Jump to content
Guests can now reply in ALL forum topics (No registration required!) ×
Guests can now reply in ALL forum topics (No registration required!)
In the Name of God بسم الله
Sign in to follow this  
Abbas.

Career women

Recommended Posts

Salams

1970's ka waakiya hay. Western world main feminist movements start huween. Aurton ko un kay haqooq diye gaye. Legislations main tabdeeliyaan ayeein. Media aur Law enforcement agencies nay "Violence against women" kay khilaaf naara lagaaya. Is kay saath saath aurton ko career opportunities bhi dee gayeein.

Bohat hi achi efforts theen laikin jahan mera metre ghoomta hay wo yeh keh har feminist movement ki daadi amman wo aurat thee jis nay sahi maani main kabhi opression face hi nahen kiya tha. Us ka result yeh nikla keh unhon nay aurton kay rights ko represent tau kya, magar for the wrong reasons.

Ab recently main Australia kay ek newspaper main stats parh raha tha keh majority of women (who took part in the survey) prefer kar rahi hain keh ameer larkon say shaadi karain aur un ki wajah yeh thee keh wo kaam nahen karna chahteen. Yaani Y generation ki larkiyan prefer kar rahi hain keh house wife banain "because they saw their mothers suffering while working full time as well as looking after children full time".

Meray liye yeh baat surprise nahen thee. Meray khayal main masla thaa hi yahi keh aurton nay aur un ki feminist daadi ammiyon nay yeh assume karna shurru kar diya keh equal rights ka matlab hi yahi hay keh higher education and higher career position. Albatta maqsad taleem hasil karna nahen tha balkay mardon say muqaablay baazi. Log is baat ko bhool gaye keh har insaan kay apnay life dreams hotay hain. Zaroori nahen keh agar ek sister doctor banna chahti hay tau saari ki saari sisters ka yahi dream ho.

Ab mainay note kya hay keh same circle pakistan main revise horaha hay. Musharraf nay recently women rights ko push kya aur practically implement kya. Laikin equality ka matlab yahi samjha ja raha hay keh aurat har haalat main career ko tarjeeh day. Yeh baat mainay ab apnay doston main bhi note kerna shuru kar di hay. Wo rishtay kay wakt career women maang rahay hain. Ek dost kay tau comments kuch yuun thay, " Yar kaam karti hay. Kuch paisa kamaa laye gee, aaj kal daur advance hay.......jahil say shadi karun ga tau boj hi banay gi." Aurtain bhi career ko tarjeeh day rahi hain. Ghaliban achay career ka matlab acha rishta in the future? lol Yeh main isliye keh raha hun keh aaj kal naye naye rishtay bazariya phone/emails mujhe abbu send kar rahay hain. Aur har rishta profile apni job aur monthly income per stress deti hay. Even though it is not my priority or expectation at all :D

Anyways, yeh raha mera aaj ka bhashan. Phir milain gay. Bila takalluf apnay comments pesh kijiye, chahay agree kartay hun ya disagree. Bas zyada shaanay bannay ki koshish nah kerna. Mujhe koft hoti hay. Akhlaq acha rahay tau aglay ki baat dil par asar kerti hay aur banda kuch seekh hi leta hay.

Fi-Amanillah

Edited by inshaAllah

Share this post


Link to post
Share on other sites

(salam)

Bro, main kiya kahoon, apki post ki kisi ne bhi izzat nhi ki, na koi comments na koi behas, main to masroofiyet ki waja se pehly parh nhi saka tha, very sorry. Magar dosry members ki behasi pe buhat sharmindgi ho rahi hay.

Apki post buhat achi hay,Safaid Posh ki tarah aik buhat eham masla uthaya he ap ne aur buhat umda dala'yel paish kiye hain, buhat khoob :)

Aurtoon ki sooch, andaaz-e-fikar, aur raaye kay hawalay se to main kuch nahi kahoon ga.

(Even though it is not my priority or expectation at all) wali apki baat se agree hon, aaj kal kay zamanay main career must nhi hay, haan magar aurat "munasib taleem yaftaa" ho to woh meri raaye main ghar ko behter tour per sanbhaal sakti hay.

Taleem mard ho ya aurat, dono ko zehni aur fikri wasa'at deti hay, taleem kay baghir insaan ki soch, andaaz-e-fikar aur zehni perwaaz mehdood ho kar reh jati he.

Munasib Taleem Yaftaa se meri muraad higher education nhi hay, balkeh woh taleem jo insaan ko aik acha farad bana skay (chahay woh matric fail he kyun na ho) aur dosri basic zaroorat aj kal kay information technology kay zamanay kay saath chalny ki hay. I mean taleem buhat zyada na bhi ho to itni zaroor ho keh insaan apny aap ko aur apny irad girad ki dunya ko pehchaan sakay aur dunya kay saath chal skay.

Yahaan per main taleem ki ehmiyet kay hawalay se aik zaati misaal dena chahon ga, I m a man with defected hearing, I can chat with someone only by written means, I even not know sign language. Ab meri mother taleem yafta nhi hain, unhain mujh se koi baat karni ho to kisi se likhwa kar karti hain. On the other hand, ammi ko khud likhna parhna nhi aata to woh ghar kay kamoon aur zaroorton kay baray main bhi preshani ka shikaar rehti hain, bijli, gas kay bills hon ya koi khat (letter) waghira aaye, unhain kisi aur se parhwana parta hay.

In haalaat main ap sochiye kay agar meri shadi kisi ghair taleem yaftaa aurat se ho jaye to meri aur uski zindagi kitni mushkil hogi.

Wesy meri raaye main aurat kay liye ghar ki zimmey dariyan top priority honi chahiyen. Well, agar ghar ki zimmey daryan pori karny kay sath sath ya kisi majboori ki waja se woh koi job karti hay to definitely iski ijazat honi chahiye. Main is soch ki bilkul bhi humayet nhi karta kay ghar main faaqay ho rahy hon, aur hum aurat ko (jab kay woh ba-asaani koi job kar skti ho) parday aur ghairat kay naam per ghar bithaye rakhain. Mard aur aurat zindagi ki garri kay do pahiye (wheels) hain, dono mil kar he ghar ko chala sakty hain. Dono ko apni apni salahiytoon kay mutabiq ghar ki behtri kay liye best efforts ki aazadi milni chahiye.

Main ne kaafi behas kar daali hay, magar maza to tab hay jab koi aur bhi participate karay.

So let's see kon kuch kehny ki himmat karta hay :)

Edited by shukarAllah

Share this post


Link to post
Share on other sites
Salams

(wasalam)

:Hijabi:

kafi arsay say absent hun yahan tou ..pehly hal chal pooch lun?sab khairyat?

jahan tak apki iss post ki baat hay tou myn 100% agree karti hun

sab bilkul theek likha hay

aur meri bhi yehi khwahish hay k wohi khidmaat unjam dun jo meray Allah nay meray liyeh rakhi hayn ..aurtoon ka kaam baahir ja k kamana nahi hay ..yeh fact hay

han aaj kal k problms aur majbori alag chez hy

jahan tak pakistan ki bat ki apny tou "i hate those ppl" jo baho k bajai achee job karny wali dhond rhy hoty hayn..+ so many other things.

inshallah dobara present lagany jald aonge..

Allah hafiz

Share this post


Link to post
Share on other sites

(salam)

Acha humein bhi yahan pe taang araani thi :D

Wesy meri raaye main aurat kay liye ghar ki zimmey dariyan top priority honi chahiyen. Well, agar ghar ki zimmey daryan pori karny kay sath sath ya kisi majboori ki waja se woh koi job karti hay to definitely iski ijazat honi chahiye. Main is soch ki bilkul bhi humayet nhi karta kay ghar main faaqay ho rahy hon, aur hum aurat ko (jab kay woh ba-asaani koi job kar skti ho) parday aur ghairat kay naam per ghar bithaye rakhain.

Agar hum kahein ke meri raaye me aadmi ke liye ghar ki zimmedaryian poori karni top priority honi chahiye, toh? ;) Notwithstanding the fact that aurat baqoobi ghar aur bahar ki zimmedaris poori kar sakti hai :)

Mard aur aurat zindagi ki garri kay do pahiye (wheels) hain, dono mil kar he ghar ko chala sakty hain. Dono ko apni apni salahiytoon kay mutabiq ghar ki behtri kay liye best efforts ki aazadi milni chahiye.

Par phir bhi humein yeh "salahiyats" generalise nahi karna chahiye

Share this post


Link to post
Share on other sites
(wasalam)

:Hijabi:

kafi arsay say absent hun yahan tou ..pehly hal chal pooch lun?sab khairyat?

jahan tak apki iss post ki baat hay tou myn 100% agree karti hun

sab bilkul theek likha hay

aur meri bhi yehi khwahish hay k wohi khidmaat unjam dun jo meray Allah nay meray liyeh rakhi hayn ..aurtoon ka kaam baahir ja k kamana nahi hay ..yeh fact hay

han aaj kal k problms aur majbori alag chez hy

jahan tak pakistan ki bat ki apny tou "i hate those ppl" jo baho k bajai achee job karny wali dhond rhy hoty hayn..+ so many other things.

inshallah dobara present lagany jald aonge..

Allah hafiz

(salam)

Nehayat adab kay sath apki post ka reply karna chahoon ga. Kafi arsay baad apki tashreef awari huwi hay, aur inshaAllah bhai ki bhi kafi arsy baad kuch posts parhny ko mili hain, magar apko bhoola koi nhi, U r most welcome here.

Aur bus apki duaoon se sab khariat he rahi hay. inshaAllah bhai aur apko buhat miss bhi kiya he hum ne :)

Post se agree karny ka buhat shukarya, acha laga hay keh ap aisa sochti hain aur aj kal k zamany ki zarooriyat ko bhi smajhti hain. Its very nice. May Allah Pak bless u.Ameen

Ap shouq se dobara aayen, hum present laga lain ge, no fine (jurmana) for absents :lol:

Apna buhat khayal rakhiye ga aur inshaAllah bhai aur humain bhi apni duaoon main yaad rakhiye ga.

Allah Hafiz

(wasalam)

Share this post


Link to post
Share on other sites
(salam)

Acha humein bhi yahan pe taang araani thi :D

(wasalam)

You r most welcome here, ap taang arrain to dili khushi hogi, kyun keh is se humary aur SC members kay ilam main izafa hoga. Achy topics per discussions chalti rehni chahiyen.

1. Agar hum kahein ke meri raaye me aadmi ke liye ghar ki zimmedaryian poori karni top priority honi chahiye, toh? ;)

2. Notwithstanding the fact that aurat baqoobi ghar aur bahar ki zimmedaris poori kar sakti hai :)

Apki pehli baat ka agar yeh matlab hai keh aadmi k liye apny ghar aur ghar waloon ki zimmedaryian poori karna top priority honi chahiye to main apse 100% agree karta hon. Magar is main mard aur aurat dono ki zimmedariyon ka ta'een karna chahiye. Na to aisa ho keh mard just paisa kamany ki machine ban kar reh jaye aur usay ghar ka koi khayal na ho aur na aisa ho keh aurat ghar ko apni malkiyet samajh le aur mard ko competely bahar ka kamany wala kar de. Dono ki zimmedariyon main balance hona chahiye.

Apki dosri (Notwithstanding the fact that aurat baqoobi ghar aur bahar ki zimmedaris poori kar sakti hai) wali baat per zara sochna chahon ga, kyun keh apna apna point of view aur apny apny halaat hoty hain, aur hum har kisi ko aik he rule per judge nhi kar skty. Sisiter sahar_110 ne theek kaha he "han aaj kal k problms aur majbori alag chez hy"

Par phir bhi humein yeh "salahiyats" generalise nahi karna chahiye

Ap ne jo kaha woh humary liye buhat qabil-e-ehteraam hai, adab kay sath 'generalise nahi karna chahiye' ki thori si wazahat pochna chahon ga, so that I can understand ur intention. So what u mean by this line or what u want say, please explain ur words. Thanks

Aik baar phir is post main apky participate karny per behad shukarguzar hon.

Apna buhat khayal rakhiye ga, aur humain apni duaoon main yaad rakhiye ga.

Allah Hafiz.

Edited by shukarAllah

Share this post


Link to post
Share on other sites

^

Ab toh humein yaad nahi kisliye kahaa tha @ salaahiyats.. I guess categorise behtar word hota us time pe use karne ke liye... I think I was referring to the fact ke humari society mein categorise kar diya jaata hai ke kaun kaun kya kya kar sakta hai...for example, hum yeh dekheinge ke normally indo-pak mein theres this whole "male ego" thing going on ke khud chaahe kuch kamaa na paayein ghar chalaane ke liye, par biwi ko nahi bahar jaaney detey, just because khandaan mein koi aurat ne kaam nahi kiya bahar jaake, ya phir ladki ka kaam ghar dekhna bache paalna hi hai.. baahar ke kaamo'n ke liye aadmis are there :unsure:

Also, aap dekheinge ke zaroori nahi hai ke kisi wajah se hi aurat baahar jaaye, yani agar ghar me ££ ki shortage hai toh hi woh kaam dhoondey. Yeh uski marzi hai ke woh ghar me rehna prefer karti hai yah baahar jaana.. usko itni choice milni chahiye ke woh decide kar sakey, just like women nahi bolti men se ke aap ghar baithein bache paalein aur hum jaatey hain kaam pe.

In general I was just trying to say ke we shouldn't define for others what they should do or what they shouldn't. Har koi alag alag hai, different situations me, phir we can't say ke aurtein shouldn't work or even that they should. It should be the person's own decision not a society ka norms.

I donno humari urdu ko kya hua :(

Share this post


Link to post
Share on other sites
Ab toh humein yaad nahi kisliye kahaa tha @ salaahiyats.. I guess categorise behtar word hota us time pe use karne ke liye... I think I was referring to the fact ke humari society mein categorise kar diya jaata hai ke kaun kaun kya kya kar sakta hai...for example, hum yeh dekheinge ke normally indo-pak mein theres this whole "male ego" thing going on ke khud chaahe kuch kamaa na paayein ghar chalaane ke liye, par biwi ko nahi bahar jaaney detey, just because khandaan mein koi aurat ne kaam nahi kiya bahar jaake, ya phir ladki ka kaam ghar dekhna bache paalna hi hai.. baahar ke kaamo'n ke liye aadmis are there :unsure:

Also, aap dekheinge ke zaroori nahi hai ke kisi wajah se hi aurat baahar jaaye, yani agar ghar me ££ ki shortage hai toh hi woh kaam dhoondey. Yeh uski marzi hai ke woh ghar me rehna prefer karti hai yah baahar jaana.. usko itni choice milni chahiye ke woh decide kar sakey, just like women nahi bolti men se ke aap ghar baithein bache paalein aur hum jaatey hain kaam pe.

In general I was just trying to say ke we shouldn't define for others what they should do or what they shouldn't. Har koi alag alag hai, different situations me, phir we can't say ke aurtein shouldn't work or even that they should. It should be the person's own decision not a society ka norms.

I donno humari urdu ko kya hua :(

Ap ne jo kaha he, wo acha laga he. Aur fikar na karain, I hope jis tarah main ne apki Urdu+English ko samajhny ki dil se koshish ki hay, isi tarah jo samajhna chahy ga samajh le ga.

Main apky categorise kay lafaz se mukammal ettifaaq karta hon, ap ne sahi kaha he keh aisa hota hay. Aur yeh sahi baat bhi nahi hay. Magar isky sath he yeh bhi kehna chahoon ga keh jab tak mard bakhoobi kama sakta ho aur ghar ki kafalat kar skta ho to phir aurat ko ghar ko priority deni chahiye. Yahan per sawal yeh hay keh ghar ki zimmedariyan, bilkhasoos bachoon ki tarbiyet aur daikh bhaal ka kon khayal rakhy. Ya phir mard aur aurat dono aik dosry ki help kar skty hain, I mean jo kaam jo behter kar skta ho. Sab mard bahar ja kar kamany kay qabil nahi hoty (any kind of physical disabilities) aur na he sab aurtoon ko ghar ya job ka paband karna chahiye.

Apki dosri choice aur zaroorat ki baat se bhi main agree karta hon yani yeh aurat ki marzi hai ke woh ghar me rehna prefer karti hai yah baahar jaana.. usko itni choice milni chahiye ke woh decide kar sakey. Choice zaroor milni chahiye, because kuch khwaab aurat kay bhi hoty hain, woh bhi kuch ban'nay ka sochti hay, just house wife to just jaahil aurtoon ki choice hoti hay.... Laiken aik baat apse behad adab se kehna chahoon ga, aurat kay liye aik achi maan (mother) se behter koi choice nhi ho skti..... woh sab kuch ban jaye, magar achi maan na ban sakay to uski sari achievements ka kiya fayeda...... ! On the other side, mard ko bhi aik acha baap (father) ban'na chahiye... baat ghar ki ho rahi hay. Ghar mard aur aurat aur unky bachoon se mil kar banta hay. Aur mard aur aurat dono ki priority apna ghar aur bachoon ki sahih tarbiyet honi chahiye, isky ilawa woh jo kuch bhi krain, its ok, no problem...

Apki aakhiri baat bhi achi hai, "we shouldn't define for others what they should do or what they shouldn't", it should be person's own decision, not a society norm. Laiken husband aur wife aik dosry k mashwary aur razamandi se kuch karain to zayada sahih hota hai. We should trust each other and shouldn't restrict each other in any matter. Main aurat ko bhi aik fard (human) ka muqaam deny aur uski izzat karny ki baat karta hon, sorry to say, humari society main aurat ko aik be zubaan makhlooq samjha jata hay jo keh sahih nahi hay. We should try to change these things... at least in our lives.

Apka behad shukarya keh ap is thread main sanjeedgi se aur dilchaspi se participate kar rahi hain.

Duaon main yaad rakhiye ga. Allah Hafiz

Share this post


Link to post
Share on other sites
Ap ne jo kaha he, wo acha laga he. Aur fikar na karain, I hope jis tarah main ne apki Urdu+English ko samajhny ki dil se koshish ki hay, isi tarah jo samajhna chahy ga samajh le ga.

Thank you :) Aadat se majboor hain english bheech me ghus hi aati hai :squeez:

Main apky categorise kay lafaz se mukammal ettifaaq karta hon, ap ne sahi kaha he keh aisa hota hay. Aur yeh sahi baat bhi nahi hay. Magar isky sath he yeh bhi kehna chahoon ga keh jab tak mard bakhoobi kama sakta ho aur ghar ki kafalat kar skta ho to phir aurat ko ghar ko priority deni chahiye. Yahan per sawal yeh hay keh ghar ki zimmedariyan, bilkhasoos bachoon ki tarbiyet aur daikh bhaal ka kon khayal rakhy. Ya phir mard aur aurat dono aik dosry ki help kar skty hain, I mean jo kaam jo behter kar skta ho. Sab mard bahar ja kar kamany kay qabil nahi hoty (any kind of physical disabilities) aur na he sab aurtoon ko ghar ya job ka paband karna chahiye.

Yeh baat aapko sahy dikhti hogi, par hum log kisi aur ki priority toh nahi taiyy kar sakte hain na, jaisa ke aajkal hota hai, kaam padosi kar raha hai aur takleef doosro ko ho rahi hai ! I don't think bacho ki tarbiyat ki zimmedar sirf aurat honi chahiye, ya phir ghar ki poori zimmedari sirf aurat pe ho. Haalanki yeh unka khud ka faislaa rahega. Actually aurto ko problem nahi hoti hai magar aajkal yeh bohot cliche ho gaya hai jissey aurto ko everyone takes for granted, which shouldn't be the case. Aaj hi I was discussing lunch pe with my friends and one of them (she's english) said that woh boli apni mum se ke "ghar ka kaam karna aapki job hai" ... I was really offended. It is a decision a woman makes cos of what she feels ke jahan tawajjoh ki zyada zaroorat hai, agar humlog 7-10pm kaam karke ghar aatey hain aur khana ready bhi milta hai toh its cos humlog ki mum decided her priority was hum bachay and not working outside.

Apki dosri choice aur zaroorat ki baat se bhi main agree karta hon yani yeh aurat ki marzi hai ke woh ghar me rehna prefer karti hai yah baahar jaana.. usko itni choice milni chahiye ke woh decide kar sakey. Choice zaroor milni chahiye, because kuch khwaab aurat kay bhi hoty hain, woh bhi kuch ban'nay ka sochti hay, just house wife to just jaahil aurtoon ki choice hoti hay....

Yeh dekhiye aap bhi yahan keh gaye, aap log housewife ko kya halwaa samajh rahe hain? ek din ghar ke kaam kar ke dekhiye phir aata daal ke bhaaw pata chalenge :P Houswife, ya working mother, ya part-time, jo bhi, yeh unki choice hai kyunke woh apni priorities ke hisaab se decide karti hain. I donno how it is in Pak but yahan pe you hear a lot news mein ke ek banday ne apne chotey bache ko microwave me daal diya etc etc.. achanak fauran everyone started to blame the mother ke khayaal nahi rakha, jabke it was the dad who did it!

Laiken aik baat apse behad adab se kehna chahoon ga, aurat kay liye aik achi maan (mother) se behter koi choice nhi ho skti..... woh sab kuch ban jaye, magar achi maan na ban sakay to uski sari achievements ka kiya fayeda...... ! On the other side, mard ko bhi aik acha baap (father) ban'na chahiye... baat ghar ki ho rahi hay. Ghar mard aur aurat aur unky bachoon se mil kar banta hay. Aur mard aur aurat dono ki priority apna ghar aur bachoon ki sahih tarbiyet honi chahiye, isky ilawa woh jo kuch bhi krain, its ok, no problem...

Sahy kaha, ek mother se badh ke koi rutbaa nahi hai but iska matlab yeh nahi ke mardo ko full chhoot mil gayi ke miyan jo marzi aaye karo ghar me hai na biwi dhyaan deney ko bacho ka.. aur toh aur zyadatar I've noticed ke susraal me fauran blame biwi ko kar diya jaata hai kuch bhi ho!

Apki aakhiri baat bhi achi hai, "we shouldn't define for others what they should do or what they shouldn't", it should be person's own decision, not a society norm. Laiken husband aur wife aik dosry k mashwary aur razamandi se kuch karain to zayada sahih hota hai. We should trust each other and shouldn't restrict each other in any matter. Main aurat ko bhi aik fard (human) ka muqaam deny aur uski izzat karny ki baat karta hon, sorry to say, humari society main aurat ko aik be zubaan makhlooq samjha jata hay jo keh sahih nahi hay. We should try to change these things... at least in our lives.

Bro, what I was trying to say was what you have said, also ke yeh har kisi ka private maamla hai aur humlog ko har banday ke life ke baarey me to nahi pataa hota hai na, toh hum log kaise phataak se bol detey keh yeh karna chahiye ya woh karna chahiye... husband aur wife decide karein jo bhi karna hai..

I just think ke a woman should be free to do whatever she chooses to, just like how a man is free; nothing like "tum ghar se bahar nahi nikal saktiiii" wala drama... in the end it is uska khud ka decision ke kya karna hai life ka... theres no point comparing working mothers with housewives cos exceptions aur differences har jagah yahi hotey hain!

Bas itna hi kehna tha.. apologies agar aapko offend kiya ho, intention nahi thi yeh

WS

Share this post


Link to post
Share on other sites
just house wife to just jaahil aurtoon ki choice hoti hay....

Hain hain hain ???

Tumhari yeh jurrat keh housewife ki shaan main gustaakhi karo ? :angry:

Mujhe Pakistan aanay do, tumhari shave nah karon tau kehna ! Naadaan, Naalaeq !

Tauba tauba....... daarhi rakh ker aisi baatein .....! tuh tuh :D

Share this post


Link to post
Share on other sites

(salam)

Apky ghussay pe just Bhai Basim Ali k alfaaz duhraaon ga,

jo unho ne apny topic "Shayari on Purdah" main mujhy kahy thay:

UFFF!! Itna ghussaaaa? Itna ghussa saihat kay liyay acha nahi hota

Aray bhai..... Naraz kyun hotay hain?

Mera topic Hasiyay, Muskuraiyay parhiyay, ghussa thanda honay main aasaani hogi

Cool down.........

plzz

Really unka mashwary pe amal bandy ko cool down kr deta he.

Baqi behas he House Wife ki, to apka ghussa barhaq he, aur Sisiter Nida_e_Zahra k views bhi apni jaga. Mujhy unki baaton main tehzeeb aur wisdom mila tha to unki jaiz baaton se agree krta gaya aur apni baat bhi keh di.

Wese hazoor, just ghussa kaafi nhi he, apko baat daleel kay sath karni chahiye, UNDERSTAND !

Adab ke sath kahoon ga keh shaid Bro Basim Ali k dono topics ("Hasiyay, Muskuraiyay" and "Shayari on Purdah") apki nazar se nhi guzary, kafi dilchasp topics hain aur mazeydar behas huwi he in topics main, I hope apko achi lagy gi.

Apna buhat khayal rakhiye ga. Senior SC member hain, Mod bhi, aur buhat si qabil-e-qadar threads k khaaliq bhi,

so izzat krni parti he :)

(wasalam)

Share this post


Link to post
Share on other sites
salam,

halankay, aap ka record minus mien chal raha hai hamaray paas(aap samajh hi gaiyie hon gay), laikin phir bhi dua hai k, Allah aap kay azaaiim baland rakhay aur aap ko kaamyaabi ataa karai. :)

akhir hamari Maain bhi tu theen aur un ki maain!!

aisay 'honihaar bachchay' paal ker bhi kiya wo sab jahil kehlaain geen?

ws

(wasalam)

Respectable Batool Aapi,

Apka behad shukarya keh ap ne meri baaton per apni qeemti raaye ka izhaar kar ke meri izzat afzaai ki hai.

inshaAllah sahib ke ghussay ko to main ne itna serious nhi liya tha kyun keh aik to woh dostana ghussa tha aur dosra bey-daleel bhi..... I mean unho ne apni baat main just mujhy jhirrka tha, koi serious aur qabil-e-behas baat nhi ki thi.

But Aapi, ap ne jo baat ki, aur jo nukta pakra...... woh to rulaa gaya bus !

Really, its the point jahan main ya to apny alfaaz wapis le loon aur teh dil se tamaam maa'on se muaafi chahoon, ya phir apni baat ki kuch qabil-e-qabool wazahat karny ki koshish kron......

To is liye main apna pora paragraph naqal kar raha hon aur sath kuch mazeed wazahat bhi...

Apki dosri choice aur zaroorat ki baat se bhi main agree karta hon yani yeh aurat ki marzi hai ke woh ghar me rehna prefer karti hai yah baahar jaana.. usko itni choice milni chahiye ke woh decide kar sakey. Choice zaroor milni chahiye, because kuch khwaab aurat kay bhi hoty hain, woh bhi kuch ban'nay ka sochti hay, just house wife to just jaahil aurtoon ki choice hoti hay.... Laiken aik baat apse behad adab se kehna chahoon ga, aurat kay liye aik achi maan (mother) se behter koi choice nhi ho skti..... woh sab kuch ban jaye, magar achi maan na ban sakay to uski sari achievements ka kiya fayeda...... ! On the other side, mard ko bhi aik acha baap (father) ban'na chahiye... baat ghar ki ho rahi hay. Ghar mard aur aurat aur unky bachoon se mil kar banta hay. Aur mard aur aurat dono ki priority apna ghar aur bachoon ki sahih tarbiyet honi chahiye, isky ilawa woh jo kuch bhi krain, its ok, no problem...

Yahan per mera matlab yeh tha keh jo khawateen taleem hasil nhi kar pateen, ya sahih ilam hasil nhi hota, woh apni life main shadi kar ke ghar per raaj karny ko he sab kuch samajh leti hain. Unki soch mehdood hoti hay, woh ghar se bahar ka sochti hain to bhi bus rishteydaroon ya paas paroos k logoon ka keh usky pass yeh hay aur mery pass nhi ya aisi hi choti choti batain..... aisi he khawateen ko main jaahil kehna chahoon ga (housewife).

Jab keh woh khwateen jo proper taleem hasil krti hain aur isky sath koi hunar bhi, woh sirf ghar tak ka nhi sochti. Aik achi khatoon-e-khaana jab aik bewi hoti hay to apny shohar ke sath mil kar apny ghar ko ikhlaaqi aur financially tour per mustahkim banany ka sochti hay, chahy is k liye usay ghar se bahar ja ker koi job karni pary, ya ghar main reh kar kuch krna pary. Aur jab woh bachoon ki maan hoti hay to apny bachoon ki taleem, tarbiyet, sehat aur ikhlaaq per har tarah nazar rakhti hay keh woh ghar main kaisy hoty hain, school main kaisy, aur dostoon main kaisa rawaya hota hay.

Aur kuch khwateen aisi bhi hoti hain, jo zayada taleem hasil nhi kar pateen, magar apny ghar ke achy mahool se aur waldeen ki achi tarbiyet se buhat kuch seekh leti hain, jo unki saari zindagi main kaam aata he. Woh aik bewi ke tour per apny shohar k liye hosla, sahara aur bury halaat main achi saathi hoti hain, Aur bachoon ki maan k tour per woh bachoon ko acha ikhlaaq sikhaati hain, acha insaan banati hain aur unki behtreen tarbiyet karti hain. Aisi qabil-e-ehteraam khwateen ko to main kisi bhi tarah jaahil nhi keh skta !

Aakhir main aik baar phir apka dil dukhany per muaafi chahoon ga... Really shaid mujh se alfaaz k chunaao main ghalti ho gai. Maan meri ho ya kisi aur ki, main behrhaal behad ehteraam karta hon. Kyun keh yeh maan he hoti hay jiski achi tarbiyet dunya aur aakhirat main insaan ki izzat aur kamyabi ka baa'is banti hay.

Apka behad shukarya keh ap ne aik sahih nukta uthaya hay. Allah Pak apko aur apky waldeen ko apni hifaz-o-amaan main rakhay.Ameen.

Allah Hafiz

Share this post


Link to post
Share on other sites
Hume paki log ke urdu understand nahi hoti and hamare hisab se aplog ko aise difficult se words use karne ke liye fine karna chahiye. Shame on y'all. :angry:

Mangal Sutar, Raam Bhagwaan, Amar, Akbar, Anthony, Om desh jag deesh haray.....suami jeg dash deesh haray...... :D

Hope that clarifies .......

halankay, aap ka record minus mien chal raha hai hamaray paas(aap samajh hi gaiyie hon gay)

Tauba hay.....Bad say badnaaam bura.

Ab mainay aisa kya kia keh mera record manfi darja haraarat main hay ?

Edited by inshaAllah

Share this post


Link to post
Share on other sites
halankay, aap ka record minus mien chal raha hai hamaray paas(aap samajh hi gaiyie hon gay), laikin phir bhi dua hai k, Allah aap kay azaaiim baland rakhay aur aap ko kaamyaabi ataa karai. :)

(salam)

Dear Batool Aapi,

Apky yeh alfaaz uljha gaye hain, main to samjha tha keh yeh alfaaz ap ne mujh se kahy thay, kyun keh in alfaaz kay baad ap ne "jaahil" wali baat bhi ki thi jo keh basically meri he lafzi khataa thi..... aur apse humari muaafi bhi chal rahi hay...

Magar ab inshaAllah sahib is ko apny hisaab main samajh rahy hain to apse wazahat ki zaroorat parr gai hay, please clear kar dain keh yeh alfaaz kis kay liye kahy thay..... Apki buhat mehrbani hogi. Thanks

Wese main ne apse muaafi bhi mangi hay, umeed hay ap muaaf kar he dain gi.

Apna behad khayal rakhiye ga aur humain apni duaoon main yaad rakhiye ga.

Allah Hafiz

(wasalam)

Share this post


Link to post
Share on other sites
jaan ki amaan pain tu arz bhi kar dain gay!!

:(

Umm ... koi qatal ka ilzaam lagaana hay kya ? :unsure:

Jaan ki amaan di jaati hay.....yahan kehna munasib nahen tau pm bhi chalay ga. Aisay kion banda dil main shikwa lay ker jiye....

Salams

Share this post


Link to post
Share on other sites
ilzaam matlab!!

ye tu seedha sada saza ka case hai..

ay be-taaj kay baadsha, ye bhi koi insaaf hai? derbaar e aAm mien zulm hova aur feryaad Shahi Dungeon (PM) mien kahi jaai.........kabhi nahi.

aAp ki niyaat mien fotoor nazar araha hai, kay, ye tu lag raha hai aap akhri khahish pooch rehain hain!!!

Kamaal hay ...... Nah koi daleel, nah koi gawah aur is kay bawajood mulzim ko mujrim banaa diya !!! Wah Insaaf ! Waah Qanoon ! Aisay behan bhaee hon tau dushmanon ki zaroorat hi kya hay !! Banda itna tau sochta hay keh shaed koi ghalat fehmi ho. Laikin naaah, yeh aurton ko pata naheen kya masla hota hay keh seedhi baat nahen kerteeen. Mujhay fikar hay keh hum offtopic jaa rahay hain, isliye uper waali do chaar posts delete kerna chahta hun. Meherbaani fermaa ker shikwaa/ilzam/juram bayaan kya jaye.......taakay agar ghalti ho tau maafi mang lain gay, jurm ho ga tau sazaa kaat lain gay, aur agar ghalat fehmi ho gi tau clarify ker dain gay (Profile behan waali hay tau easy lay raha hun, bhaee waali hoti tau saath main littar bhi lagaata :D)....last offer hay....werna main yahi samjhoon ga keh pakki saazish hay, jis kay peechay Amreeka ka haath hay !

Share this post


Link to post
Share on other sites

(salam)

Career women ki Post # 19 agar mery liye thi (as I think) to Allah Pak k kram se meri nazar se guzar chuki hay. Apka buhat buhat shukarya keh ap mera itna khayal krti hain. Baqi inshaAllah sahib aur ap jaanain. Do seniors k dermyan main nhi bool sakta. Dono buhat azeez aur qabil-e-ehteraam hain mery liye :)

Anyway, meri dua hay k Allah Pak ap dono ko apni hifaz-o-amaan main rakhy.Ameen

Aur adab kay sath kahoon ga keh mera bhi khayal hay keh hum offtopic ja rahy hain, main apko PM krny laga tha, but woh disable tha, is liye yahan per post kiya he. Mind na kejiye ga.Thanks

Apna buhat khayal rakhiye ga. Allah Hafiz

(wasalam)

Edited by shukarAllah

Share this post


Link to post
Share on other sites
Heeelllllooooooo

Tried and tested.. being a housewife is better.. beshak career woman banna buhut achha lagta hai..hey, i work at blah blah co.lekin.. ghar ghar hota hai!!!

(salam)

First of all, most welcome to 'Friend of All', As Marbles Bhai said, kafi arsay baad enki tashreef awari huwi hay.

Is kay baad, as I think, 'Friend of All' kay alfaaz kaafi hain, is thread ka faisla krny k liye. I m agree with above words.

Adab kay sath araz karon ga keh is thread ko ab mazeed 'Chat Room' na banaya jaye. Koi member discuss karna chahy to most welcome, otherwise personal aur off the topic baaton k liye PM ki sahulat haazir hay.

Aur main is thread main participate krny waly tamam members ka bhi behad mashkoor hon keh unho ne apni qeemati raaye se is thread ko izzat bakhshi hay. May Allah Pak bless all SC members.Ameen.

Duaon main is aajiz ko bhi yaad rakhiye ga. Pur-khaloos duaon aur buzurgoon ki nazar-e-karam se insaan ki zindagi sanwar jati hay.

Allah Hafiz

(wasalam)

Edited by shukarAllah

Share this post


Link to post
Share on other sites

(salam)

Behad Qabil-e-Ehteraam Batool Aapi,

Main is thread k participants ka shukarya apny behalf per ada kar raha hon, keh is thread ko main ne bhi kaafi serious liya tha, kafi achi behas huwi aur mujhy bhi kafi new points milay to is liye apni taraf se sab ka shukarya ada kiya tha, inshaAllah sahb apni marzi kay maalik hain, apni thread ko kis tarah chalaty hain aur kis ki baat ko kitni ehmiyet dety hain.

Main ne inshaAllah sahb ki baat ko bhi serious liya tha keh hum off the topic ja rahy thay, to isi liye acha laga keh kisi ki achi baat per conclude kar key behas khatam kar dain. Sath he yeh bhi kaha keh agar kisi ka koi constructive discussion ka mood ho to most welcome. Mera intention just yeh tha keh hum apni zaati baatain is thread main na krain. Thread ko on the topic he chalna chahiye.

Baqi apki taraf PM disable chal raha hay, warna aik zaroori baat ki wazahat karni thi, but woh kyun keh is thread se related nhi hay, so yahan per zikar nahi krna chahta, wait rahy ga keh kab apki taraf se PM ki permission milti hay.

May Allah Pak bless u and all SC members. Ameen.

Duaon main apny choty bhai ko yaad rakhiye ga. Allah Hafiz

(wasalam)

Share this post


Link to post
Share on other sites

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

×
×
  • Create New...