Jump to content


-


Photo

Manazira Zamin-o-Asman


1 reply to this topic

#1 sahar_110

sahar_110

    Syeda

  • Advanced Members
  • PipPipPip
  • 963 posts

Posted 09 June 2005 - 07:33 AM

yeh meri friend nay mujhay send ki thi iss ki shaari main agar koi mistake nazar aaye tou zaroor batayeh ga.
:)


Manazira Zamin-o-Asman


Ik din bare guroor se kehne lagi zamin
Aaya mere nasib mein percham hussain ka


Mehtab ne kaha mere seene ke daag dekh
Hota hai aasman pe bhi matam hussain ka


Phir aasman ne hans ke kaha haisiat ne bhool
Tu auj-e-arsh-o-kursi-o-qalam nahi hai


Jab se jabin sibt-e-nabi mughe pe kham hoi
Uss din se mein bhi arsh-e-mualla se kam nahi


Kehne laga falak ke zara dekh le zamin
Meri bulandiyon ki tu mohtaj hogai


Bas aik shab ko aae the iss simt Mustafa
Wooh shab jahan mein shab-e-meraj hogai


Chera hai tazkira shab-e-meraj ka to sun
Mera khayal hai ke teri bhool barh gai


Naleen Mustafa ki qasam,munsafi to ker
Tughe se to mertabe mein meri dhool barh gae


Tu jin ke feaz se hai munnawar who noor-zad
Sare azal ke din se meri apni had mein hain


Pehle to mein khala ka urati rahi mazaq
Shams-o-qamar abb mere beaton ki zad mein hai


Beaton ki tarbiyat pe buhat naz bhi na ker
Kuch in mein hai sakhi,kae kanjos bhi to hain


Kehne lagi zamin ke sitaron ko bhi tu dekh
Kuch in mein neak hain kae manhoos bhi to hain


Yeh shaher kehkashan yeh mae mehar ke diyar
Aa dekh to sahi mere daman mein kiya nahi


Kehne lagi zamin sar-e-tasleem khum,baja!
Sab kuch hai tere pass magar karbala nahi


Wooh din bhi the ke jab meri saat-o-wasat ke aas pass
Rehta tha markab sheh-e-konain yaad ker


Itni se baat per tughe itna guroor hai
Khele hain meri khak per hasnain yaad ker


Ker yaad tere pass hai jhoole ke roop mein
Jibreel le ke aae aamari-e-hussain ki


Tu bhi to yaad ker zamin per baroz-e-eid
Khatam-e-rusul bane the sawari hussain ki


Sun aae adwae aman-o-sakoon dushman bashar
Tu aik bojh ban gae nabiyon ki jaan per


Easa ne aik umar sahe hain tere sitam
Akhir sakoon mila hai isse aasman per


Aae intizar gah imam jahan na cher
Jhooti shikan na daal munawar jabin per


Aane de mere akhri waris ko aik baar
Easa ko phir utarna pare ga zamin per


Kehne laga falak ke zaban ko lagam de
Pehle bhi teri zid ka sataya huwa hoon mein


Har so maheet hain meri sarhad ki wasaataen
Tughe per azal ka subh se chahya huwa hoon mein


Gustakhiyon fazool hain mere hazoor mein
Abb kiya kahoon ke tu to bara bad-mizaj hai


Tu jin ki khak tak bhi na ur ker puhanch sake
In sarhadon pe bhi mere abba ka raj hai


Akhir falak ne jhuk ke zamin ko kiya salam
Allah reh yeh shaur yeh soorat jahan ki hai


Kis ne sikhae hai tughe hazir jawabiyan
Kiya shajra nasab hai tera tu kahan ki hai


Kehne lagi zamin ke falak ji khata maaf
Abb theek hogai hai tabbiyat janab ki


Kafi hai iss qadar hi mera shajra nasab
Adna si ik kaniz hoon mein Bo-Turab ki

#2 sayedzeeshan

sayedzeeshan

    Man only gets what he strives for

  • Advanced Members
  • PipPipPipPipPipPipPip
  • 6,083 posts
  • Interests:Finding out what my interests are

Posted 10 June 2005 - 03:04 AM

Nice long thing :)



Reply to this topic



  


0 user(s) are reading this topic

0 members, 0 guests, 0 anonymous users