Jump to content
Sign in to follow this  
mirabbas

Nauha

Recommended Posts

sab ke jazbaat ka izhaar keya kartee hoon

us ke yaaktaneyaat ka iqraar keya karte hoon

jab koye poochta hai mujh say wafa ka mafhoom

main medhat_E_hazrate Abbas keya kartee hoon :)

Share this post


Link to post
Share on other sites

(bismillah)

(salam)

Aseer-e-fauj-e-sitam qaidi-e-mehan Zainab

Hai jiska Aayat-e-Tat'heer pairahan Zainab

Imamaton ki madadgaar khastatan Zainab

Hai Shaan-e-Deen-e-Khuda jaan-e-Panjetan Zainab

Ali ki jaai hai Abbas ki bahan Zainab

Aseer-e-fauj-e-sitam qaidi-e-mehan Zainab

Wo waqt-e-Asr wo maqtal wo sogwaar faza

Nazar ke saamne bhai ka katraha tha gala

Tarap raha tha badan zer-e-tegh pyaase ka

Udhar thi mahv-e-fughaan Shah ki bahan Zainab

Aseer-e-fauj-e-sitam qaidi-e-mehan Zainab

Chhuta hai Bhai bhi aur marchuke hai bachche bhi

Rida bhi sar pa nahin jalchuke hai khaime bhi

jale hain qalb bhi daaman bhi aur kurte bhi

Chali hai chhorke Bhai ko bekafan Zainab

Aseer-e-fauj-e-sitam qaidi-e-mehan Zainab

Khayaal kunbe ka tha rosaki na jee bharke

Nikalne paaye na armaan Bint-e-Haider ke

Tha ek qalb-e-hazeen daagh the Bahattar ke

Lahad mein legayi zakhmonke ye chaman Zainab

Aseer-e-fauj-e-sitam qaidi-e-mehan Zainab

Qanaat thaam lein ye Akber-e-jawaan se kaho

Sahara dene ko aye saaniye Ali uttho

Bahan ko aye Shah-e-Bekas tumhi sawaar karo

Chali hai Karbobala se suve watan Zainab

Aseer-e-fauj-e-sitam qaidi-e-mehan Zainab

By: Ali javeed maqsood

Iltemas-e-dua

mir

Share this post


Link to post
Share on other sites

(bismillah)

Yeh duniya kya bataegi bhala tauqeer zainab ki,

fazilath jante hein hazrate shabbir zainab ki,

huwa jaata hein sadqe deqkar yeh suraye maryam,

balaye le rahi hein aaye tatheer zainab ki,

wasile se Ali akbar ki mangi jab dua maine

mere daste dua ko mil gayee taaseer zainab ki.

Share this post


Link to post
Share on other sites

(bismillah)

(salam)

Sitam raseeda falak ki sataee hoon nana

zameen-e-Karbobala se may aaee hoon nana

jalay khayaam huwee qaid chin gaee chadar

qadam qadam pa museebath uthaee hoon nana

ye waardat-e-safar muqhtasar hay sun leejay

Hussain mar gae may lutke aaee hoon nana

Khuda ki raah may Akber se laal ko dekar

may apni saari besa'ath lutaee hoon nana

may kya bataoon jo ummat ne qadr dani ki

rasan ke neel gawahi main laaee hoon nana

sitam garon ne rida bhi na rehne di meri

may serkay balon se muh ko chupaee hoon nana

may qatl gaah se saoghaat aur kya laati

lahoo bhara huwa kurta may laaee hoon nana

sayeed qabray Nabi kaanpne lagi usdam

kahan jo bint-e-Ali ne may aaee hoon nana

By: late Sayeed shaheedi

Iltemas-e-dua

mir

Share this post


Link to post
Share on other sites

(bismillah)

(salam)

Sholay hain bharakte huwae har simt dhuan hay

Zainab pay museebath hay qayamat ka samaa hay

Kehti hay muhafiz mere parday ka kahan hay

ham gheeratay Hyder mayre chader tho bacha lay

Abbas uttho aag lagee jaltay hain qaimay

Abbas uttho aag lagee jaltay hain qaimay

Phir gaizay Yadullah zamane ko dikhao

faryaad chaheetee ki hay imdad ko aao

gauhar na cheenay aakay bhateejee ko bachao

daman say Sakina kay hain liptay huvay sholay

Abbas uttho aag lagee jaltay hain qaimay

Abbas uttho aag lagee jaltay hain qaimay

Tum aao uttho phir zulm ki takhat na rahaygee

tum aao uttho Zainab ki rida chin na sakaygee

tum aao uttho bimaar ki masnad na jalaygee

tum aao uttho bimaar pe barsenge na koday

Abbas uttho aag lagee jaltay hain qaimay

Abbas uttho aag lagee jaltay hain qaimay

Barchi ki ani par hay abhi tak dilay Akbar

aur baap ki aghosh may kumla gaye Asgher

Shabbir ki gardan pay chala shimr ka qanjar

ab Abid-e-beemaar bhi sholon may ghira hay

Abbas uttho aag lagee ltay hain qaimay

Abbas uttho aag lagee jaltay hain qaimay

Ab aale Mohammad pay qayamath ki ghari hay

Kya waaris-e-tatheer pay uftaad parhi hay

Yeh dukhtar-e-Zehra hay jo balway may khari hay

Beemar sambhalta nahin koday hay barastay

Abbas uttho aag lagee jaltay hain qaimay

Abbas uttho aag lagee jaltay hain qaimay

(by Ali javed maqsood)

Iltemas-e-dua

Edited by mir

Share this post


Link to post
Share on other sites
Barchi ki ani par hay abhi tak dilay Akbar

aur baap ki aghosh may kumla gaye Asgher

Shabbir ki gardan pay chala shimr ka qanjar

ab Abid-e-beemaar bhi sholon may ghira hay

Abbas uttho aag lagee ltay hain qaimay

Abbas uttho aag lagee jaltay hain qaimay

:cry: :cry:

^bro mir you have a nice collection mashaAllah

Share this post


Link to post
Share on other sites

(bismillah)

(salam)

Marqad pa maa ki Zainab faryaad kar rahi hai

Amma teri kamaai jangal mein lut gaee hai

Ummat ne Mustafa ki loota hai chain tera

Mara gaya hai pyaasa Amma Hussain tera

Dil baeth sa gaya hai aankhon mein teeragi hai

Amma teri kamaai jangal mein lut gaee hai

Teeron se hogaya hai Qasin ka jism chhalni

Maqtal ki zulmaton mein Dulhan ke maang ujri

Sehre ki har ladi se hasrat baras rahi hai

Amma teri kamaai jangal mein lut gaee hai

Yaadon se khelti hai besheer ki adaaen

Rah rah ke der rahi hai Asgher ko maa sadaaen

Jhoole ki khaamoshi par khud mauth ro rahi hai

Amma teri kamaai jangal mein lut gaee hai

Aankhon mein basgaye hain zindaan ke andhere

Yaad-e-Sakina Amma rehti hai mujhko ghere

Baba ko yaad karke masoom chal basi hai

Amma teri kamaai jangal mein lut gaee hai

Zainab ko raas Amma Karbobala na aaya

chheena hai mere sar se do bhaiyon ka saaya

Ab to duwaen Zainab marne ki maangti hai

Amma teri kamaai jangal mein lut gaee hai

In baazuon ke tujhko dagh-e-rasan dikhaane

Aayi hai teri Beti rudaad-e-gham sunaane

Kurta kahin jala hai chaadar kahin chhini hai

Amma teri kamaai jangal mein lut gaee hai

By: Zaki Bilgirami

Iltesmas-e-dua

Share this post


Link to post
Share on other sites

(bismillah)

(salam)

Akber ne ye Shae say kaha dum tooth raha hai

Hatjaiye baba mera dum tooth raha hai

Chehrey pa mere maut ka ayaa hai paseena

Bas ho chuka ab khamtema dum tooth raha hai

Baba mere jeene se utha lejiye ab haath

Seeney say lahoo beh gaya dum tooth raha hai

Barchi ki anee reh gaee hai seeney mein mere

Dum tooth raha hai mera dum tooth raha hai

Attharah baras paalne waali se na kehna

run mein tere farzand ka dum tooth raha hai

Godi mein Sakina ko uttha lejiye Baba

aati hai bahan bhai ka dum tooth raha hai

Iltemas-e-dua

mir

Share this post


Link to post
Share on other sites

(bismillah)

(salam)

Khwaahar-e-Shah tarap kar yahi deti thi sada, kis'se faryaad karoon

Dekhti rehgayi main ghar mera barbaad hua, kis'se faryaad karoon

Main ne atthara baras naazon se paala tha jise, aaj roti hoon usey

Khaak zulfon mein hai aur khoon mein seena hai bhara, kis'se faryaad karoon

Haay wo Asgher-e-Masoom bhi maidaan ko gaya, teer gardan pa laga

mujhse dekha nahi jaata hai wo khaali jhoola, kis'se faryaad karoon

run ko jaakar jo Alamdar na waapas aaya, mera dil tooth gaya

mera Bhai meri chadar ka mohafiz na raha, kis'se faryaad karoon

Khanjar-e-zulm jo mazloom ki gardan pa chala, thi qayamath barpa

Qatl Shabbir huwe hogaee Zainab tanha, kis'se faryaad karoon

Kaisi shaadi huwee dulha jo bana ibn-e-Hasan aur kubra thi dulhan

tukre dil hogaya doolha ka jo laasha aaya, kis'se faryaad karoon

garm rethi pa mere bhia ka laasha tha parha, sertha naizey pa charha

daalti jism pa hoti jo mere ser pa rida, kis'se faryaad karoon

Aaiye Baba ke ab aapka ghar jalta hai, sab ka dum ghut'ta hai

kisko awaaz doon ab kaun sahara dega, kis'se faryaad karoon

Yehi kufa hai jahan ab bhi hai Baba ka makaan, dar badar ham hai yahan

sab hamein bhool gaye aesa zamaana badla, kis'se faryaad karoon

Daakhela Shaam mein ek hashr bana mere liye, ser hamare the khule

beridaayi ke wo lamhaat ke dum ghut'ta hain, kis'se faryaad karoon

Hum rasan basta the aur takht pa tha baniy-e-shar, tasht mein bhai ka ser

maine kin aankhon se wo dard ka manzar dekha, kis'se faryaad karoon

shimr ne aesay Sakina ka gala baandha hai, uska dum rukhta hai

mujhse dekha nahi jaata hai tarapna uska, kis'se faryaad karoon

taaziyano se jo Abid ka badan hai zakhmee, mere dil hai chhalni

aesi zanjeer ke gardan se lahoo behta tha, kis'se faryaad karoon

Qaid mein haay Sakina ne jo dum todh diya, yaad aaye Bhayya

khoon bhare kurte mein Abid ne usey dafn kiya, kis'se faryaad karoon

Zulm ki haar huwi qaid se kunba choota, gham magar saath raha

ghar ki barbaadi ka manzar meri aankhon mein raha, kis'se faryaad karoon

Jabke loote huwe asbaab mein maine dekha, pairahan Bhai ka

Asr-e-Ashoor ka her lamha palat ker aaya, kis'se faryaad karoon

lab pa Zainab ke tha Akhter yehi nauha paehum, kaun dekhe mera gham

mera ab koee nahi Abid-e-muztar ke siwa, kis'se faryaad karoon

By: Allama Akhter Zaidi

Iltemas-e-dua

mir

Share this post


Link to post
Share on other sites
(bismillah)

(salam)

Akber ne ye Shae say kaha dum tooth raha hai

Hatjaiye baba mera dum tooth raha hai

Chehrey pa mere maut ka ayaa hai paseena

Bas ho chuka ab khamtema dum tooth raha hai

Baba mere jeene se utha lejiye ab haath

Seeney say lahoo beh gaya dum tooth raha hai

Barchi ki anee reh gaee hai seeney mein mere

Dum tooth raha hai mera dum tooth raha hai

Attharah baras paalne waali se na kehna

run mein tere farzand ka dum tooth raha hai

Godi mein Sakina ko uttha lejiye Baba

aati hai bahan bhai ka dum tooth raha hai

Iltemas-e-dua

mir

(salam)

Allahu Akbar ... Hy re Sibt e Payamber ki mazloomi k qurban ho yeh na cheez :cry: ... Mashallah bohot hi acha noha hai ...

Qassim Mirza Ali

Toronto, Canada

im_canadien@hotmail.com

Share this post


Link to post
Share on other sites

(bismillah)

(salam)

Umme Layla ka jigar ho gaya chalni chalni Ya Ali Adrikni

Dekhiye seena-e-Akber mein hai barchee ki ani Ya Ali Adrikni

Dekhiye dekhiye dum tooth raha hai kiska hai, hai Qayamat barpa

Khaima-e-Sarwar-e-mazloom mein hai seen-a-zani Ya Ali Adrikni

Ser jhukaae huwe baithe hain serhane Sarwar, jaan balab hai Akber

Haay mazloom ki kehti hai ghareebul watani, Ya Ali Adrikni

Khaima-e-Shaah mein ghul hota hai Inna Lilllah, dam-e-akhir hai aah

Hichkiyan leta hai hum shakl-e-Rasool-e-Madani Ya Ali Adrikni

Shae se kehte hain Khuda hafiz-o-naser Baba dum nikalta hai mera

Sunye potey ki zara aap bhi shereen sukhani, Ya Ali Adrikni

Khaak mein milti hai Akber ki jawani Maula, kehrahi hai Fizza

khaak mein milta hai Shabbir ka serw-e-chamani, Ya Ali Adrikni

Hai pareshan bohot aapka Hilmi muzter, kijiye uspa nazar

sunye faryaad ko az bahar Rasool-e-Madani Ya Ali Adrikni

By: Late Hilmi Afandi

Iltemas-e-dua

Share this post


Link to post
Share on other sites

Yeh Andheri Raat Aur Tanha Sakina Qaid Mein

Margayi Aakhir Ko Bint e Shah e waala Qaid mein

Ho Gayi Khamosh Bachi Toh Yeh Zainab Ne Kaha

Kar Diya Kyun Tumne Rehnay Ka Iraada Qaid mein

Kaun Hai Jo Ek Chacha Se Ek Bhateeji Ko Milaaye

Nehr Par Abbas Hain Tanha Sakina Qaid Mein

Shaam Tak Jo Saath Aaye Theh Watan Wapas Huay

Reh Gayi Bas Ek Nanhi Si Sakina Qaid Mein

Kis Tarha Neend Aayi Hogi Ek Behan Ko Sochiye

Yaad Aaya Hoga Jab Asghar Ka Jhoola Qaid Mein

Khoo'n bhara Asghar Ka Kurta Sonay Dayta Kab Isay

Mil Bhi Jaata Gar Usay Baba Ka Seena Qaid Mein

Bichri Hogi jab Sakina Khwahar e Shabbir Se

Aayi Hogi Qabr Par Ronay Ko Zahra Qaid Mein

:cry: :cry: :cry: ...

------------:::::TAMAM SHUDH:::::--------------

Share this post


Link to post
Share on other sites
Yeh Andheri Raat Aur Tanha Sakina Qaid Mein

Margayi Aakhir Ko Bint e Shah e waala Qaid mein

Ho Gayi Khamosh Bachi Toh Yeh Zainab Ne Kaha

Kar Diya Kyun Tumne Rehnay Ka Iraada Qaid mein

Kaun Hai Jo Ek Chacha Se Ek Bhateeji Ko Milaaye

Nehr Par Abbas Hain Tanha Sakina Qaid Mein

Shaam Tak Jo Saath Aaye Theh Watan Wapas Huay

Reh Gayi Bas Ek Nanhi Si Sakina Qaid Mein

Kis Tarha Neend Aayi Hogi Ek Behan Ko Sochiye

Yaad Aaya Hoga Jab Asghar Ka Jhoola Qaid Mein

Khoo'n bhara Asghar Ka Kurta Sonay Dayta Kab Isay

Mil Bhi Jaata Gar Usay Baba Ka Seena Qaid Mein

Bichri Hogi jab Sakina Khwahar e Shabbir Se

Aayi Hogi Qabr Par Ronay Ko Zahra Qaid Mein

:cry: :cry: :cry: ...

------------:::::TAMAM SHUDH:::::--------------

(salam)

MashaAllah nice...

Share this post


Link to post
Share on other sites

(bismillah)

(salam)

Ye neend khaak pe kaesi uttho uttho bibi

Pidar jo khaab may aaye machal gayee bacchi

fizaye qaid-e-haram ki buka se hilne lagi

lipat ke baap ke sar se jo margaee beti

to qaid khane may baano ki ye fughan goonji

Ye neend khaak pe kaesi uttho uttho bibi

Ye neend khaak pe kaesi uttho uttho bibi

Fasana-e-ghame furqat sunao baba ko

huwa jo baad-e-shahadath sunao baba ko

safar ki saari musibath sunao baba ko

lipat ke baba se khamosh math raho bibi

Ye neend khaak pe kaesi uttho uttho bibi

Ye neend khaak pe kaesi uttho uttho bibi

Bohot gila tha Sakina tumhay andheray ka

ye gham raha ke hay tareek qaid may kunba

ye ranj tha koee chehra nazar nahi aata

hamare gham zada chehron ko dekhlo bibi

Ye neend khaak pe kaesi uttho uttho bibi

Ye neend khaak pe kaesi uttho uttho bibi

dukhay dilon ki tasalli tumhari batein thi

dilon ke zaqm ka marham tumhari batein thi

hamare gham ka sahara tumhari batein thi

hamare gham ka sahara na cheen lo bibi

Ye neend khaak pe kaesi uttho uttho bibi

ye neend khaak pe kaesi uttho uttho bibi

jo aesay haal may dekhay kafa na ho baba

zara main saaf to karloon ye khoon kanon ka

na pehne jao Sakina phata huwa kurta

lahoo may doobi ye zulfain sanwarlo bibi

Ye neend khaak pe kaesi uttho uttho bibi

Ye neend khaak pe kaesi uttho uttho bibi

main qatl gah may Asgher ko aayee hoon khokar

suhag ujar gaya waaris nahi raha sar per

ghareeb maa ka sahara nahi koee dilbar

tum istarha mujhe tanha na chod-do bibi

Ye neend khaak pe kaesi uttho uttho bibi

Ye neend khaak pe kaesi uttho uttho bibi

khulay huwe dare zindaan hain khatm ranjo mehan

tamaam kunbe kay haathon se khul gaee hay rasan

kahan gaya meri bacchi tumhara shauq-e-watan

rehaee mil gaee zindaan se ghar chalo bibi

Ye neend khaak pe kaesi uttho uttho bibi

Ye neend khaak pe kaesi uttho uttho bibi

(by: Ali javed maqsood)

Iltemas-e-dua

mir

Share this post


Link to post
Share on other sites

Create an account or sign in to comment

You need to be a member in order to leave a comment

Create an account

Sign up for a new account in our community. It's easy!

Register a new account

Sign in

Already have an account? Sign in here.

Sign In Now

Sign in to follow this  

×