Jump to content
Guests can now reply in ALL forum topics (No registration required!) ×
Guests can now reply in ALL forum topics (No registration required!)
In the Name of God بسم الله
Sign in to follow this  
Umme_Abeeha

Shayarie-fazeelat-e-ahlulbayt(a.s)kee

Recommended Posts

Taf'heem Ul Hussain a.s.

QURAN OR HUSSAIN a.s.

Quran aik raaz hay, hamraz hay Hussain a.s.

Quran aik saaz hay, dam'saaz hay Hussain a.s.

Quran aik naaz hay, sad naaz hay Hussain a.s.

Quran ik jawaz hay, ejaz hay Hussain a.s.

Quran kay nafaz ka ezaaz bhi Hussain a.s.

Quran kay zameer ki awaz bhi Hussain a.s.

Quran dar-e-naqool hay, manqool hay Hussain a.s.

Quran dar-e-hasool hay, mehsool hay Hussain a.s.

Quran dar-e-qabool hay, maqbool hay Hussain a.s.

Quran dar-e-aqool hay, ma'qool hay Hussain a.s.

Quran asool-e-adl hay, aadil Hussain a.s. hay

Quran behr-e-ilm hay, sahil Hussain a.s. hay

Quran hay sada, hamah tann gosh hay Hussain a.s.

Quran hay sarosh, to aaghosh hay Hussain a.s.

Quran hay kharosh to pur josh hay Hussain a.s.

Quran gar hay josh to ik hosh hay Hussain a.s.

Quran hay khamosh to pur josh hain Hussain a.s.

Quran ki sharab say mad-hosh hain Hussain a.s.

Quran aik takht hay to taaj hay Hussain a.s.

Quran aik mulk hay to raaj hay Hussain a.s.

Quran sang-e-meel hay, minhaj hay Hussain a.s.

Quran ik angushtari, pukhraj hay Hussain a.s.

Quran behr-e-ilm to amwaaj bhi Hussain a.s.

Quran aik arsh hay meraaj bhi Hussain a.s.

Quran hay ameeq to amaaq hay Hussain a.s.

Quran hay khaleeq to ikhlaaq hay Hussain a.s.

Quran hay shafeeq to ashfaq hay Hussain a.s.

Quran hay aneeq to aa'naaq hay Hussain a.s.

Quran hay sayaaq to sabaaq bhi Hussain a.s.

Quran kay haqooq ka ahqaaq bhi Hussain a.s.

Quran hay majeed to, tamjeed hay Hussain a.s.

Quran hay hameed to tam'heed hay Hussain a.s.

Quran hay waheed to toheed hay Hussain a.s.

Quran hay sadeed to tasdeed hay Hussain a.s.

Quran saeed hay to sa'aadat Hussain a.s., hay

Quran shaheed hay to sha'hadat Hussain a.s., hay

Quran hay kabeer to takbeer hay Hussain a.s.

Quran hay qadeer to taqdeer hay Hussain a.s.

Quran hay aseer to taaseer hay Hussain a.s.

Quran hay abeer to taabeer hay Hussain a.s.

Quran hay baseer, bisarat maira Hussain a.s.

Quran hay safeer, sifarat maira Hussain a.s.

Quran hay wajood to mojood hay Hussain a.s.

Quran hay hadood to mehdood hay Hussain a.s.

Quran hay sa'ood to masood hay Hussain a.s.

Quran hay sha'hood to mash'hood hay Hussain a.s.

Quran hay amood, imarat maira Hussain a.s.

Quran kay qasas ki ibarat maira Hussain a.s.

Quran iltamas hay, almaas hay Hussain a.s.

Quran behr-e-aas hay to piyas hay Hussain a.s.

Quran aik baas hay, Abbas hay Hussain a.s.

Quran ik qayas hay, muqyaas hay Hussain a.s.

Quran hawas-e-khamsah to Panj'tan maira Hussain a.s.

Quran noor-e-haq hay to rozan maira Hussain a.s.

Quran aik haq hay, tabaq hay maira Hussain a.s.

Quran ik tabaq hay, ufaq hay maira Hussain a.s.

Quran ik ufaq hay, shafaq hay maira Hussain a.s.

Quran ik shafaq hay, ramaq hay maira Hussain a.s.

Quran ik sabaq hay to ustaad hay Hussain a.s.

Quran kay school ki asnaad hay Hussain a.s.

Quran hay saleem to tasleem hay Hussain a.s.

Quran hay kareem to takreem hay Hussain a.s.

Quran hay aleem to taa'leem hay Hussain a.s.

Quran hay azeem to taa'zeem hay Hussain a.s.

Quran kay qeyam ki taqveem bhi Hussain a.s.

Quran kay nizam ki tanzeem bhi Hussain a.s.

Quran ik shajar hay, shajar kaar hay Hussain a.s.

Quran aik sar hay to sarkaar hay Hussain a.s.

Quran aik dar hay to dar'kaar hay Hussain a.s.

Quran aik par hay to par'kaar hay Hussain a.s.

Quran aik zar hay to bazaar bhi Hussain a.s.

Quran aik ghar hay to ghar baar bhi Hussain a.s.

Quran hay rafeeq, to tofeeq hay Hussain a.s.

Quran hay khaleeq, to takhleeq hay Hussain a.s.

Quran hay haqeeq, to teh'qeeq hay Hussain a.s.

Quran hay saddique, to tasdeeq hay Hussain a.s.

Quran hay ameeq, amaq hay maira Hussain a.s.

Quran hay shafeeq, shafaq hay maira Hussain a.s.

Quran ik dheyaan hay, wajdaan hay Hussain a.s.

Quran ik jahaan hay, nigraan hay Hussain a.s.

Quran ik nishaan hay, pehchan hay Hussain a.s.

Quran aik shan hay, zeeshaan hay Hussain a.s.

Quran kay jahaan ka irfaan bhi Hussain a.s.

Quran kay ameen ka eeman bhi Hussain a.s.

Quran hay naveer, tanveer hay Hussain a.s.

Quran hay saveer, tasveer hay Hussain a.s.

Quran hay hareer, to tehreer hay Hussain a.s.

Quran hay qadeer, to taqdeer hay Hussain a.s.

Quran ki abeer ka gulshan Hussain a.s., hay

Quran ki dars-gaah ka aa'ngan Hussain a.s., hay

Quran hay umoor to mamoor hay Hussain a.s.

Quran hay ghafoor to maghfoor hay Hussain a.s.

Quran hay shakoor to mash'koor hay Hussain a.s.

Quran hay saroor to masroor hay Hussain a.s.

Quran hay zahoor to zahir Hussain a.s., hay

Quran hay tahoor to tahir Hussain a.s., hay

Quran ik meyan hay, talwar hay Hussain a.s.

Quran ik zabaan hay, izhar hay Hussain a.s.

Quran ik bayaan hay, takraar hay Hussain a.s.

Quran aik jaan hay, jeedaar hay Hussain a.s.

Quran aik maan hay, eemaan hay Hussain a.s.

Quran kay wajood ki pehchan hay Hussain a.s.

Quran durr-e-naab hay, almaas hay Hussain a.s.

Quran intakhaab hay, ijlaas hay Hussain a.s.

Quran ehtasaab hay, muqyaas hay Hussain a.s.

Quran inqalab hay, ehsaas hay Hussain a.s.

Quran hay nasaab, nigarish Hussain a.s., hay

Quran abr-e-noor hay, barish Hussain a.s., hay

Quran adl-e-deen hay, taa'deel hay Hussain a.s.

Quran fasl-e-deen hay, tafseel hay Hussain a.s.

Quran misl-e-deen hay, tamseel hay Hussain a.s.

Quran shakl-e-deen hay, tashkeel hay Hussain a.s.

Quran kay kalam ki tar'teel bhi Hussain a.s.

Quran kay umoor ki takmeel bhi Hussain a.s.

Quran kitab-e-deen hay, tad'veen hay Hussain a.s.

Quran shahab-e-seen hay, yaa'seen hay Hussain a.s.

Quran dar-e-sakeen hay, taskeen hay Hussain a.s.

Quran bohat haseen hay, tehseen hay Hussain a.s.

Quran hay mubeen, imam-e-mubeen Hussain a.s.

Quran hay jabeen to zohrah jabee'n Hussain a.s.

Quran agar sharab hay, makhmoor hay Hussain a.s.

Quran agar sahaab hay, maa'moor hay Hussain a.s.

Quran agar kitab hay, dastoor hay Hussain a.s.

Quran agar nasaab hay, manshoor hay Hussain a.s.

Quran agar hajab hay, jalwah Hussain a.s., hay

Quran agar naqab hay, chehrah Hussain a.s., hay

Quran gar kareem hay, ikram hay Hussain a.s.

Quran gar qadeem hay, iqdaam hay Hussain a.s.

Quran gar naeem hay, in'aam hay Hussain a.s.

Quran gar hareem hay, ehraam hay Hussain a.s.

Quran hay kalaam, takallum Hussain a.s., hay

Quran hay salaam, musallam Hussain a.s., hay

Quran aik had hay to sarhad Hussain a.s., hay

Quran aik jad hay to amjad Hussain a.s., hay

Quran aik shad hay to arshad Hussain a.s., hay

Quran ik qasad hay to maqsad Hussain a.s., hay

Quran aik qad hay to hay sar-o-qad Hussain a.s.

Quran kay school main hay mustanad Hussain a.s.

Quran hay shahood, shahadat Hussain a.s., hay

Quran hay sa'ood, sa'aadat Hussain a.s., hay

Quran hay qayood, qayadat Hussain a.s., hay

Quran hay abood, ibadat Hussain a.s., hay

Quran kay wajood ki hurmat bhi hay Hussain a.s.

Quran kay sajood ki qeemat bhi hay Hussain a.s.

Quran aik hal hay, ta'hammul Hussain a.s., hay

Quran ik amal hay, ta'ammul Hussain a.s., hay

Quran ik fazl hay, tafazzul Hussain a.s., hay

Quran gar ghazal hay, taghazzul Hussain a.s. hay

Quran fasl hay to mufassal maira Hussain a.s.

Quran wasl hay to tawassul maira Hussain a.s.

Quran ki maqal, maqal-e-Hussain a.s., hay

Quran ki risaal, risaal-e-Hussain a.s., hay

Quran ki jadal, jadal-e-Hussain a.s., hay

Quran ki misal, misaal-e-Hussain a.s., hay

Quran kay bayan ka ah'waal hay Hussain a.s.

Quran kay naseeb ka iqbal hay Hussain a.s.

.........jaari hay.........

Share this post


Link to post
Share on other sites

BAGH-E-FIDAK BHI CHEEN LIA OR MUKAR GAEY

MIMBAR ALI a.s., KA CHEEN LIA OR MUKAR GAEY

MOHSIN a.s., SHAHEED KAR DIA OR MUKAR GAEY

HAZRAT HASSAN KO ZEHER DIA OR MUKAR GAEY

ROTAY HAIN HAM IS LIAY SHOR-O-SHAIN SAY

KAL KO NA MUKAR JA'EN YEH QATL-E-HUSSAIN a.s., SAY

Lanat bar zalemeen-o-munafeqeen-o-ghasibeen-o-kazibeen, bay shumar.

Share this post


Link to post
Share on other sites

Tu dushman-e-sarkar-e-zaman hai to mujhey kiya

Tu zar key haveli mei dafan hai to mujhey kiya

Parta hai mera hath to meray he jigar pay

Hoti teray seenay mei dukhan hai to mujhey kiya

Behtey hai meri ankh say ansoo jo musalsal

Rehti teri ankho mei choobhan hai to mujhey kiya

Hum nay to basaya hai yeh dil karbobala mei

Tera to saqifa he watan hai to mujhey kiya

Share this post


Link to post
Share on other sites

JAZAK Allah.......

SHAB-E-HIJRAT, Moula-e-Kaynaat Imam Ali a.s., Bistar-e-Nabuwwat Par Soaey. Or Kaha Jata Hay Keh Wohi Shab-e-Hijrat Thi Keh Jab Ali a.s., Soay Thay. Aisa Sona Na To Hijrat Say Pehlay Ki Kisi Raat Main Milta Hay Or Na Hi Baad Ki Raat Main. Kam Az Kam 40 Or Ziada Say Ziada 400 Kuffar Irada-e-Qatl-e-Rasool Allah s.a.w.a.w., Say Mojood Hain. Or Is Hi Aik Raat Ka Sona Hay Jis Kay Iwaz Moula Ali a.s., Nay Allah Ki Raza Khareed Li. Subhan Allah!

Mairay Karrar Ka Sona Har Ik Sonay Say Meh'nga Hay

Ali a.s., Ko Raat Bhar Toheed Ki Ulfat Jagati Hay

Adoo Bistar Nabi Ka, Mout Ka Dar, Khouf Ka Pehra!

Agar Mahol Yeh Ho To Ali a.s., Ko Neend Aati Hay.

Sari Raat Guzar Gaee, Kuffar-e-Makkah Rasool Allah s.a.w.a.w., Kay Jagnay Kay Muntazir Rahay Or Jab Un'ho'n Nay Rasool Allah s.a.w.a.w., Ki Bajaey Moula Ali a.s., Ko Paya To Daikhnay Walay Gung Ho Kar Reh Gaey.

Kapray Wohi, Chadar Wohi, Dastaar Wohi Hay

Chalta Hay To Lagta Hay Keh Allah Ka Nabi Hay

Angusht Ba-Dandaa'n Hain Sab Makkay Kay Kafir

Soya To Mohammad s.a.w.a.w., Tha, Yeh Jaga To Ali a.s., Hay

Ali a.s., Ko Bistar-e-Risalat Par Pehchan Lainay Par, Pehchan Lainay Walo'n Nay Apnay Sathio'n Ko Is Naa-Gihani Soorat-e-Haal Ki Ittalaa Kuch Is Andaz Say Di.

Woh Rehmat-e-Yazdaa'n Tha, Yeh Qehr-e-Jali Hay

Suntay Hain Qaza Is Kay Mohallay Ki Gali Hay

Ah'baab Agar Jaan Bachani Hay To Bhaago!

Tum Nay Jisay Samjha Tha Mohammad s.a.w.a.w., Woh Ali a.s., Hay

Allah Humma Sallay Alaa Muhammadin Wa Aalay Muhammad Wa Ajjil Faraja HumWa Laan Allah'hee Adaa Hum Ajma'een!

Share this post


Link to post
Share on other sites

Buz'Dil Ko Dilawar Say Bar'haya Nahee'n Jaata

Qatray Ko Samundar Say Milaya Nahee'n Jaata

Gharo'n Main Guzar Jaati Hay Ghairo'n Kay Bhi Sath

Bistar Pay Kabhi Ghairo'n Ko Sulaya Nahee'n Jaata!

Ghair Aik Ho Ya Bohat Say Agh'yaar, Nuq'tay 3 Hi Hotay Hain, Aik Ghain Ka Or Do Yay Kay

Share this post


Link to post
Share on other sites

Taf'heem Ul Hussain a.s.

QURAN OR HUSSAIN a.s.

Mazeed Ash'aar.

Quran ka moqam, moqam-e-Hussain a.s., hay

Quran ka nizam, nizam-e-Hussain a.s., hay

Quran ka payam, payam-e-Hussain a.s., hay

Quran ka dawam, dawam-e-Hussain a.s., hay

Quran hay madaam, abad tak Hussain a.s., hay

Quran kay sath sath lahad tak Hussain a.s., hay

Quran ka qayam, qayam-e-Hussain a.s., hay

Quran ka salam, Salam-e-Hussain a.s., hay

Quran ka kharam, kharam-e-Hussain a.s., hay

Quran ka imam, Imam-e-Hussain a.s., hay

Quran hay zamam to ik dast hay Hussain a.s.

Quran aik hadd hay to hadd bast hay Hussain a.s.

Quran ka Sha'aar, Sha'aar-e-Hussain a.s., hay

Quran ka madaar, Madaar-e-Hussain a.s., hay

Quran ka shumaar, shumaar-e-Hussain a.s., hay

Quran ka zawar, zawar-e-Hussain a.s., hay

Quran kay nisar ka mam'noon hay Hussain a.s.

Quran kay zawar ka masnoon hay Hussain a.s.

Quran ka habeeb, habeeb-e-Hussain a.s. hay

Quran ka naseeb, naseeb-e-Hussain a.s., hay

Quran ka khateeb, khateeb-e-Hussain a.s., hay

Quran ka adeeb, adeeb-e-Hussain a.s., hay

Quran kay raqeeb ka dushman bhi hay Hussain a.s.

Quran kay gulaab ka dushman bhi hay Hussain a.s.

Quran ka kamal, kamal-e-Hussain a.s., hay

Quran ka jamal, jamal-e-Hussain a.s., hay

Quran ka jalaal, jalaal-e-Hussain a.s., hay

Quran ka khayal, khayal-e-Hussain a.s., hay

Quran ik sawal hay, saa'il maira Hussain a.s.

Quran kay shabab pay maa'il maira Hussain a.s.

Quran ka ma'all, ma'all-e-Hussain a.s., hay

Quran ka hilal, hilal-e-Hussain a.s., hay

Quran ka bilal, bilal-e-Hussain a.s., hay

Quran ka wisaal, wisaal-e-Hussain a.s., hay

Quran kay Maqaal ki hay guf'tagoo Hussain a.s.

Quran kay Jamal ki hay aarzoo Hussain a.s.

Quran ka sareer, sareer-e-Hussain a.s., hay

Quran ka wateer, wateer-e-Hussain a.s., hay

Quran ka safeer, safeer-e-Hussain a.s., hay

Quran ka naseer, naseer-e-Hussain a.s., hay

Quran kay zameer ka paikar maira Hussain a.s.

Quran kay naseer ka nasir maira Hussain

Quran ka zameer, zameer-e-Hussain a.s., hay

Quran ka haseer, haseer-e-Hussain a.s., hay

Quran ka aseer, aseer-e-Hussain a.s., hay

Quran ka khameer, khameer-e-Hussain a.s., hay

Quran hay kabeer to akbar maira Hussain a.s.

Quran tab'sirah hay, mubassir maira Hussain a.s.

Quran ka nasab, nasab-e-Hussain a.s., hay

Quran ka khatab, khatab-e-Hussain a.s., hay

Quran ka jawab, jawab-e-Hussain a.s., hay

Quran ka sawab, sawab-e-Hussain a.s., hay

Quran kay shabab ka talib maira Hussain a.s.

Quran kay quloob ka qalib maira Hussain a.s.

Quran ka mizaj, mizaj-e-Hussain a.s., hay

Quran ka samaj, samaj-e-Hussain a.s., hay

Quran ka rawaj, rawaj-e-Hussain a.s., hay

Quran ka kharaj, kharaj-e-Hussain a.s., hay

Quran kay saraj ki tabish maira Hussain a.s.

Quran kay amar ki sifarish maira Hussain a.s.

Quran ka waqar, waqar-e-Hussain a.s., hay

Quran ka khumar, khumar-e-Hussain a.s., hay

Quran ka dayar, dayar-e-Hussain a.s., hay

Quran ka hisar, hisar-e-Hussain a.s., hay

Quran kay shumar ka har ik waraq Hussain a.s.

Quran kay uloom ka har ik sabaq Hussain a.s.

Quran ka namood, namood-e-Hussain a.s., hay

Quran ka wajood, wajood-e-Hussain a.s., hay

Quran ka darood, darood-e-Hussain a.s., hay

Quran ka warood, warood-e-Hussain a.s., hay

Quran kay sajood ka sajid maira Hussain a.s.

Quran hay jahad, mujahid maira Hussain a.s.

Quran ka sha'oor, sha'oor-e-Hussain a.s., hay

Quran ka nashoor, nashoor-e-Hussain a.s., hay

Quran ka aboor, aboor-e-Hussain a.s., hay

Quran ka zahoor, zahoor-e-Hussain a.s., hay

Quran kay umoor ka har ik amar Hussain a.s.

Quran kay shajar ka har ik samar Hussain a.s.

Quran ki kitab, kitab-e-Hussain a.s., hay

Quran ki sharab, sharab-e-Hussain a.s., hay

Quran ki naqab, naqab-e-Hussain a.s., hay

Quran ki jinab, jinab-e-Hussain a.s., hay

Quran kay hajab ka har raz hay Hussain a.s.

Quran kay jawab ka ejaz hay Hussain a.s.

Quran ki dawa-e-mujarrab Hussain a.s., hay

Quran harb hay to moharrab Hussain a.s., hay

Quran qudus hay to muqarrab Hussain a.s., hay

Quran kay Nabi s.a.w.a.w., ka taqarrub Hussain a.s., hay

Quran kay arab say ajam tak maira Hussain a.s.

Quran kay sath sath adam tak maira Hussain a.s.

Quran kay uzzam ki aamad Hussain a.s., hay

Quran kay nizam ki sarhad Hussain a.s., hay

Quran kay imam ki masnad Hussain a.s., hay

Quran kay kalam ki abjad Hussain a.s., hay

Quran kay kharam ka mash'had bhi hay Hussain a.s.

Quran kay qayam ka maqsad bhi hay Hussain a.s.

Quran ki ja'haat, ja'haat-e-Hussain a.s., hay

Quran ki sifaat, sifaat-e-Hussain a.s., hay

Quran ki hayaat, hayaat-e-Hussain a.s., hay

Quran ki sabaat, sabaat-e-Hussain a.s., hay

Quran kay nukaat ki pehchan hay Hussain a.s.

Is kay muqat'tay'aat ka irfaan hay Hussain a.s.

Quran ki kaman, kaman-e-Hussain a.s., hay

Quran ki aman, aman-e-Hussain a.s., hay

Quran ki zaban, zaban-e-Hussain a.s., hay

Quran ki azan, azan-e-Hussain a.s., hay

Quran ka bayan, baya'n hay Hussain a.s., ka

Quran ka nishan, nisha'n hay Hussain a.s., ka

Quran sanad hay, ilm-e-sana'ed Hussain a.s., hay

Quran amad hay, raah-e-ama'ed Hussain a.s., hay

Quran aqad hay, rooh-e-aqaaid Hussain a.s., hay

Quran qasad hay, shehr-e-qasaaid Hussain a.s., hay

Quran ki qayood ka qaid maira Hussain a.s.

Quran kay safar main fawaid maira Hussain a.s.

Quran ki sada ka zamana Hussain a.s., hay

Quran ki sana ka tarana Hussain a.s., hay

Quran ki ada ka fasanah Hussain a.s., hay

Quran ki wafa ka khazana Hussain a.s., hay

Quran ki doa ka thikana maira Hussain a.s.

Quran ki ataa ka khazana maira Hussain a.s.

Quran hay saroor, musarrat Hussain a.s., hay

Quran hay sadoor, sadarat Hussain a.s., hay

Quran hay aboor, ibarat Hussain a.s., hay

Quran hay hazoor to hazrat Hussain a.s., hay

Quran hay nashoor to manshoor hay Hussain a.s.

Quran kay amoor ka dastoor hay Hussain a.s.

Quran hay kaseer to kousar Hussain a.s., hay

Quran hay kabeer to akbar Hussain a.s., hay

Quran hay nazeer to nazir Hussain a.s., hay

Quran hay naseer to nasir Hussain a.s., hay

Quran hay nafeer to awaz hay Hussain a.s.

Quran aasmaan hay parwaz hay Hussain a.s.

Quran hay aleem, Mo'allam Hussain a.s., hay

Quran hay azeem, mo'azzam Hussain a.s., hay

Quran hay kaleem, takallum Hussain a.s., hay

Quran hay hareem, moharram Hussain a.s., hay

Quran hay kareem, kiramat maira Hussain a.s.

Quran hay raheem, to rehmat maira Hussain a.s.

.........jaari hay.........

Edited by ConvertedMomin

Share this post


Link to post
Share on other sites

Thank you for the beautiful shayri's contributed by all.

Ya Allah mere Jism mein jab tak ke meri jaan rahe,

Tujh pe Sadqa aur Tere pe Qurban Rahe,

Mein rahoon Ya na Rahoon,

Laikin Ye hai Dua ke Deen-e- Mohammed (pbuh) rahe,

Aur Izzat-e- Quran rahe.

Share this post


Link to post
Share on other sites

Behta Hay Isharo'n Pay Mairay Ilm Ka Dhara

Har Jhooti Rawayat Ko Mai'n Karta Hoo'n Do Para

Munkir Ki Fana Hay Mairay Abroo Ka Ishara

Maasoom Ki Azmat Mai'n Kami Kab Hay Gawara

Khut'Baat Ko Dharay Mairay Leh'Jay Say Milay Hai'n

Kia Kia Sar-e-Gulzar-e-Adab Phool Khilay Hai'n

Mai'n Woh Hoo'n Mila Jis Ko Hunar Ishq-e-Ali a.s., Say

Ka'nto'n Ko Banaya Gul-e-Tarr Ishq-e-Ali a.s., Say

Ubhra Hay Yeh Ulfat Ka Shajar Ishq-e-Ali a.s., Say

Marboot Jo Hay Qalb-o-Nazar Ishq-e-Ali a.s., Say

Mehshar Mai'n Bhi Bakh'Shish Ka Sabab Ishq-e-Ali a.s., Hay

Firdous Nahee'n, Mairi Talab Ishq-e-Ali a.s., Hay

Share this post


Link to post
Share on other sites

Hazrat Abbas a.s., Ki Wiladat Say Pehlay Rasool Allah s.a.w.a.w., Ki Paisheen Goee.

Jab Hazrat Jaffar Tayyar Ki Khabar-e-Shahadat, Mehboob-e-Khuda Ki Zubani, Jinab Ameer a.s., Nay Suni To Aap Par Aik Gham-o-Alam Ka Pahar Phatt Para Or Farmanay Lagay Keh Bhai Jaffar Tayyar Ki Shahadat Say Ali (a.s.) Ki Kamar Toot Gaee, Magar Jab Mukhbir-e-Sadiq Say Yeh Suna Keh Us Hadiyah Ilahi Ko Katay Hooay Haatho'n Kay Iwaz Us Mun'am-e-Haqeeqi Nay Do Par Zammurd-e-Sabz Kay Ataa Farmaey Hai'n To Dargaah-e-Rabbul Izzat Main Bay Hadd Shukar Guzar Hooay Or Farmanay Lagay Kash Yeh Martabah Mujhay Hasil Ho Jata.

Mirza Dabeer Farmatay Hai'n.

Sun Kar Yeh Tamanna Shah-e-Loulaak Pukaray

Bas Bas Keh Yeh Hissa Hay Bhateejay Ka Hamaray

Jo Aashiq-e-Shabbir Hay Baito'n Main Tumharay

Shano'n Ko Kataey Ga Jo Darya Kay Kinaray

Rutbay Ki Bulandi Main Falak Past Milai'n Gay

Yaqoot Kay Par Un Ko Sar-e-Dast Milai'n Gay

Zahra Koi Do Teen Baras Or Hay Mehmaa'n

Ik Salehah Say Ho Ga Tairay Aqad Ka Samaa'n

Us Bibi Kay Farzand-e-Girami Kay Mai'n Qurbaa'n

Samjhay Ga Nawasay Ko Mairi Jaan Or Eemaa'n

Qurban Woh Rahay Ga Pisar-e-Khair-Unnisa Par

Jis Tarah Say Tum Mujh Pay Fida Or Mai'n Khuda Par

Sajdah Kia Haider Nay Keh Hay Oaj Peh Taqdeer

Ki Arz Payambar Say Keh Aey Sahib-e-Tat'heer

Sibtain Ko To Haq Nay Kia Shabbar-o-Shabbir

Tum Naam Mairay Baitay Ka Rakho To Ho Toqeer

Par Naam Main Do Tarha Ki Taseer Ho Paida

Maira Ho Jalal, Ulfat-e-Shabbir Ho Paida

Jinab-e-Ameer a.s., Ki Yeh Khoahish Sun Kar Dargah-e-Samee-ul-Baseer Say Yeh Awaaz Aaee Keh Aey Ali (a.s.) Mut'ma'in Raho Ham Nay Tumhari Khoahish Kay Ba'moojib Abhi Say Us Molood Masood Ka Naam ABBAS Tajweez Kar Lia Hay.

Hay "Aey'n" Sar-e-Ism Keh Hoay Ga Alamdar

"Bay" Say Hay Bisharat Keh Woh Hay Bazoo-e-Salaar

Eeman Ka Aaghaaz "Alif" Say Hay Namoodaar

Hay Seen Saqqa-e-Sakeenah Woh Khush At'waar

Hay Aey'n Kay Sar Par Jo Zabar, Khoahish-e-Rabb Hay

Woh Bazoo-e-Shabber Zabardast Hay Sab Say

Allah Humma Sallay Alaa Muhammadin Wa Aalay Muhammad Wa Ajjil Faraja HumWa Laan Allah'hee Adaa Hum Ajma'een!

Share this post


Link to post
Share on other sites

ZAHRA s.a., -O- ALI a.s., KI PUR HASRAT GUFTAGOO

Jinab Ameer a.s., Shadi Or Gham Ki Khabar Sun Kar Jab Madeenay Tashreef Laey Or Jinab-e-Syeda Say Yeh Majra Bayan Kia To Jinab-e-Masooma Nay Yeh Ro Kar Farmaya Keh Aey Abul Hassan a.s! Mai'n Aap Ko Ba Raza-o-Raghbat Ijazat Daiti Hoo'n Keh Aap Madar-e-Abbas Say Aqad Kar Lain Takeh Main Hussain Kay Fidaee Ko Apni Aa'nkho'n Say Daikh Loo'n.

Hasrat Hay Keh Abbas Jo Paida Ho Mai'n Paloo'n

Jo Naaz Karay, Fakhar Samajh Kar Mai'n Utha Loo'n

Shabbir Kay Fidiay Pay Sab Armaan Nikaloo'n

Bas Doodh Churatay Hi Main Noshaah Bana Loo'n

Nanhi Si Sipar Pusht Pay Ho, Taigh Kamar Mai'n

Kandhay Pay Alam Rakh Kay Phiraow'n Usay Ghar Mai'n

Haider Nay Kaha Sab Yeh Hasham Hoain Gay Zahra

Bhai Kay Woh Mukhtar-e-Alam Hoain Gay Zahra

Saqqaa-e-Yateemaan-e-Haram Hoain Gay Zahra

Par Kab Keh Tum Ho Gi Na Ham Hoain Gay Zahra

Nou Saal Talak Bas Woh Hamain Baba Kahai'n Gay

Phir Shah-e-Shaheeda'n Ki Ghulami Mai'n Rahai'n Gay

Yeh Sun Kar Jab Syeda-e-Konain s.a., Jinab-e-Abbas a.s., Ki Deed Say Mayoos Ho Gaee'n To Jinab-e-Zainab s.a., Ko Bula Kar Irshad Farmanay Lagee'n Keh Aey Para-e-Jigar Jab Tumhara Chota Bhai Abbas Paida Ho To Mairi Janib Say Tum Usay Palna. Us Ki Shadi Karna Or Us Ki Balaa'en Lay Kar Us Kay Dono'n Bazo'o'n Kay Mairi Taraf Say Bosay Laina Jo Mairay Farzand Hussain a.s., Ki Himayat Main Qata Kiay Ja'en Gay.

Jinab-e-Zainab s.a., Nay Maa'n Ki Wasi'at Kay Bamoojib, Taa Umr Jinab-e-Abbas a.s., Ko Misl-e-Hussain a.s., Hi Samjha.

Allah Humma Sallay Alaa Muhammadin Wa Aalay Muhammad Wa Ajjil Faraja HumWa Laan Allah'hee Adaa Hum Ajma'een!

Share this post


Link to post
Share on other sites

Salaams...

ConvertedMomin aur Mohib e ahlebayt aur jitne bhi contibuters hain....aap sab kee jitnee bhee contributions hai woh bohot achi hai...lutf aagaya un sab ko par ke....

waise koyee meri thoree see help karde.... mujhe koyee aysee islamic urdu shaeree kee kitaab batai'n jiss mei aasaan urdu mei shae'ree likhee hoh.. kyunke thora time hee huwa hai iss ark ka shauk lage huwe... to mujhe koyee kitaab ka ma'loom nahee hai...shukriya (in advance)..

maiN Mir Anees* ke teen bUnd pesh kar raha hooN jismein maidan?e

Karbala mein Hazrat Abbas (A. S.) ki shuja?at ka bayaan hai:

naara tha ke haan aey sipah?e Sha?m, khabardaar

Abbas e dilaawar hai mera naam, khabardaar

hai qahr?e ilaahi meri samsaam, khabardaar

naizah hai mera maut ka paighaam, khabardaar

maiN lakhT e jigar saaheb?e shamsheer?e do-sar hooN

hoshyaar ke maiN sheir e ilaahi ka pisar hooN

farma ke yeh li teigh, bahaadur ne miyaaN se

ghoaRe ko jo cheiRa, na ruka laakh jawaan se

hAr waar meiN sAr girn?e lagey barg e khizaaN se

chaln?e mein ziyaada thi rawaaN, aab?e rawaaN se

jis par paRi, naazil hua qahr uss pa raza ka

thi teigh ki zarbat ke tamaaNcha tha qaza ka

hangaam e wegha bAnd thi rah amn o amaaN ki

jaaN choaRti thi na woh kisi, peer o jawaan ki

humdum thi yadullah ki teigh e do zabaaN ki

thi qatey umid uss se hAr ek dushman e jaan ki

hAr fArd ko iss teigh ka jauhar nazar aaya

saaya bhi paRa jis pa woh be-sAr nazar aaya

Aakhir meiN Josh* Malihabaadi ki eik rubaai mulaheza ho:

seeney pa mere naqsh e qadam kiska hai

rindi meiN yeh ijlaal o hasham kiska hai

zahid, mere iss haath ke saaghar ko na deikh

yeh deikh ke iss sAr pa alam kiska hai

wassalam

Edited by LOVER of AHLE BAYT

Share this post


Link to post
Share on other sites
Salaams...

koyee meri thoree see help karde.... mujhe koyee aysee islamic urdu shaeree kee kitaab batai'n jiss mei aasaan urdu mei shae'ree likhee hoh..

Alaikassalam wr., wb.

Aap ki hoslah afza'ee ka bohat bohat shukriah or sath hi sath aap nay bhi jo apna hissah dala yaani Meer Anees kay khoobsoorat kalam ki soorat main woh bhi kuch kam tareef ka mustahiq nahee'n. Allah Paak Aap Ki Tofee'qaat Main Izafa Farma'en, Ilahi Ameen!

Jaha'n tak islamic urdu ki shairi ki kutub ka ta'alluq hay to is silsilay main "asaan urdu" ki shart kafi kathan hay. Or us ki wajah yeh hay keh kull islam Ahl-e-Bait a.s., hi hain or Ahl-e-Bait a.s., ki madah main jab bhi kisi nay qalam uthaya, urdu zaban us kay samnay hath bandh kar baandi ki tarah khari ho gaee or yehee wajah hay keh Ahl-e-Bait a.s., ki madah sara'ee mai'n urdu zaban jis qadar mutaharrik nazar aati hay aisi mutaharrik kisi or mozoo par daikhnay ko nahee'n milti.

Jaisa keh Shoaib Jazib kay Baqol.....

Beetay Gi Mairi Umr Bayan-e-Hussain a.s., Mai'n

Main Saa'ns Lay Raha Hoo'n Jahan-e-Hussain a.s., Mai'n

Ya Qaim-e-Zaman a.s., Madad Keejiay Mairi

Ash'aar Keh Raha Hoo'n Mai'n Shan-e-Hussain a.s., Mai'n

Or Qaim-e-Zaman a.s., Madad Kartay Hain. Phir Bhala Woh Kon Si Zaban Ho Gi Jo Bandi Ban'nay par Fakhar Naa Karay?

Meer Anees or Meer Dabeer ko zaroor par'hain. Or is kay ilawa Poetry or sayaq-o-sabaq ki tashreeh sub kuch aik sath Dr. Syed Zameer Akhtar Naqvi ki kitab "Umm ul Baneen s.a." mai'n bhi bohat khoob hay Or in sab kay ilawa woh kitab jo aap nay is waqt khol rakhi hay yaani "Shayarie-fazeelat-e-ahlulbayt(a.s)kee", is kitab ko bhi aap insha Allah behtareen paa'en gay.

Aap kay saath saath baqi sab momeneen-o-mominaat say bhi dar'khoast karoo'n ga keh aap sab bhi apna apna hissa zaroor dalai'n takeh ham sab aik doosray ki collections say mus'tafeez ho sakain. Jazak Allah.

Wassalam.

Edited by ConvertedMomin

Share this post


Link to post
Share on other sites
Allah Paak Aap Ki Tofee'qaat Main Izafa Farma'en, Ilahi Ameen!

same to u brother.... inshallah hum koshish karenge ke iss thread ko kabhi nah khatam hone denge...

wasie mein ne ye poora thread parne ke baad hee iss mei post karna shuroo kiyaa hai... mei baaki momeneen se yehi guzaarish karoonga ke ye thread pura parhain...bohot zabardast hai..

waisey aap ka bohot shukriya.. inshallah mei soch rahan hun ke jab iss saal pak jaaon to kuch sheree kee kitabein le aaoon... jo aap ne bataaee hain unko apne list mei add kar liya hai.....

hmm...Jab hazrat e Abbas ke zikr chal hee raha hai to mei kuch uss mei add karna chahoonga:

sher ke saye mein sher rahte hain

zulm aur sitam mein bhi sher rahte hain

mit jate hain mar jate hain sher rahte hain

munh mein mashke sakina dabaye sher kahate hain

abbas alamdar hamare dil aur seene mein rahte hain

pyase samandar ko bhi hum abbas kahte hain

kate hathon se jo apne aaka ko salam kahte hain

unhi ke alamke saye mein hydare karar rahte hain

Share this post


Link to post
Share on other sites

Jazak Allah Brother!

Aabid Say Jab Watan Main Kisi Nay Kia Kalam

Guzray Kaha'n Par Ziada Qalaq Tum Pay Ya Imam?

Ghabra Kay Teen Baar Kaha Sham Sham Sham

Kumba Tha Na'ngay Sar Maira Or Gird Khas-o-Aam

Baiwaow'n Kay Naam Lay Kay Adoo Shaad Hotay Thay

Baba Ka Sar Bhi Rota Tha Or Ham Bhi Rotay Thay

Lanat Bar Zalemeen, Bay Shumar

Share this post


Link to post
Share on other sites

I got one:

Kam jiski ziya'ay hoN woh tanveer nahin hoon

Biddat se jo mitjaye woh tasveer nahin hoon

Gham hai meri fitrat mein to gham karta hoon Mathur

Hindu hoon magar dushman-e-Shabbir nahin hoon

Heres another one I like:

Tu apne ek jaam pay naazaaN hai saqiya

chauda pilane waale hain parwa hai teri kya

batlaye deti hoon tujhe maykhaanon ka pata

badthao kazimaino khuraasano saamra

khursheed e muddua mera burj-e-sharaf mein hai

Ek karbala mai, ek mera saqi Najaf mein hai

Share this post


Link to post
Share on other sites

Meer Anees!

Shamma-e-Aiwan-e-Imamat

Umm ul Baneen s.a.

1

Abbas Ali Shair-E-Neestan-E-Najaf Hay

Tabindah Durr-E-Taj-E-Suleman-E-Najaf Hay

Sar'way Chaman-E-Khizar-E-Bayaban-E-Najaf Hay

Aa'eenah-E-Roo-E-Mah-E-Kan'aan-E-Najaf Hay

Tifli Say Usay Ishq-E-Imam-E-Do Sara Tha

Shah Us Pay Fida Thay, Woh Shah-E-Dee'n Pay Fida Tha

2

Kia Dabdaba, Kia Shan Thi, Kia Solat-O-Shokat

Kia Husn Tha, Kia Khulq Tha, Kia Chashm-E-Murawwat

Kia Hilm Tha, Kia Ro'ob Tha, Kia Quwwat-O-Qudrat

Kia Rehem Tha, Kia Adl Tha, Kia Bakhshish-O-Himmat

Jab Tak Mah-O-Khursheed Main Yeh Noor Rahay Ga

Aalam Main Alamdar Ka Mazkoor Rahay Ga

3

Allah Ray Nasab Wah Ree Toqeer Zahay Jaah

Dada To Abu Talib-E-Ghazi Sa Shehenshaah

Amm Jaffar-E-Tayyar, Haz'bar-E-Saf-E-Jangaah

Or Walid-E-Majid Ko Jo Poocho Asad Ullah

Fakhar Un Ko Ghulami Ka Hussain Ibn E Ali Ki

Madar Ko Kaneezi Ka Sharab Bint-E-Nabi Ki

4

Har Chand Nah Tha Batan Say Zahra Kay Who Mah?roo

Laikin Kisay Hath Aata Hay Is Tarah Ka Bazoo

Bachpan Say Jo Chora Na Tha Shabbir Ka Pehloo

Thi Taba Main Sari Gul-E-Zahra Hi Ki Khoo Boo

Khulq Us Main Jawa?n Mardi-E-Shah-E-Najaf Us Main

Thay Ilm-E-Imamat Kay Siwa Sab Sharaf Us Main

5

Paida'esh-E-Abbas Ka Yeh Haal Hay Tehreer

Jab Khuld Ko Dunya Say Hooee'n Fatima Rah'geer

Yawar Thi Zabas Madar-E-Abbas Ki Taqdeer

Ham'bistar-E-Haider Hooee Who Sahib-E-Toqeer

Jis Roz Say Aaee Thee Yadullah Kay Ghar Main

Rehti Thi Shab-O-Roz Tamanna-E-Pisar Main

Allah Humma Sallay Alaa Muhammadin Wa Aalay Muhammad Wa Ajjil Faraja HumWa Laan Allah'hee Adaa Hum Ajma'een!

Edited by ConvertedMomin

Share this post


Link to post
Share on other sites

Meer Anees!

Shamma-e-Aiwan-e-Imamat

Umm ul Baneen s.a.

6

Dawa-E-Kaneezi Tha Usay Bint-E-Nabi Say

Tha Uns Bohat Aal-E-Rasool-E-Arabi Say

Matlab Tha Nah Apni Usay Rahat Talabi Say

Aagaah Thi Shabbir Ki Aali Nasabi Say

Masroof Woh Fizzah Say Bhi Khidmat Main Siwa Thi

Sow Jaan Say Farzando'n Pay Zahra Kay Fida Thi

7

Haider Say Kabhi Poochti Thi Ya Shah-E-Safdar

Dono'n Main Bohat Chahtay Thay Kis Ko Payambar

Us Bibi Say Farmatay Thay Yeh Faa'tah-E-Khaibar

Ulfat Thi Mohammad Ko Nawaso'n Say Barabar

Yeh Dono'n Dil-O-Jan-E-Rasool-E-Do'sara Thay

Sadqay Kabhi Is Par Thay Kabhi Us Pay Fida Thay

8

Jab Mashaf-E-Natiq Say Suni Us Nay Yeh Taqreer

Ki Haq Say Manajaat Keh Aey Malik-E-Taqdeer

Gar Day Too Mujhay Aik Pisar Sahib-E-Toqeer

Main Us Ko Khushi Ho Kay Karoo'n Fidiya-E-Shabbir

Mumtaz Ghulamo'n Main Jo Gulfam Ho Maira

Zahra Ki Kaneezo'n Main Bara Naam Ho Maira

9

Shabbir Ka Tha Naam Manajaat Main Dakhil

Kis Tarah Na Maqbool Karay Khaliq-E-Aadil

Jald Us Ko Samar Nakhl-E-Doa Ka Hooa Hasil

Allah Nay Bakhsha Pisar Naik Shama'il

Dikhla'ee Jo Tasweer-E-Pisar Bakht-E-Rasa Nay

Abbas Ali Naam Rakha Shair-E-Khuda Nay

10

Shabbir Ko Abbas Ki Madar Nay Bulaya

Or Goad Main Farzand Ko Day Kar Yeh Sunaya

Lo Wari Wafadar Ghulam Aap Nay Paya

Naa'lain Uthaey Ga Tumhari, Maira Jaya

Aaqa Ho, Shehenshah Ho, Sardar Ho Is Kay

Malik Ho Tum'hee'n Or Tum'hee'n Mukhtar Ho Is Kay

Allah Humma Sallay Alaa Muhammadin Wa Aalay Muhammad Wa Ajjil Faraja HumWa Laan Allah'hee Adaa Hum Ajma'een!

Edited by ConvertedMomin

Share this post


Link to post
Share on other sites

Meer Anees!

Shamma-e-Aiwan-e-Imamat

Umm ul Baneen s.a.

11

Chaati Say Laga Kar Usay Bolay Shah-e-Khush Khoo

Yeh Taq'Viat-E-Rooh Hay Or Quwwat-e-Bazoo

Is Gull Say Wafadari Ki Aati Hay Mujhay Boo

Kitna Mairay Baba Say Mushabah Hay Yeh Gull'roo

Yeh Shair Madad'gari-E-Shabbir Karay Ga

Allah Isay Sahib-E-Toqeer Karay Ga

12

Jab Saat Baras Ka Hooa Woh Gaiso'o'n Wala

Maa'n Nay Kaha Tum Nay Mairi Ja'n Hosh Sambhala

Maani Thi Yeh Nazar Or Tha Ishi Wastay Pala

Ab Tum Ko Karoo'n Gi Main Nisar-E-Shah-E-Wala

Haq Ulfat-E-Zahra Ka Adaa Karti Hoo'n Baita

Jo Ehed Kia Us Ko Wafa Karti Hoo'n Baita

13

Khush Ho Kay Yeh Ki Hazrat-E-Abbas Nay Taqreer

Yeh Ain Tamanna Hay Keh Ho'n Fidiyah-E-Shabbir

Hazir Hoo'n Karo Jald Fida Honay Ki Tad'beer

Lazim Nahee'n Amma'n Amal-E-Khair Mai'n Takheer

Go Umr Mai'n Chota Hay Gul Andaam Tumhara

Par Khulq Mai'n Ho'way Ga Bara Naam Tumhara

14

Madar Ko Yeh Farzand Ki Taqreer Khush Aaee

Lay Lay Kay Balaa'en Usay Poshak Pehnaa'ee

Pakray Hooay Haath Aagay Yadullah Kay Laa'ee

Ki Arz Keh Londi Nay Jo Doulat Hay Yeh Paa'ee

Tha Dain Ada Karnay Ka Is Kay Mairay Sar Par

Aap Is Ko Fida Kijiay Zahra Kay Pisar Par

15

Kuch Soch Kar Farzand Say Haider Nay Yeh Poocha

Shabbir Pay Maa'n Tujh Ko Fida Karti Hay Baita

Abbas! Bata Day Mujhay Marzi Hay Tairi Kia

Woh Ahl-E-Wafa Jor Kay Hatho'n Ko Yeh Bola

Mai'n Aashiq-E-Farzand-E-Rasool-E-Do'Sara Hoo'n

Sou Baar Jo Zinda Hoo'n To Sou Baar Fida Hoo'n

Allah Humma Sallay Alaa Muhammadin Wa Aalay Muhammad Wa Ajjil Faraja HumWa Laan Allah'hee Adaa Hum Ajma'een!

Share this post


Link to post
Share on other sites

Meer Anees!

Shamma-e-Aiwan-e-Imamat

Umm ul Baneen s.a.

16

Ro Kar Asad Ullah Nay Daikha Rukh-e-Shabbir

Jangaah Ki Aankho'n Kay Talay Phir Gaee Tas'veer

Piyaso'n Ka Khayal Aa Gaya Halat Hooee Tagheer

Yaad Aaee Bhari Mashk Kalaijay Pay Laga Teer

Taqat Nah Rahi Zabt Ki Ahmad Kay Wasi Ko

Nazdeek Tha Sadmay Say Ghash Aa Jaey Ali Ko

17

Abbas Ko Liptaa Kay Galay Karnay Lagay Piyar

Choomay Kabhi Abbas Kay Bazoo Kabhi Rukhsar

Farmatay Thay Tujh Sa Nahee'n Dunya Mai'n Wafadar

Sadqay Tairay Aey Dilbar-e-Zahra Kay Madadgar

Matam Taira Har Ta'ziah Khanay Mai'n Rahay Ga

Shohrah Tairi Ulfat Ka Zamanay Mai'n Rahay Ga

18

Rotay Hai'n Malaik Yeh Azakhanah Hay Kis Ka

Jannat Say Ali Aaey Yeh Kashanah Hay Kis Ka

Har Shamma Ko Riq'qat Hay Yeh Afsanah Hay Kis Ka

Gardish Mai'n Hay Khursheed Yeh Parwanah Hay Kis Ka

Uth'tay Alam Sub Kay Giraiban Phatay Hai'n

Kis Shair Kay Bazoo Tah-e-Shamsheer Katay Hai'n

19

Yeh Lashkar-e-Gham Hay Keh Azadaro'n Ki Saff Hay

Gohar Hay Jo Har Ashk To Har Chashm Sadaf Hay

Kon Uth Gaya kioo'n Ronay Ka Ghull Char Taraf Hay

Haa'n Matam-e-Farzand-e-Shehenshah-e-Najaf Hay

Khali Nahee'n Majlis Mai'n Jagah Nohah Garo'n Say

Pursay Ko Alamdar Kay Aaey Hai'n Gharo'n Say

20

Ban Kar Hamah Tan Gosh Suno Wasf-e-Alamdar

Day Sab Ko Khuda Deeda-e-Haq Bee'n Dil-e-Baidar

Hai'n Bulbull-e-Gulzar-e-Sukhan Or Bhi Do Char

Insaf Karai'n Har Gul-e-Mazmoo'n Kay Talabgar

Guldasta-e-Maa'ni Kay Zara Dhang Ko Daikhai'n

Bandish Ko Nazakat Ko Naey Rang Ko Daikhai'n

Allah Humma Sallay Alaa Muhammadin Wa Aalay Muhammad Wa Ajjil Faraja HumWa Laan Allah'hee Adaa Hum Ajma'een!

Edited by ConvertedMomin

Share this post


Link to post
Share on other sites

Meer Anees!

Shamma-e-Aiwan-e-Imamat

Umm ul Baneen s.a.

21

Khursheed-e-Muneer-e-Falak-e-Noor Hay Abbas

Misbah-e-Shabistan-e-Sar-e-Toor Hay Abbas

Saqqa-e-Haram Khalq Mai'n Mash'hoor Hay Abbas

Haider Ki tarha Sahib-e-Maqdoor Hay Abbas

Lakho'n Ho'n To Khouf Us Ko Dam-e-Razm Nahee'n Hay

Aisa Koi Aalam Main Oolul-Azm Nahee'n Hay

22

Kia Kia Nah Jawa'n Mard Hooay Khalq Mai'n Paida

Laikin Koi Abbas Ki Jurrat Ko Nah Ponh'cha

Har Sheher Mai'n Ghazi Ki Shuja'at Ka Hay Shohrah

Har Lab Pay Hay Zikr Keh Yak'taa Hay Woh Yak'taa

Aisa Nah Hooa Koi Nah Hoay Ga Jaha'n Mai'n

Jo Ahl-e-Wafa Hay Usay Roay Ga Jaha'n Mai'n

23

Kia Dhaak Hay, Kia Ro'ob Hay, Kia Izzat-o-Toqeer

Hay Fatah Talab In Say Har Ik Sahib-e-Shamsheer

Maashooq-e-Sheh Uqda Kusha Ashiq-e-Shabbir

Soorat Mai'n Sarapa Asadullah Ki Tasweer

Hamlah Hay Wohi, Shan Wohi, Harb Wohi Hay

Panjah Hay Wohi, Zor Wohi, Zarb Wohi Hay

24

Dunia Mai'n Huma Nay Yeh Sa'aadat Nahee'n Paaee

Firdous Mai'n Toobaa Nay Yeh Riffat Nahee'n Paaee

Hamza Nay Yeh Himmat, Yeh Shuja'at Nahee'n Paaee

Jaffar Nay Yeh Toqeer, Yeh Shoukat Nahee'n Paaee

Saqqa-e-Haram Hai'n, Khalaf-e-Shah-e-Najaf Hai'n

Waa'n Aik Buzurgi Hay To Yaa'n Lakh Sharaf Hai'n

25

Do Hath Jo Qurban Kiay Hissay Mai'n Aaee

Dee'n Parwari-o-Daad Rasi, Uqdah Kushaaee

Kousar To Hay Qabzay Mai'n Tasarruf Mai'n Taraaee

Har Band Say Daitay Hai'n Yeh Bando'n Ko Rehaaee

Bay Dast Hai'n Laikin Sipar-e-Peer-o-Jawa'n Hai'n

Kia Taigh Ki Hajat Hay Keh Khud Saif-e-Zama'n Hai'n

Allah Humma Sallay Alaa Muhammadin Wa Aalay Muhammad Wa Ajjil Faraja HumWa Laan Allah'hee Adaa Hum Ajma'een!

Share this post


Link to post
Share on other sites

Meer Anees!

Shamma-e-Aiwan-e-Imamat

Umm ul Baneen s.a.

26

Tharrata Hay Khursheed, Jalal-o-Hasham Aisa

Lakho'n Say Bhi Hat'ta Nahee'n Sabit Qadam Aisa

Naam Aisa Dil Aisa Sharaf Aisa Karam Aisa

Jhuk Jati Hay Shakh-e-Sar-e-Toobaa Ilam Aisa

Qatray Kay Iwaz La'al-o-Gohor Daitay Hai'n Abbas

Daman Dar-e-Maqsood Say Bhar Daitay Hai'n Abbas

27

Kia Faiz Hay Kia Ism-e-Mubarak Mai'n Asar Hay

Hangam-e-Maraz Taqviyyat-e-Qalb-o-Jigar Hay

Kaisi Hi Mohim Sakht Ho Ik Aan Mai'n Sar Hay

Bazoo Pay Jo Bandhay To Sar-e-Dast Zafar Hay

Kaam Aata Hay Yeh Naam Museebat Mai'n Bala Mai'n

Aafat Mai'n Sipar Hay To Saroo Hi Hay Wagha Mai'n

28

Shamsheer-e-Wagha Faras-e-Maidan-e-Tahawwur

Jarrar, Wafadar, Oolul Azm, Bahadur

Tashbeeh Mai'n Aajiz Nah Ho Kis Tarah Tasawwur

Hay Aalam-e-Bala Pay Malaik Ko Tahayyur

Jab Khainch Chuka Shakl-e-Alamdar-e-Alam Ko

Khud Choom Lia Saa'na'e Qudrat Nay Qalam Ko

29

Likhay Koi Kia Ulfat-e-Sardar-o-Alamdar

Daikha Na Kabhi Ashiq-o-Mashooq Mai'n Yeh Piyar

Bulbul Ko Bhi Yeh Gull Ki Mohabbat Nahee'n Zin'har

Qumri Bhi Nahee'n Saroo Ki Is Tarah Talabgar

Ik Aan Faraq In Mai'n Shab-o-Roz Nahee'n Hay

Parwanah Bhi Yoo'n Shamma Ka Dil'soz Nahee'n Hay

30

Fakhar Apna Samajhtay Thay Yeh Na'lain Uthana

Meraj Thi Romaal Kharay Ho Kay Hilana

Sath Aana Sada Shah Kay Or Sath Hi Jana

Thi Ain-e-Tamanna Qadam Aankho'n Say Lagana

Shah Sotay To Takiya Pay Nah Sar Dhar'tay Thay Abbas

Manind-e-Qamar Phir Kay Seher Kartay Thay Abbas

Allah Humma Sallay Alaa Muhammadin Wa Aalay Muhammad Wa Ajjil Faraja HumWa Laan Allah'hee Adaa Hum Ajma'een!

Share this post


Link to post
Share on other sites

Meer Anees!

Shamma-e-Aiwan-e-Imamat

Umm ul Baneen s.a.

31

Farmatay Thay Shabbir Keh Aey Mairay Gull Andam

Tum Nay Koi Saa'at Nah Kia Raat Ko Aaram

Kehtay Thay Ghulamo'n Ko Hay Aaram Say Kia Kaam

Rahat Hay Jo Khidmat Mai'n Basar Ho Seher-o-Shaam

Lazim Hay Adab Aap Hai'n Sardar Hamaray

Jagay To Zahay Taa'la'e Baidaar Hamaray

32

Farmatay Thay Shah Madar-e-Abbas Say Aksar

Abbas Ali Hay Maira Shaida Maira Yawar

Piyara Na Ho Kioo'n Kar Yeh Mujhay Aap Ka Dilbar

Jab Samnay Aata Hay To Yaad Aatay Hai'n Haider

Is Bhai Mai'n Khoo Boo Hay Shah-e-Uqdah Kusha Ki

Ghar Mai'n Mairay Tasweer Hay Yeh Shair-e-Khuda Ki

33

Sari Wohi Soorat, Wohi Shoukat Hay Wohi Shaan

Teenat Mai'n Wohi Khulq Wohi Taba Mai'n Ehsaan

Abbas Dilawar Pay Tasadduq Hay Mairi Jaan

Manzoor Hay Yeh Roz, Hussain Us Pay Ho Qurban

Us Ko Bhi To Bachpan Say Maira Ishq-e-Dili Hay

Safdar Hay, Badadur Hay Saeed-e-Azali Hay

34

Woh Kehti Thi Aey Ahmad-e-Mukhtar Kay Piyaray

Khadim Hai'n Yeh Sab Aap Hai'n Sardar Hamaray

Zaibindah Hay Sadqay Ho'n Agar Chand Pay Taray

Fakhar Us Ka Hay Abbas Jo Sar Qadmo'n Pay Waray

Munh Us Nay Sada Paa-e-Mubarak Pay Mala Hay

Baito'n Ki tarah Aap Ki Godi Mai'n Pala Hay

35

Abbas Ki Khatir Say Mai'n Kehti Nahee'n Waari

Hay Us Ko Na Olaad Nah Jaan Aap Say Piyari

Sotay Mai'n Bhi Rehta Hay Zabaa'n Par Yehee Jaari

Farzand-e-Payambar Pay Fida Jaan Hamari

Hay Ishq-e-Dili Us Ko Shah-e-Kon-o-Makaa'n Say

Laita Nahee'n Bay Sillay Alaa Naam Zabaa'n Say

Allah Humma Sallay Alaa Muhammadin Wa Aalay Muhammad Wa Ajjil Faraja HumWa Laan Allah'hee Adaa Hum Ajma'een!

Share this post


Link to post
Share on other sites

Meer Anees!

Shamma-e-Aiwan-e-Imamat

Umm ul Baneen s.a.

36

Ik Roz Kaha Mai'n Nay Kaha Abbas Wafadar

Tum Un Ka Ghulam Aap Ko Kioo'n Kehtay Ho Har Baar

Sadqay Gaee Yeh Tarfah Mohabbat Hay Naya Piyar

Jo Tum Ho So Woh Hai'n Khalaf-e-Haider-e-Karrar

Martay Hooay Haider Nay Supurd Un Kay Kia Hay

Kuch Khatt-e-Ghulami To Nahee'n Likh Kay Dia Hay

37

Itna Maira Kehna Tha Keh Bas Aankh Phira Li

Tharra Kay Kaha Baat Yeh Kia Munh Say Nikali

Tobah Karo Yak'saa'n Hooa Mai'n Or Shah-e-Aali?

Mai'n Banda-e-Nacheez Woh Konain Kay Waali

Qatra Kabhi Dariya Kay Barabar Nahee'n Hota

Zarrah Kabhi Khursheed Kay Ham'sar Nahee'n Hota

38

Nisbat Kia Mujhay Un Say Kahaa'n Noor Kahaa'n Khak

Mai'n Gard-e-Qadam Or Woh Taj-e-Sar-e-Aflaak

Abbas Kay Nana Bhi Hai'n Kia Syed-e-Lo'laak?

Mairay Liay Aaee Hay Kabhi Khuld Say Poshak?

Soya Hoo'n Kabhi Mai'n Bhi Mohammad Ki Abaa Mai'n?

Mairi Bhi Sana Hay Kahee'n Quran-e-Khuda Mai'n?

39

Zahra Nay Mujhay Doodh Pilaya Ho To Keh Do

Kandhay Pay Mohammad Nay Bithaya Ho To Keh Do

Jibra'eel Nay Jhoolay Mai'n Jhulaya Ho To Keh Do

In Rutbo'n Mai'n Rutbah Koi Paya Ho To Keh Do

Woh Fakhar-e-Do Aalam Hay Imam-e-Do Jaha'n Hay

Israr-e-Ladunni Mairay Seenay Mai'n Kahaa'n Hay

40

Ik Moor Ho Kis Tarha Sulaimaa'n Kay Barabar

Rutbay Mai'n Saheefa Nahee'n Quraa'n Kay Barabar

Har Baagh Nahee'n Roza-e-Rizwaa'n Kay Barabar

Kioo'n Kar Ho Soha Nayyar-e-Tabaa'n Kay Barabar

Sar Qaimmah-e-Arsh Talak Jaa Nahee'n Sakta

Kaabay Ka Sharaf Koi Makaa'n Paa Nahee'n Sakta

Allah Humma Sallay Alaa Muhammadin Wa Aalay Muhammad Wa Ajjil Faraja HumWa Laan Allah'hee Adaa Hum Ajma'een!

Share this post


Link to post
Share on other sites

Meer Anees!

Shamma-e-Aiwan-e-Imamat

Umm ul Baneen s.a.

41

Khush Hoo'n Jo Ghulam-e-Ali Akbar Mujhay Samjhai'n

Mai'n Yeh Nahee'n Kehta Keh Baradar Mujhay Samjhai'n

Woh Khadim-e-Olad-e-Payambar Mujhay Samjhai'n

Rut'bah Maira Barh Jaey Jo Qambar Mujhay Samjhai'n

Na'lain Uthaow'n Mairi Meraj Yehee Hay

Shahi Bhi Yehee, Takht Yehee, Taj Yehee Hay

42

Yaksaa'n Hay To Hay Martaba-e-Shabbar-o-Shabbir

Baito'n Mai'n Ali Kay Yeh Kisi Ki Nahee'n Toqeer

Mai'n Paow'n Pay Sar Rakhta Hoo'n Aey Madar-e-Dilgeer

Mujh Say Na Suni Jaey Gi Is Tarha Ki Taqreer

Ab Aap Ko Soorat Bhi Nah Dikhlaey Ga Abbas

Batai'n Jo Yehee Ho'n Gi To Mar Jaey Ga Abbas

43

Kia Bhool Gaee'n Waqia-e-Rehlat-e-Haider

Tha Aap Kay Zano'n Pay Sar-e-Fatah-e-Khaiber

Is Pehloo Mai'n Shabbir Thay Us Pehloo Mai'n Shabbar

Zainab Basar-e-Khak Tarapti Thi Khulay Sar

Sehet Ho Pidar Ko Yeh Doa Karta Tha Mai'n Bhi

Lipta Hooa Qadmo'n Say Buka Karta Tha Mai'n Bhi

44

Paas Apnay Bula Kar Mujhay Baba Nay Kia Piyar

Or Haath Maira Haath Main Shah Kay Dia Yak'bar

Farmaya Hassan Hay Mairay Nou Baito'n Ka Mukhtar

Abbas Raha Ik To Hussain Us Ka hay Sardar

Farmaya Tha Mujh Say Keh Imam Apna Samajhna

Aaqa Say Kaha Tha Keh Ghulam Apna Samajhna

45

Ha'ns Ha'ns Kay Mai'n Sunti Rahi Taqreer Yeh Saari

Us Ko To Yeh Ghussah Tha Keh Aa'nsoo Hooay Jaari

Lay Lay Kay Bala'en Kaha Tab Mai'n Nay Keh Wari

Hasil Hooee Wallah Muraad Aaj Hamari

Woh Din Ho Keh Haq Tujh Say Ghulami Ka Ada Ho

Too Qibla-e-Konain Kay Qadmo'n Pay Fida Ho

Allah Humma Sallay Alaa Muhammadin Wa Aalay Muhammad Wa Ajjil Faraja HumWa Laan Allah'hee Adaa Hum Ajma'een!

Share this post


Link to post
Share on other sites

Meer Anees!

Shamma-e-Aiwan-e-Imamat

Umm ul Baneen s.a.

46

Farmanay Lagay Ashk Baha Kar Shah-e-Abrar

Haa'n Walidah! Aisa Hi Hay Woh Bhai Wafadar

Abbas Maira Or Mairay Sab Ghar Ka Hay Mukhtar

Rakhta Hay Hussain Ik Yehee Madar Yehee Gham'Khoar

Amma'n Ishi Bazoo Say Qavi Hath Hai'n Mairay

Abbas Nahee'n Sath, Ali Sath Hai'n Mairay

47

Maddahi-e-Abbas Bashar Ka Nahee'n Maqdoor

Ab Tazkira-e-Maarka-e-Jang Hay Manzoor

Zahir Hooee Gardoo'n pay jo Sub'h-e-Shab-e-Ashoor

Maidaa'n Mai'n Saf Aara Hooa Sab Lashkar-e-Maq'hoor

Teer Aatay Hai'n Har Saff Say Imam-e-Azali Par

Fojo'n Ki Char'haaee Hay Hussain Ibn-e-Ali Par

48

Jab Shah Kay Azeezo'n Ko Payam-e-Ajal Aaya

Rahat Mai'n Alamdar-e-Jari Ki Khalal Aaya

Ik Shair Sa Jhinj'laa Kay Paray Say Nikal Aaya

Talwarai'n Khichee'n Waa'n Idhar Abroo Pay Ball Aaya

Kuch Keh To Na Saktay Thay Shah-e-Dee'n Kay Adab Say

Ho'nto'n Ko Chabatay Thay Magar Josh-e-Ghazab Say

49

Itnay Main Shahadat Kaee Larko'n Nay Bhi Paaee

Or Samnay Maray Gaey Chotay Kaee Bhai

Jab Shama-e-Mazar-e-Hassan Aadaa Nay Bujhaee

Tha Shor Keh Baiwah Hooee Shabbeer Ki Jaee

Mohtaj Tha Yaa'n Laashah-e-Noshah Kafan Ko

Waa'n Beebia'n Rand'saalah Pehnati Thee'n Dul'han Ko

50

Rotay Thay Bhateejay Kay Liay Syed-e-Abrar

Tar Thay Araq-e-Sharm Say Abbas-e-Alamdar

Ro Kar Ali Akbar Say Yehee Kehtay Thay Har Bar

Jee Chahta Hay Phaink Dai'n Ab Khol Kay Talwar

Insaf Karo Munh Kisay Dikhlanay Ki Jaa Hay

Ghairat Say Gala Kaat Kay Mar Janay Ki Jaa Hay

Allah Humma Sallay Alaa Muhammadin Wa Aalay Muhammad Wa Ajjil Faraja HumWa Laan Allah'hee Adaa Hum Ajma'een!

Share this post


Link to post
Share on other sites

(salam)

aap ke mir anis ke zabardast see shayiri ka shukriya....

well mei ne abhi yeh zabardast meer anees ke kuch aur sher parhe.... litreally dill ko cheer dene waale hain... ye meer anees ka kalaam Waqa'e Karbal pe hai.... inshallah Aap sab ko Pasand Aae ga...

KARBALA BY Mir Anees...

Jab qata ki masafat e shab aaftaab ne

Jalwa kiya sahar ke rukhe behijaab ne

Dekha suwe falaq Shahe gardoon raqaab ne

Mudh kar sada rafeeqo ko di us janaab ne

Aakhir hai raat hamd o sanaye Khuda karo

Utho fareezaye sahri ko ada karo

Haan ghaaziyon ye din hai jidaal o qitaal ka

Yaan khoon bahega aaj Mohammad ki aal ka

Chehra khushi se surkh hai Zahra ke laal ka

Guzri shabe firaaq din aaya visaal ka

Hum wo hain gham karenge malak jin ke waastey

Raatein tadap ke kaati hai is din ke waastey

Ye sunke bistaron se uthe wo Khuda shinaas

Ek ek ne zebe jism kiya fakhira libaas

Shane muhasino mein kiye sab ne be hiraas

Baandhe amame aaye imame zaman ke paas

Rangeen abaayein dosh pe kamre kasey huwe

Muskh o zibaad o itr mein kapde basey huwe

Khaime se nikle Shay ke azeezaane khush khisaal

Jin mein kayi thay Hazrate Khairun nisa ke laal

Qasim sa gul badan Ali Akbar sa khush jamaal

Ek jaa Aqeel o Muslim o Jafar ke nau nihaal

Sab ke rukhon ka noor sipahre bareen pa tha

Athara aaftaabon ka ghuncha zameen pa tha

Nagaah charkh par khate abyaz huwa ayaan

Tashreef jaanemaaz pe laaye Shahe zamaan

Sajjade bich gaye aqabe Shahe ins o jaan

Saute Hasan se Akbar e Mahrooh ne di azaan

Har ek ki chashm aansuon se dab daba gayi

Goya sada Rasool ki kaano mein aagayi

Share this post


Link to post
Share on other sites

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

×
×
  • Create New...