Sign in to follow this  
Followers 0
mir

Safar

29 posts in this topic

(bismillah)

(salam)

Marsiya: Chehlum

Chehlum jo karbala may Bahattar ka ho chuka

Paewand bekaso'n key tan-o-ser ka ho chuka

Aur Fatiha Hussain key lashkar ka ho chuka

Qabron pa shor Aal-e-Payambar ka ho chuka

Maatam mein teen roz rahey shor-o-shain say

Roye lipat lipat ke mazaar-e-Hussain say

Misley Charaghay gor ghareeba'n pe dil jalaay

Phoolon ke badlay qabron pe laqtay jigar charhaay

Pyaaron ki boond-o-bash ke saman jo yaad aay

Besakta pukaray kalejey parkhar ke haay

Hai hai wo parda daar hamarey kidhar gaye

Bey parda hokey Aal-e-Nabi dar badar gaye

Maqtal ke aas paas ye Beywon ki thi fughaan

Zainab jabeen lahad pe dharay karti thi bayaan

Ay mere Karbalaee Baradar Hussain jaan

Humsheer teen din sey tumhari hai mehmaan

Allah meri baat bhi poochi na aapne

Zindan ki waredaat bhi poochi na aapne

Raazi hoon jo raza-e-Imaam-e-Jaleel hai

per khabiley mulahiza baazu ka neel hai

Na koee daad ras hai na koee kafeel hai

Bhaee baghair aapke Zainab zaleel hai

Pusht-o-panah uth gaya beykhanuma huwi

Dekho ye pusht khabiley nokey sina huwi

Mein jaanti thi sheher basa hoga Bhaee ka

Hoga hujoom qabr pa saari Khudaee ka

Chehlum karoongi dhoom sey mai Karbalaee ka

Pursaa bhi yaan koee nahi Zehra ki jaee ka

Moonh dhaanp ne ko aap hi palla bhi leti hoon

aur apne dil ko aap he pursaa bhi deti hoon

Chehlum tu kar chuki mai dilafgaar Ya Hussain

Ab Roza ki tarha se ho tayyar Ya Hussain

Beta bhi hai aur Bahan bhi hai nadaar Ya Hussain

Akhir kabhi tu aaengay Zawwar Ya Hussain

Takya hai kaar saaz ye parwar digaar per

Iss dam tu saayebaan bhi nahi hai mazaar per

Zainab pukari kooch ka samaan hogaya

phir shahar mere Bhaee ka sunsaan hogaya

Aur Maqbara Hussain ka sun-saan hogaya

Hoo ka maqam qatl ka maidaan hogaya

Aa ee musafiron ko mere woh zameen pasand

Dunya mein iss zameen ko basti nahi pasand

Ay Karbala-e-Sarwar-e-Dilgeer alweda

Ay Qatlgah-e-Hazrat-e-Shabbir alweda

Ay Qabr Ibn-e-Saheb-e-Tatheer alweda

Ay Bhaee jaan jaati hai Hamsheer alweda

Kya bey naseeb hai ye nawasi Rasool ki

Tum ney mujaveri na hamari khabool ki

Bhayya utho kajavey mein mujhko tumhee bithao

Bhayya mein bey Naqab hoon rah geeron ko hatao

Rokey khanaat Akber-o-Abbas ko bulao

Khali hai godh Bhabi ki Asgher ko lekey aao

Sardar saray qafiley ki aagey hotey hein

Tayyar karwan huwa aur aap sotey hein

Kabse tumhey pukaar rahi hoon mein khasta tan

Hai hai jawab bhi nahi dete Shahe Zaman

Bhayya galay lagalo tu jaaoon suye watan

Aa ee nida sidharo Khuda hafiz ay bahan

Sughra ko meri simt sey bhi pyaar kijiyo

Hoga sawab khatirey bimaar kijiyo

By: late Salamath Ali Dabeer

Share this post


Link to post
Share on other sites

(bismillah)

(salam)

Salaam

Mujraee Shay ne kaha bhool na jana Zainab

Fateha Bhaee ka paani pa dilana Zainab

Rehm kha ker koee beyrehm agar paani dey

pehle tum meri Sakina ko pilana Zainab

agar Sakina meri roye tu tusalli dena

uske agay na kabhi ansoo bahana Zainab

run ko mein jaake na maidaan se phir aaoonga

qaid tum hoke meri laash pa na ana Zainab

mere lashay ko kafan gar na moyassar hoye

apni chadar ka kafan ham ko banana Zainab

gar Sakina ka lab-e-neher guzar hojaay

Laash Abbas-e-dilawar ki chupana Zainab

By: Meer Anees

Share this post


Link to post
Share on other sites

(bismillah)

(salam)

Salaam

Salaami jaanguzaa hai ranj-o-gham khasan-e-dawar ka

Qalq Sibtain ka Zehra ka Haider ka Payambar ka

Ali ki tegh kay dam se huwa her maarka faisal

Ohad ka Badr ka Siffeen ka khandaq ka Qaiber ka

Ye paancho Suray ay dil Panjetan ki shaan mai Aay

Qamar ka Shams ka Rehman ka Mariam ka Kauser ka

Ghulam-e-panjetan ko dar nahi inn paanch cheezon ka

Ajal ka jaankani ka qabr ka barzaq ka mahshar ka

Mila hai roney walon ko sawab ek aah may kia kia

Salat-o-Som ka khums-o-zakat-o-Haj Akbar ka

Hamare waastey Shae ne gawara kerliya mitna

Haram ka aabroo ka jaan ka aulaad ka ghar ka

Siwaey tashnagi Shabbir ko ek ek ka sadma tha

Bhateejon Bhaanjon ka Bhaee ka Akber ka Asgher ka

Ghazab hai itnay sadmey ek jaan-e-khwahar-e-Shae per

Ridah ka qaid ka bacchon ka Akber ka Baradar ka

Sakeena ley gaee ye paanch daagh iss bagh-e-alam se

Tamachon ka rasan ka Baap ka Saqqay ka gowhar ka

Tahey khanjar Imaam-e-pak ko kis kis ka dhyaan aaya

Bahan ka Beti ka Beemaar ka Ummat ka Mehzar ka

By: unknown

Iltemase dua

mir

Share this post


Link to post
Share on other sites

(bismillah)

(salam)

Nauha:

Suno suno ay Mediney walo Basheer ye kia suna raha hai

Luta huwa carvaan-e-Zehra Nabi ke rozay pe araha hai

Ye akey her koee poochta hai ye Beebiyan kaun hai batadey

khari hai ser ko jhuka ke Zainab, Basheer nauha suna raha hai

Hussain per dasht-e-karbala may museebaton ka pahar toota

suna ke rudaad Karbala ki Basheer sub ko rula raha hai

Rasool ki ye nawasiyan hai Janab-e-Zehra ki betiyan hai

ye wo museebat zada hai jin per falak bhi ansoo baha raha hai

Na saath Abbas hai na Akber, na Qasim hai na Asgher

sitam raseedah ye Bibiyan hai wo ek beemar araha hai

Ye sunke Ummal Baneen aaeen janab-e-Sughra ko saath laa ee

Haram may barpa hai shor-e-Mahshar her ek ansoo baha raha hai

By: Qaiser Kaleem

Share this post


Link to post
Share on other sites

Create an account or sign in to comment

You need to be a member in order to leave a comment

Create an account

Sign up for a new account in our community. It's easy!


Register a new account

Sign in

Already have an account? Sign in here.


Sign In Now
Sign in to follow this  
Followers 0

  • Recently Browsing   0 members

    No registered users viewing this page.