Jump to content
Guests can now reply in ALL forum topics (No registration required!) ×
Guests can now reply in ALL forum topics (No registration required!)
In the Name of God بسم الله
Sign in to follow this  
Umme_Abeeha

Shayarie-fazeelat-e-ahlulbayt(a.s)kee

Recommended Posts

Azdar ka killa cheera tu Haider bana diya

bister pe soye, nafs-e-paighamber bana diya

Farzand aisay bakhshay hain zi-jah-o-zi-chasham

Shabbir koi aur koi Shabbar bana diya

Aabid ko uss ne taaj-e-ibadat kiya ata

Baqir bana diya koi Jaffar bana diya

Aal-e-Nabi ko bakhsh diye jumla ikhtiyar

Musa ko tu ne haajatoun ka dar bana diya

Zamin banaya koi mohibboun ka hashr tak

jo inn ke dar pe pohancha tawangar bana diya

Taqwa Taqi ko, zuhd Naqi ko ata kiya

aur Askari ko sahib-e-Lashkar bana diya

Kis kis ne aisay paye hain farzand zi-hayat

ta hashr jin ko Hadi-o-Rahbar bana diya

Mola ye teri madha sarai ka sharf hai

ik zarra-e-haqeer ko Anwar bana diya

Share this post


Link to post
Share on other sites

Shayor o Irfaan o Agahee hai Ali (as) Ali (as) hai

Kae sir e Unwaan e Zindagi hai Ali (as) Ali (as) hai

Na uss main adat sawal kee hai, na fiqr mal o manaal kee hai

kae dar pae dunjya jhukee howee hai Ali (as) Ali (as) hai

Chiragh e Tehzeeb e toor hai woe, Falak kee ankoon ka noor hai woe

Rawan dawan jiss kee roshni hai Ali (as) Ali (as) hai

Issee liyae apnae dosh e Aqdass pae aap nae bhee ussae uthaya

Kae marg e butha e aazaree hai, Ali (as) Ali (as) hai

Jalal e Mosa (as) kae Zuhd e Isa (as) sabhee hai roshan iss ainae main

Khuda kee woe Ayat e Jali hai Ali (as) Ali (as) hai

Kae mott jiss kee nazar main hamm nae hayat sae bhee gudaaz daikhee

Woe uss qabeelae ka aadamee hai, Ali (as) Ali (as) hai

Hai mujh koe teeno hee sab sae payarae, kae hain haqeeqat kae rang sarae

Khuda Khuda hai, Nabi (saw) Nabi (saw) hai, Ali (as) Ali (as) hai

Share this post


Link to post
Share on other sites

Kyon aqeedat sae na maira dil pukarae Ya Ali (as)

Jiss kae hain Mola Muhammad (saw) uss kae hain Mola Ali (as)

Jiss gharee Allah kae ghar main howae paida Ali (as)

Zaraa Zaraa ba-adab hoe kar pukara Ya Ali (as)

Benazeer unn kee shuja'at, Benazeer unn kee Sakha

Hai Zamanae ka yae Nara "La fatah Illa Ali (as)"

Janisaraan e Muhammad (saw) kae kaee Alqaab hain

Ilm ka darwaza kahlayae magar tanha Ali (as)

Jan o dil sae thae azeez Allah kae mehboob (saw) koe

Shabar (as) o Shabir (as) o Hazrat Fatima Zahra (as) Ali (as)

Jinn kae chehrae per nazar karna ibadat hai naseeb

Woe hadith e Mustafa (saw) kee roh sae hain Mola Ali (as)

Ya Ali a.s Ya Ali a.s :)

Share this post


Link to post
Share on other sites

Ahl e Nazr kee ankh ka tara Ali (as) Ali (as)

Ahl e wafa kae dil ka Sahara Ali (as) Ali (as)

Rehmat nae lae liya mujhae Aaghosh e noor main.

Main nae kabhee joe roe kae pukara Ali (as) Ali (as)

Ikk kaif ik saroor sa rehta hai raat din

Jab sae howa hai wird hamara Ali (as) Ali (as)

Dunya main sabb sae aalee gharanae kae noor ho

Iss wastae hai naam tumhara Ali (as) Ali (as)

Azami yae maghfirat kee sanad hai hamarae pass

Hamm hain Ali (as) kae orr Hamara Ali (as) Ali (as)

Share this post


Link to post
Share on other sites

Kya mila tum koe Bughz e Haider (as) sae

Tum nae seekha na kuch bhee khaiber sae

Kya ghulami ka hai maza logo

Jao poocho yae ja kae Qambar (ra) sae

Kya mila tum koe Bughz e Haider (as) sae

Hamm koe mola (as) bacha kae rakheeyae ga

Nasl e Sufyan (la) kae herr ikk shar sae

Kya mila tum koe Bughz e Haider (as) sae

Bheek laitae hain Owliya sarae

Mairae Mushkil Kusha kae hee dar sae

Kya mila tum koe Bughz e Haider (as) sae

Yae Azanain, Namaz orr Rozae

Sabb Bacha hai Batool (as) kae ghar sae

Kya mila tum koe Bughz e Haider (as) sae

Jab nighaebaan bibi Zahra (as) hai

Hamm nahin dartae Roz e Mehshar sae

Kya mila tum koe Bughz e Haider (as) sae

Share this post


Link to post
Share on other sites

Haider (as) Raza e Haq kee Ita'at ka naam hai

Mehshar main mominoo kee shifa'at ka naam hai

Kirdaar zee-waqar hai andaaz bae-missaal

Haider (as) namaz e shab kee ibadat ka naam hai

Jiss nae nabi (sawaw) kae dean koe herr ja bacha liya

Khaiber shikan kee Shan e Shuja'at ka naam hai

Sharbat ata joe karta hai Qatil koe payas main

Mola Ali (as) kee yae bhee Sakhawat ka naam hai

Batil kee mott Nara e Haider (as) kae saath hai

Yae Nara toe Ali (as) kee Ita'at ka naam hai

Waris Ilam kee banee Hashim hee bil yaqeen

Nasl e Banu Ummaya Jahalat ka naam hai

Share this post


Link to post
Share on other sites

Aa gayae Mola Ali (as), Aa gayae Mola Ali (as)

Kuch Farishtae abhee utrae thae Lahadd main apnee

Aamad e Noor e Ali (as) kee joe zia unn pae paree

Phir sawalaat kahan kahnae lagae woe bhee yahee

Aa gayae Mola Ali (as), Aa gayae Mola Ali (as)

Fatima bint e Asad (as) Kaab'ae kae nazdeeq gayeen

Orr dewar main darr bann gaya uss lamha waheen

Noor kee kirnain howaida hoween kabae kae kareeb

Aa gayae Mola Ali (as) Aa gayae Mola Ali (as)

Janasheen e Paighamber (as) koe batanae kae liyae

Marzeeyae Khaliq e Dawar koe Nibhanae kae liyae

Shab e Hijrat koe Nabowat koe bachanae kae liyae

Aa gayae Mola Ali (as), Aa gayae Mola Ali (as)

Rozz Chalees howae fatha joe Khaiber na howa

Phir Paighamber kae laboon pae aayee yae dua

Abhee hontoon pae yae Nad e Ali (as) jaree howa

Aa gayae Mola Ali (as), Aa gayae Mola Ali (as)

Mas'ala Haq o sadaqat ka jahan aan para

Dorr koi bhee khilafat ka kissee ka bhee raha

Dushmanoon koe bhee halaqat ka agar khof howa

Aa gayae Mola Ali (as) Aa gayae Mola Ali (as)

Ilm ka shehar Muhammad (saw) toe darwaza Ali (as)

Hamm hain dohratae faqat orr faqat Kol e Nabi (saw)

Mushkiloon main joe kissee nae bhee liya Naam e Ali (as)

Aa gayae Mola Ali (as), Aa gayae Mola Ali (as)

Apnae amaal bhala aisae kahan thae bolo

Apnee kismat main kahan aisa likha tha socho

Midhat e Aal e Payamber (saw) ka sila yae daikho

Aa gayae Mola Ali (as) Aa gayae Mola Ali (as)

Hamm nae Abid joe liya Qabr main Naam e Haider (as)

Hoe gayee saree lehad Noor e Sarapa Yaqsar

apnae hathoon main liyae daikho woe jaam e Kousar

Aa gayae Mola Ali (as), Aa gayae Mola Ali (as)

Share this post


Link to post
Share on other sites

Iss qadar kyon hai paraishaan Ali (as) waris hai

Mushkilain howain gee aasaan Ali (as) wairs hai

Jabb Muhammad (saw) nae parhee Nad e Ali (as) khaiber main

Hoe gaya saaf yae Aailaan Ali (as) Waris hai

Iss qadar kyon hai paraishaan Ali (as) waris hai

Main pukaroon ga unhain behr e Madad Misl e Nabi (saw)

bass yae hee hai Maira Iman Ali (as) Waris hai

Iss qadar kyon hai paraishaan Ali (as) waris hai

Jab chalae ga dunya sae toe pachthayae

Maan lae baat yae nadaan Ali (as) waris hai

Iss qadar kyon hai paraishaan Ali (as) waris hai

Umr bhar bolo nahin qabr kae anderr ja kar

Bol Utha Qari e Quranj Ali (as) Waris hai

Iss qadar kyon hai paraishaan Ali (as) waris hai

Midhat e Aal e Muhammad (saw) kee sanad rakhta hoon

Kaisae hoe ga maira Chalaan Ali (as) waris hai

Iss qadar kyon hai paraishaan Ali (as) waris hai

Lakh Kafir kahae badd bakht zamana hamm koe

Phir bhee bolain gae Musalmaan Ali (as) Waris hai

Iss qadar kyon hai paraishaan Ali (as) waris hai

Mairee kashtee toe kinarae sae lagae gee ja kar

Chahae aayae koee toofaan Ali (as) waris hai

Iss qadar kyon hai paraishaan Ali (as) waris hai

Dor e Hazir hoe ya phir Arsa e Mehshar Yasir

Kaisae hoe ga Mujae nuqsaan Ali (as) Waris hai

Iss qadar kyon hai paraishaan Ali (as) waris hai

Share this post


Link to post
Share on other sites
bohut khoobsurat qasida hai umeed hai app logon ko pasand aye ga

surah-e qadr ka ye naara hai

app kya janay fatima(a.s) kya hai

jis ko mukhtar e amar kehtay hain

jis ki raton ko qadr kehtay hain

subh ko jis ki fajr kehtay hain

shaam ko jis ki asr kehtay hain

hur zamanay pe jis ka qabza hai

app kya janay fatima(a.s) kya hai

qadr jis ko sada qaza nay kaha

syeda jis ko murtaza(a.s) nay kaha

apni maa jis ko mustafa(pbuh) nay kaha

qanze makhfi jisay khuda nay kaha

jis ki chokhat pe kaaba jhukta hai

app kya janay fatima(a.s) kya hai

jis ke dur se ho hul atta ko atta

in nama ki ama ka hai gosha

kul kafa jis ka khud gawah bana

fatiha kur rahi hai jis ki sana

pura quran hi qasida hai

app kya janay fatima(a.s) kya hai

jis ki chadar ko asman kahyae

apnay bachon ka saeban kahyae

is ko alhamd ka nishan kahyae

hushr ki dhoop mai aman kahyae

kule iman ka jo musala hai

app kya janay fatima(a.s) kya hai

jis ka baba rasool(pbuh) ashiqe rub

jis ke baitay hassan hussain(a.s) laqab

ye jahan mai hai sub se acha nasab

jis ka shohar ali(a.s) ameer-e arab

surah e noor jis ka shajrah hai

app kya janay fatima(a.s) kya hai

ye gharana sakhi mila hum ko

isi ghar se nabi(pbuh) mila hum ko

hur wasi hur wali mila hum ko

ik wali kya ali(a.s) mila hum ko

isi ghar se bhi kuda ko paya hai

app kya janay fatima(a.s) kya hai

jis ka aik baita hai imame hassan(a.s)

aik baita hussain shahe zaman(a.s)

aik abbas(a.s) misle kila qashan

jis ne sikha ali(a.s) se jang ka fun

jis ka dary pe ab bhi qabza hai

app kya janay fatima(a.s) kya hai

ghazi(a.s) bola mizaj qahr mai hai

mera hum palla kon shahr mai hai

pyaas ka sude bab nehr mai hai

nehr ye syeda kay mehr mai hai

mehr ye khud khuda ne rakha hai

app kya janay fatima(a.s)kya hai

dur pe jo sur jhuka nahi sukta

deen majid wo pa nahi sukta

hur koi dur ko paa nahi sukta

aira gharia to aa nahi sukta

malakul mot aa kay rukta hai

syeda,tahirao,abidao,zahidao,tayyabao,raziao, marzia

adilao,sajidao,qura batoole uzara

http://munqabat.hussainiat.com/audio/Commo...d.aspx?FID=1829

AALA ... bohat khube! JazakAllah khair... Maula Lajpaal umda ajr dei!

Share this post


Link to post
Share on other sites

Ye kaafi ashaar mein word ayahai - what's 'midhat' ?

--

anyway...

deed ki gar talaash hai sar ko jhuka namaaz mein

dil se khudi ko bhool kar khud ko mita namaaz mein

aayega tujh ko jab nazar roo-e-Khuda jab namaaz mein

pahle Hussain ki tarah sar ko kata namaaz mein

aur keh ya Husayn ya Husayn

(NFAK)

Share this post


Link to post
Share on other sites

Ali a.s kae dar par aa ja Munkir Ali a.s kae dar par aa

Abh bhee waqt hai bach ja bach ja Lanat sae bach ja

Mola Ali (as) Imran (as) ka baita Nabioon ka joe nasir hai

Hukm e nabi (sawaw) hai uss ka munkir joe bhee hai woe kafir hai

Dozakh kahtee hai aa kar Eendhan maira bann ja

Ali (as) ka dushman ban kar apnee maan koe mujrim kahta hai

Shajra toe chupta hee nahin toe kiss dunya main rehta hai

Mathae kee tehreer koe parh kar hamm daitae hain bata

toe orr tairae jaisae musalmaan achee tarha sae jantae hain

Ghos abdaal orr Qutab o Qalandar Ali (as) koe murshad mantae hain

banda ban jaa toe bhee Ali (as) kee galee ka Saqq kahla

Hamm Molai Malang Ali (as) kae naam ka nara lagatae hain

sarae Munafiq orr Muqasir Chehrae Murjha jatae hain

Mehfil sae uth ja hamm sae mill kae nara laga

Nabi (sawaw) koe tanha chor kae joe Maidan e Jehad sae bhagae thae

bhagnae waloon main aisae bhee thae joe sabb sae agae thae

Unn koe rehbar manta hai toe ja dozakh main ja

taira Rajab ka din hai aaj Ali (as) kabbae main ayae hain

Ma'aa koe tanha daikh kae na royae hain na chillayae hain

Kia Khatra tha Ghar main ronae walae ko batla

Paanch ka bara ka zikar hai saree tafseeroon main

Tarae leader sarae bhaiyanak lagtae hain tasveeroon main

Parh kae Quran sachae jhooton kee pehchan kra

Kon thae voe jo bad e Nabi (sawaw) farman e ghadeeri bhool gayae

Mankunto Mola main joe thee Haider (as) kee ameeree bhool gayae

Zahra (as) sae jageer cheenee kyon sachee hadith suna

Miqdad o Salman o bilal o Abuzar sae molai dikha

Jinn pae toe marta hai unn kae ik doe hee sheedayee dikha

Karb o bala main daikh bahatar hoe gayae kiss pae fida

Asar Turabi Aal e Nabi (sawaw) wala Islam Hamara hai

Dono Jahan main hamm hain Hussaiini (as) Zinda naam hamara hai

Munkir e Haider (as) kaisae hamara dae ga naam mitta

Edited by Khurram-Jafri

Share this post


Link to post
Share on other sites

Masaib e Ahleybait a.s per shair

maloom nahi app ko kya bantay hai anso

darain ki malka ki riza bantay ha anso

zehra inhay lay jate hai daman may bhigo kar

shabbir kay zakhmo ki dawa bantay hai anso

wakt e sajjad nay kaisay woh guzara ho ga

naam zainab ko jo logo nay pukara ho ga

nook e naiza pay bahanay lagay anso mola

phir sakina ko kisi shaks nay mara ho ga

haye shabbir ki bayti ka muqaddar

rahatain kum hai magar zehan may dar ziyada

maka o karbo bala kofa o shaam o zinda

zindage kum hai sakina ka safar ziyada

Share this post


Link to post
Share on other sites

HazraT e Ali Asgar a.s

nazaa hui tauheed bhi is nusrat e deen per

masoom ali, dasht may kya karnay chala hai

paon pay khara ho nahi sakta magar asgher

islaam ko pao pay khara karnay chala hai

karbala may dekha hai hum nay aik ajub wakiya

jis kay hotoo per hasii the woh rulata rah gaya

run may teer andaz mu phair kar rotay rahay

teer khanay wala run may muskurata rah gaya

kato ki rukawat say kali bhi nahi rukte

sayyad say pholo ki khushbo bhi nahi rukte

kya roko gay tum zikr e Husain ibn e ali ko

tum say tou aik asgher ki hasii bhi nahi rukte

Edited by Qamar Abbas

Share this post


Link to post
Share on other sites

Ali (as) Imam e Manasto, Manam Ghulam e Ali (as)

Hazaar Jan e giramee Fida e Naam e Ali (as)

Ali (as) hain Shar-e-Khuda orr Nafs-e-Paighamber (sawaw)

Ali (as) hain Sham-e-aqamat, Ali (as) Azan-e-Sehar

Na mairae dil main hoe kiss tarha Ahteraam-e-Ali (as)

Ali (as) kee jaa-e-Wiladat hai Khana-e-Kabba

Ali (as) ka ism-e-girami hai Ilam ka darya

Samajh sakae ga bhala kon Ahtisham-e-Ali (as)

Jahan pukar raha hai Usool-e-Qurani

Magar kissee nae haqeeqat abhi nahin Jani

Nizam-e-Mustafawi (sawaw) toe herr Nizam-e-Ali (as)

Hoe Khankah kae masjid kae Khana e Kaaba

Najaf hoe Shaam, Madinah ho ya kae Karbala

Kahan Kahan nahin suntan hoon main Payam-e-Ali (as)

Zameen kee arsh kee batain hoon ya samadar kee

Sahar kee Shaam kee batain hoon ya Muqadar kee

Uloom sarae jahan kae hain Zair-e-daam-e-Ali (as)

Karae nayaz kiss ka Ali (as) ka dar hoe ga

Zaleel o Khawaar hoe na dar ba dar hoe ga

Khaloos e dil sae Joe hoe jayae ga Ghulam e Ali (as)

Sana Ali (as) kee Risalat Maab (sawaw) kee Khatir

Sakoon e Qalb kee khatir Sawab kee khatir

Suna raha hoon Zamanae koe main kalam-e-Ali (as)

Nizam o Shams hoon, Chishti hoon ya Qalandar hoon

Woe Bo-Ali (as) hoon kae Qambar (as) hoon kae Boozar hoon

Herr Ikk koe naz yahee hai kae hai Ghulam e Ali (as)

Khulee joe Ankh toe pehlae Hazoor (sawaw) koe daikha

Kae Jaisae Hazrat e Mosa (as) nae toor koe daikha

Khuda Rasool (sawaw) koe maloom hain Maqam-e-Ali (as)

Qalam e Hazrat e Mehshar ho orr Sada e Razi

Sunayoon ja kae Najaf main Razi Sana e Ali (as)

Herr aIk Shair sae roshan rahae payam-e-Ali (as)

Share this post


Link to post
Share on other sites
HazraT e Ali Asgar a.s

nazaa hui tauheed bhi is nusrat e deen per

masoom ali, dasht may kya karnay chala hai

paon pay khara ho nahi sakta magar asgher

islaam ko pao pay khara karnay chala hai

karbala may dekha hai hum nay aik ajub wakiya

jis kay hotoo per hasii the woh rulata rah gaya

run may teer andaz mu phair kar rotay rahay

teer khanay wala run may muskurata rah gaya

kato ki rukawat say kali bhi nahi rukte

sayyad say pholo ki khushbo bhi nahi rukte

kya roko gay tum zikr e Husain ibn e ali ko

tum say tou aik asgher ki hasii bhi nahi rukte

JAZAKALAAAH...AMAAZING BRO!!!!!!!!!!!

Share this post


Link to post
Share on other sites

[Midhat e Ali (as)] Zindagee ka bharoosa Nahin Zikr-e-Haider (as) kia keejeeyae ==== Aaqbat bhee sanwar jayae gee yae fareeza Ada keejeeyae

[Midhat e Ali (as)] Lakh sajdae kiyae jayeeyae phir bhee bakhshish na hoe payae gee ==== Yae Muhammad (sawaw) ka farmaan hai inn kae ghar sae wafa keejeeyae

[Midhat e Ali (as)] Dar pae aa kar yae Shabir (as) kae aik rahib nae kee iltija ====Main Sawalee hoon Shah e Zaman (as) mujh koe baitae ata keejeeyae

[Midhat e Ali (as)]Doe fareeqain main aik hee haq pae hota hai aae dosto ==== Kon Jang e Jamal main haq pae tha faisla keejeeyae

[Midhat e Ali (as)] Ya Ali (as) aap mukhtaar hain anbiya (as) kae madadgaar hain ==== Jitnae momin hain Uqda Kusha unn kee hajat rawa keejeeyae

[Midhat e Ali (as)] Aal e Ahmed (as) kae Zakir Mohib Zikr ghairoon ka kartae nahin ====Aap shair hain Imran (as) kae manqabat hee likha keejeeyae

Edited by Khurram-Jafri

Share this post


Link to post
Share on other sites

(salam)

JazakAllah

Qasida

---------

Midhat e haider mere lab par zara aane to do[2]

Dagh mujko phir tumhara dil agar maane to do

Midhat e haider mere lab par zara aane to do

Hosh me aajayegi foran sipaahe badsipaah [2]

Tum muhibban e Ali ko josh me aane to do

Midhat e haider mere lab par zara aane to do

Khud ba khud phirte nazar aayenge tufaano ke rukh [2]

Tum fizaa me parchame abbas lehrane to do

Midhat e haider mere lab par zara aane to do

Kon roya kon soya sab pataa chal jayega [2]

Tum shab e hijrat ka kissa hum ko dohrane to do

Midhat e Haider mere lab par zara aane to do

Dekhna kaisa tawaana hoga ye laghar mareez [2]

Majlis e Sheh ka tabaruk tum ise khaane to do

Midhat e Haider mere lab par zara aane to do

Saaf ayega nazar maidan ka hadd e nazar [2]

Hazrat e Abbas ko maidan me aane to do

Midhat e Haider mere lab par zara aane to do

Dagh mujko phir tumhara dil agar maane to do

Midhat e haider mere lab par zara aane to do

Edited by bitto

Share this post


Link to post
Share on other sites

[Midhat e Ali (as)] Zindagee ka bharoosa Nahin Zikr-e-Haider (as) kia keejeeyae ==== Aaqbat bhee sanwar jayae gee yae fareeza Ada keejeeyae

[Midhat e Ali (as)] Lakh sajdae kiyae jayeeyae phir bhee bakhshish na hoe payae gee ==== Yae Muhammad (sawaw) ka farmaan hai inn kae ghar sae wafa keejeeyae

[Midhat e Ali (as)] Dar pae aa kar yae Shabir (as) kae aik rahib nae kee iltija ====Main Sawalee hoon Shah e Zaman (as) mujh koe baitae ata keejeeyae

[Midhat e Ali (as)]Doe fareeqain main aik hee haq pae hota hai aae dosto ==== Kon Jang e Jamal main haq pae tha faisla keejeeyae

[Midhat e Ali (as)] Ya Ali (as) aap mukhtaar hain anbiya (as) kae madadgaar hain ==== Jitnae momin hain Uqda Kusha unn kee hajat rawa keejeeyae

[Midhat e Ali (as)] Aal e Ahmed (as) kae Zakir Mohib Zikr ghairoon ka kartae nahin ====Aap shair hain Imran (as) kae manqabat hee likha keejeeyae

[Midhat e Ali (as)] Ali (as) kae zikr kee mehfil sajayae jiss ka jee chahae ==== Kamayae khuld jitnee jee main ayae jiss ka jee chahae

[Midhat e Ali (as)] Karae matam ubharae naqsh matam kae sar e seena ==== Khud apnae haath sae suraj banayae jiss ka jee chayae

[Midhat e Ali (as)] Joe hoe ga mardd khaiber main alam payae ga kal woe hee ==== Nabi (sawaw) toe kah chukae abb tilmilayae jiss ka jee chayae

[Midhat e Ali (as)] Alam Abbas (as) ka aalee nasab insaan uthatae hain ==== Yae woe parcham nahin aayae uthayae jiss ka jee chahae

[Midhat e Ali (as)] Ali (as) kae naam ka nara laga kar, chehrae parh parh kar ==== Sar e Mehfil nasabnaamae sunayae jiss ka jee chahae

[Midhat e Ali (as)] Kia hai khalq jiss nae aag koe uss kee ijazat hai ==== Ali (as) kae dushmano ka jee jalayae jiss ka jee chahae

[Midhat e Ali (as)] Laho pakeeza hoe ga jaan chutt jayae gee herr gham sae ==== Azadari ka nuskha aazmayae jiss ka jee chahae

[Midhat e Ali (as)] Najaf hai yae nikal bahir yae woe bastee nahin Waizz ==== Chala ayae jahan per moon uthaya jiss ka jee chahae

[Midhat e Ali (as)] Wila kae noor main bahir kee tarha ghusll farma kar ==== sada suraj kee tarha jagmagae jiss ka jee chahae

Share this post


Link to post
Share on other sites

[Midhat e Ali (as)] Sarkaar Ali (as) Mola, Sarkaar Ali (as) Mola ..... Hain Saree Khudayee kae Mukhtar Ali (as) Mola

[Midhat e Ali (as)] Haider (as) koe kahan chor kae tum jao gae bolo ..... Herr ja nazar aayain gae zara aankh toe kholo ..... Iss paar Ali (as) mola uss paar Ali (as) mola

[Midhat e Ali (as)] Khaiber main ajab waqt hai Islam kae ooper ..... Islam kae lashkar sae paraishan hai Paighamber (sawaw) ..... Kufaar pae hoe jayae Yalghaar Ali (as) mola

[Midhat e Ali (as)] Jiss waqt chaleen bint e Asad kaabae kee janib .....Orr Qadir e Mutliq sae hoween aisae mukhatib ..... Hasnae lagee Kaabae kee deewar Ali (as) mola

[Midhat e Ali (as)] Hasnain (as) ka sadqa mujae aijaaz ata kar ..... Abbas (as) ka sadqa mujae andaaz ata kar ..... Dae mujh koe bhee Meesam (as) kee guftaar Ali (as) mola

[Midhat e Ali (as)] Mola Hamain Shabir (as) kee jageer ata kar ..... Mola mujae Hur (as) jaisee taqdeer ata kar ..... Main hoon tairae baitae ka ghamkhawar Ali (as) mola

[Midhat e Ali (as)] Hai arzoo mairee mujae rozae pae bula lae ..... Ik baar nahin mola soe baar bula lae ..... Yae iltijaa karta hai Karar Ali (as) Mola

Share this post


Link to post
Share on other sites

uff Self Projection was never intended but i wanted to have a complete thread solely on Hazrat Ali (as). I think every Masoom's poetry must be set in separate threads so that it can be used as a reference and can be referred when one is searching for poetry on any of our beloved Imam (as) but admin merged the topics. I had seen a thread on Midhat e Ahl e bait (as) but i intentionally set a separate thread.

Share this post


Link to post
Share on other sites

[Midhat e Ali (as)] Naamwar lakhoon hain magar, Hamm naam e Khuda Koee nahin ==== Hai agar koee toe Haider (as) kae siwa koee nahin

[Midhat e Ali (as)] Hamm nae mana dast e Khaliq talta hai mushkilain ==== Bass yadd-e-Qudrat Ali (as) hain dosra koee nahin

[Midhat e Ali (as)] Zindagee main qabar main barzakh main roz e hashr main ==== Mairae mola (as) aap sa hajat rawa koee nahin.

[Midhat e Ali (as)] Woe toe kaheeyae lehja e Haider (as) sae hal mushkil howee ==== Warna Mairaj e Nabi (sawaw) bolta koee nahin.

[Midhat e Ali (as)] Lae kae kashkool e talab tara zameen pae aa gaya ==== Rizq e Noori arsh par kya bantata koee nahin.

[Midhat e Ali (as)] Aae alamdar e jari Abbas e Ghazi (as) Marhaba ==== Bewafa dunya main tujh sa Ba-Waffa koee nahin

[Midhat e Ali (as)] Unn kae dar sae kia muradain payain gae ahl e jahan ==== bheek jin ka naam lae kar mangta koee nahin

[Midhat e Ali (as)] Kah raha tha kon yae Waqt e Halakat baar baar ==== Ya Ali (as) tairae siwa Mushkil kusha koee nahin

[Midhat e Ali (as)] Asal main Rehan hai Madh e Ali (as) ka mojaza ==== Warna Iss Shehr e Adab main poochta koee nahin

Share this post


Link to post
Share on other sites

Simply Loved this one!

Chamakta hai kahan aflaak peh mehr e jabeen aisa

Kahan hoga wilayat ki anghooti mein nageen aisa :wub:

Khuda mehfooz rakhein chashme bad se husn e haider ko

Barri mushkil se paya hai nabi ne jaanasheen aisa.

Share this post


Link to post
Share on other sites

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

×
×
  • Create New...