunyadi Galti:

Azadari humara hadaf ya Maqsad nahi hai, aik baray Maqsad tuk pohchnay ka bahtareen wasila hai.. for instance Humay 'Giza' ki zaroorat hai takay humay energy milay or hum kam karnay k qabil ho, Azadari us giza ki tarah hai jis k zaryay Deen ki aqdaar society may nazar atee hai, Azadari ka maqsad Mashray ki islah or zulm ka khatma hona chahyay, Agar zulm kum honay k bajae barhta jae tou Azadari may koi bunyadi galti zaroor ha.

Rasoomati azadari jo Indo-Pak may raij hai meri murad wo hai, jaisay kutch chezain jis ko hum nay azadari ka juz samajh lia hai, agar yay na ho tou Azadari mukammal he nahi, jaisay hum nay 1 say la kar 10 din alag alag

shaksiyat k makhsoos kar liay hain, Hazrat qasim ki mehandi 7 muharram, jhola kisi aik din, Hazrat ABbas or Hazrat Ali Akber ka aik aik din etc etc. Mahandi khud aik rasam hai, jo hindustan ka taufa hai, Jo Muharam may ziyarato per jatay hain wo sab kutch dekhtay hain waha is qisam ki azadari nahi hoti,

Humari Taqat:

Khuda Shahid ha k jis tarah hum nam e Hussain per har saal jama hotay hain, duniya pareshan hai !!

May nay Ustad Syed Jawad Naqvi ki aik majlis may suna tha k" Nipolian kahta hai k Agar mera pas itni takat hoti k may Naam e Hussain a.s ki tarah apnay naam per itnay logo ko har saal ghero say bahir nikaal sakta tou may pori duniya per Hukumat kar layta."

Edited by Qamar Abbas

Share this post


Link to post
Share on other sites
.filhaal Afsoos hi kiya ja sakta hai.

Humara kaam afsoos karna nahi hai, bulkay apni zimaydari ko samjhna or amul karna hai, hum or ap buhat kutch kar saktay hain, bulkay sab kutch kar saktay hain, lakin baidari shart ha,

Allah karay ke hum jald hi in masaiil ka hal dhundh sakain, es se pehlay ke hamarey bud khwa hum ko aA lain

Hul humaray samnay hai, agar hum samjhtay hain k aik Alim dosro k liay minber say nafratain phaila raha hai, tou humara farz banta hai us ka giraybaan pakrain, agar yay nahi kar saktay tou us say sawal karain jab koi shio ko kafir kah kar target karta ha tou ap difa k liay nazar kiun nahi atay yaha naray tou baray lagwatay ho, yaha buhat say afraad apnay ghero, or dosri jagho per majalis k program kartay hon gae, un say guzarish hai k ap ulama ko chund cheezo ka paband karain, or apni marzi say inhay kutch na kahnay dain, or inhay paband karain k Mashrati masail ko hul karnay or zulm ko roknay k hawalay sa apna kirdar ada karain or doran e majlis Imam Hussain a.s k asli maqsad ko bayan karain or logo ko zulm k khilaf tayar karain

Ap juloos ma bay parda khawateen ka mushaida kartay hain, hum sab ka farz hai inhay rokay, hum zulm k khilaf juloos nikaal rahay hain aik zulm tou humari safo may he nazar aa raha ha,

Hum poray Muharam may nazr k tour per shermaal taqseeem kartay hain, shermaal ziada tar yahi Nasibi or wahabi banatay hain, or karooro ruppees is tarah Shio k khilaf istimal kartay hain, hum inhi hazraat say nazr o niyaz khareedtay hain, qoum k pas itna sha'or or baseerat hone chahyay k apnay kisi Momin say nazr o niyaz khareedain, is k ilawa b buhat sa kaam hain jo karnay ki buhat ziada zarorat hai

Share this post


Link to post
Share on other sites

MAJALIS-E-AZAA at 8.00 p.m.

16-20 muharam...Mulana shehnshah naqwi

21-25 muhram...Mulana shakhawat naz

11-15 sa'fr.....Mulana syed ali murtaza zaidi

16-18 sa'fr.....Mulana shabir ul hasan tahiri

Jamey Al-muntazir H -block Model Town Lahore Pakistan.

Share this post


Link to post
Share on other sites

ab tu minber bhi es ilzaam ke hisaar men agaiyie hain aap sirf safon ki baat ker rehay hain!

Lafz e ilzam kiun istimal kia ? kiya is may koi shuk ha k minber sa zulm nahi ho raha ?

aap ki ala fikr, derd mand dil, hoslay aur tadabbur per, kai hadees khwahon ke asharey sadqa kiye jasaktay hain.

may nay adna si koshish ki k apnay surrounding k logo ko wo samjhao jo meri samjh aa gaya hai, agar hur furd apna kaam karay tou chund mahino may yay baidari paida ho sakti ha, Agar kisi ko meri kisi bat sa koi direction ya Ja'had mili ho tou amul shoro karay, in tareefo ki khas zarorat nahi

Aimma a.s ki khilkat ka maqsad he insaniyat ka dard hur insan tuk muntaqil karna hai Iqbal Imamat per isi liay kahtay hain

Hey wohi teray zamanay ka Imam e Barhaq

jo tujhay Hazir o Mojood say bayzar karay

Maut ka ainay may dekha kar tujhay rukh e Dost

Zindagi teray liay or b Dushwar karay

Dey k Ahsaas e Ziya'n tera lahu garma dey

Faqr ki saan charha kar tujhay talwar karay

Allah karay ke hamarey sab Ulama aap ki ye tehreer parhain aur es se mustafeed hon

Aksar Ulama in baato ko hum sa bahtar samjhtay hain, kutch say meri baat cheet b hui aik Khateeb e Juma nay tou Iqrar b kiya k hum per kutch pabandia hain, or may nay Mehsoos ki trustees ki taraf sa paband hain,

Jis ki sotch Mulazmat ki ho wo Imamat ka ahal he nahi hota

Afaaz o Ma'nay may tafawut nahi lakin

Mulla ki azan or ha Mujahid ki azan or

Parwaz hai dono ki isi aik fiza may

Kargas ka jaha or hai Shaheen ka jaha or

Raah e Hul yay hai k sunnay walay baidar ho jain, jab yay baidar ho gae tou khud he in buzdil sifat logo ka amama utaray gae

aur aap ka ye paighaam aap ke naam se qoum tak ponchain.

Meray naam sa na pohchay, may takhti lagwanay k liay kam nahi karna chahta, albatta pohchay zaroor

ws

Share this post


Link to post
Share on other sites

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

×
×
  • Create New...