Jump to content


- - - -


Photo

Jibran Haider Se Mukalma


140 replies to this topic

#51 Marbles

Marbles

    Running Amok

  • Advanced Members
  • PipPipPipPipPipPipPipPipPipPip
  • 21,540 posts
  • Location:Tinderbox
  • Religion:Mussalman
  • Interests:Pickwick Papers

Posted 27 October 2006 - 05:41 PM

ohh bhai jaan soorrry
typin error tha
mayoos likhna chahta tha


Waisay ba’az sawaal barray general aur bogus qisam ke hotay hain magar ghaliban un ke javaabaat nahin.

Zindagee ka sab se maayoos lamhaa, abhi tak, tab jab mujhe yaqeen ho gaya mujhe meri sab se azeez cheez kabhi nahin mil saktee.


Yeh tumm munafeqat b'm'aanee ryaakaaree kee baat karr hou.

Allah nay bhee kuchch logoun kou munafeq kahaa hai . . . woh munafeqat kyaa hai . . .


Nah.

Ye faqat munaafeqat b’ma’ani reyaa-kaaree hee nahin. Munafeqat aur issee qabeel ke doosray tamaam insaani rawaiyyon ka bunyaadi khaam element aur manba’ hai aur isee se hee munafeqat ka har rawaiyyah b’shamool doosray rawaiyyon ke, tashkeel paata hai.

Khuda ne kucch logoun ko iss tarkeeb ke aam ma’anon main munaafeq kahaa. Dil main kucch aur baahar kucch ya’ani ‘aamaal ka sha’ooree taur per khayalaat se mutaasadem honaa. Wallahu ‘Aalam.

Pakistan mein fauj kaa baar baar muntakab hukumatoun kaa takhta ulatna?


Eik se asbaab-o-allal ke nateejay main eik se nataij ka mazhar. Doosray lafzon main eik hee silsilay kee mukhtalif karryan. Aur phir agar eik aankh main motiyaa utar aaye aur doosree bhengee ho tou nazar kyun kar aaye gaa?

. . . daakhil, kharij peh fauqiyyat rakhtaa hai?


Kisi bhi tehreek ye waqiyat ke silsilay main daakhil kharij per awwaliyat rakhta hai. jab tak daakhil main kucch nahin hoga, kharij tamak toiyaan maray gaa.
  • Maryaam likes this

#52 Marbles

Marbles

    Running Amok

  • Advanced Members
  • PipPipPipPipPipPipPipPipPipPip
  • 21,540 posts
  • Location:Tinderbox
  • Religion:Mussalman
  • Interests:Pickwick Papers

Posted 27 October 2006 - 06:07 PM

Chall Allah, tayree yaaree

8. Allah nay Malaekah say kaha "Jo mayn jaantaa hoon tumm naheen jaantay" Khidr nay Musa say kaha "Jo mayn jaantaa hoon tumm naheen jaantay" Raanjhay kou jaan naa aur Raanjha ho jaanay mein fassleh kyaa hai? Tumhaaree nazar mein?


Khuda ‘ilm ka manba’ hai. Us ke ilaawa kainaat main aur koi bhi aisa wujood nahin ho sakta jou utna ‘ilm rakhay jitna khuda rakhta hai, na anbiyaa na koi ma’asoom. Ab ye baat qa’im huyee ke khuda ke muqablay main job bhi ho ussay khuda kisi mauqay per ye keh sakta hai ke “jou main janta hoon wo tum nahin jantay” aur ‘ilm kee taqseem intehayee oonchay darjay se lay kar khuda kee makhlooq main neechay tak hai. tamaam anbiya ka ‘ilm bhi baraabar nahin. Jo Yauqoob jantay hain wo Yousuf nahin, jo khidhr jantay hain Musa nahin aur jo Muhammad jantay hain wo ‘Ali nahin. Magar ye tamaam hastiyaan kya kya jaantee hain kya kya nahin, khataa kaaron kee fehem se baala tar hai aur rahega. Hum utna hee jaan saktay hain jitna bataaya gaya hai. . . .aur yahee farq hai ‘ilm haasil karnay main [Ranjhay ko samajhnaa] aur ‘ilm bann jaanay main [Ranjha ho jaanay main]


9. Khoda Khwahee aur Khodagaahee mein farq?


Khud aagaahe khuda khwahee tak kee mumkin seerrhee hai. jo khud aagaah nahin khuda khwaa nahin ho sakta. Islam ke sab se awwaleen aur be-misl falsafee, Maula Ali ne bhi kucch iss se milta julta kahaa tha.


10. Mayn paagal keh tumm? Keh donoun? Dalael o baraheen qaat'e say wazeh karo


Pagal. . .jab koi shaks kisi kee baat na samjhay tou uss shaks ke liye baat karnay waala paagal. Aur baat karnay walay ke liye na samajhnay wala paagal. Ikhtalaaf kee soorat main ikhtalaaf karnay walay ke liye ikhtalaaf karnay wala paagal. Paaglon ke liye hosh mand paagal. Aur hosh mand ke liye paagal, paagal. Ishq main jaltay jaltay qais paagal, qais ke liye qaazi paagal. Aag ke liye baarish paagal, baarish ke liye sehraa paagal. Sehraa ke liye jungle paagal, jungle ke liye sheher paagal. Kaantay ke liye phool paagal, phool ke liye maalee paagal. Tere liye main paagal, aur mere liye . . . . .:P
  • Maryaam likes this

#53 Marbles

Marbles

    Running Amok

  • Advanced Members
  • PipPipPipPipPipPipPipPipPipPip
  • 21,540 posts
  • Location:Tinderbox
  • Religion:Mussalman
  • Interests:Pickwick Papers

Posted 27 October 2006 - 06:42 PM

Shabb-e-Eid ka Guldasta


Nawaazish. . .

1. Josh Malihababdi ne Hitler ki shan mein nazmein kahin? Kya ye achi bat thi?


Insaan kee eik khaasiyat ye bhi hotee hai ke jiss cheez per yaqeen rakhay uss per shiddat se datt jaaye. Aur waisay bhi Josh moocchain bhi Hitler se miltee jultee rakhta tha.

2. Chillianwala ka kya qiaa tha?.


Punjab main kisi qasbay ka naam hai. Sikh hukumat khatm honay ke baad Multani Divan ki faujon aur Sikhon ne ghaliban mil kar farangiyon ke khilaaf jang laree thee. Uss jang ko bhi jang-e-chillianwala ke naam se yaad kiya jaata hai. mazeed nahin ma’aloom.

3. “Aseen aan Meer Mannon Jaan day soay, utton utton laaprray haiththoun doon sawaanay haoy” Yeh kon loug apnay mutaliq kehte the?


Ye transliteration mujhe qat’an samajh nahin aayee. . .waisay kaunsee zabaan main hai?

4. Najam ul Hasan Syed ki Takht L’hore parhi hai?


Asaakoon Pakistani naa aakho. . .Asaan qaidee takht l’hore day. . .

Nopes. Kitaab parrhnay ka abhi ittefaaq nahin hua. Waisay naam kaafee intimidating hai.

5. Zaigham Hussain Naqvi al Bhakrri ka kam nazar se guzra hai?


Aap likh dijiye tou nazar se guzar jaaye ga. . .inshallah!

6. Dr. Mubarak Ali ko aik khas tabqay mein kaafi qadr ki nigah se dekha jata hai. Pakistani tarikh aur samaj baray inn ke nazaryaat se muttafiq ho?


Dr. Mubarak Ali per qata’ee raaye denay se tou main apnee laa-‘ilmee kee wajah se qaasir hoon magar itna jaanta hoon ke jo koi bhi kisi state main rehtay huye uss state ke “perceived interest” ya qaumee nazriyaat , jin per uss mulk ka dhaancha kharra hota hai, se hatt kar chand lafz likhay tou aksar naam nehaad qaum aur mulk parast uss ke duhsman bann jaatay hain.

Jo shaks bhi iss aur iss qabeel ke doosray barriers ko pass-e-pusht daal kar taareekh likhnay kee gharz se taareekh likhay, na ke apne ilaaqay ko jannat-e-arzee aur usske leadaron ko ma’asoom anil-khataa saabit karnay aur jumla deegaraan ko gouz-e-kharr saabit karnay ke liye, meri nigaah main wo qabil-e-qadr hai.

7. Pakistan bann ne ke forann b’ad markaz mein Muslim League ki hukumat nay Sarhad mein Dr. Khan Sahib ki hukumat ko bila jawaz bartarf kar diya diya tha. Tumharay khayal mein iss bat ka Pushtun qaumparasti say koyi nata hai?


Kisi bhi qaum main qaum parastee ke jazbaat ka alaao dehakaanay ke buhat se awaamil-o-anaasir kaar farmaa ho saktay hain. Pakistani hudood main rehtay huye bataiye ke siwaye Punjabiyon ke kaun see qaum, [siyaasi] qaum parast nahin hai? Sindhi kya Pashtoonon se kamm qaum parast hain? Bengaliyon ne kamyabi ke saath alag raah ikhtiyaar kar lee. Aur Punjabi abhi tak iss liye qaum parastee [un ma’anon main jin ma’naon main Bengaliyon, Sindhiyon aur doosron ne dikhayee] nahin dikhaa sakay kyun ke taqseem ke ba’ad Punjabiyon ke liye umooman aisay halaat paida nahin huye.

8. 1933 mein Germany kay intekhabaat mein National Socialist [Nazi] Party aksariyyat lay kar bar sar-e-iqtidar aye thi. 1946 ke Hindustan ke intekhabaat mein judagana tareeq-e-entekhaab kay zareeay Muslim League musulmaanoun kee numainda jamat kay taur peh saamnay aayi. Kyaa yeh donon partyaan fascist nahin thin?


Awwal to koi aaj tak Fascism kee durust aur reliable ta’areef nahin kar sakaa. Saaniyan ye lafz jang-e-azeem number dou [2] ke ba’ad harr kass-o-naa kass ke liye iste’maal honay lagaa aur aaj tak hota aa raha hai [Bush ke Islami Fascists!] saalsan, ye tarkeeb loug aur siyaasi partiyan apne mukhalifeen ke liye iste’maal kartee hain. so fascist se che ma’ani daarad?

Agar ye tarkeeb aap ne authoritarianism ke ma’anon main iste’maal kee hai tou haan, iss havaalay se donou fascist thay. Tou ab kyaa kiyaa jaye? “rajj” kar in kee mukhalefat kee jaaye aur inko bura bhalaa kahaa jaaye? . . .nah!. . .Meri nigah main, kisi bhi qisam ka tarz-e-hukummat ya ‘amalee siyaasee falsafah, means to an end hai, an end in itself qat’an nahin. Jab tak kisi hukumat main insaaf, awaamee behbood maujood hai, chaahay wo dictator kee ho, monarch kee, ya naam nehaad jamhoor [awaam] kee, mujhe koi ai’taraaz nahin.

Maghrib main [aur maghrib se import ho kar mashriq ke harr hissay main] jamhooriyat ko jhuk jhuk kar salaam karnay kee jo beemaree phayl chukee hai, iss ke ilaaj ka koi intazaam-o-imkaan nahin. Aisay tarap tarap kar jamhooriyat ke raag alaapay jaatay hain ke al-amaan. . .jaisay hazaaron saalon se insaan zameen per rahaa hee isee liye hai ke French Revulsion kee nateejay main jamhooriyat kee dagh bayl daal sakay. Aur goya ab tak ka insaan jahaalat ke ghata toup andheron main sarrta rahaa hai aur “Enlightenment” ke daur ne hee isay ‘ilm aur tehzeeb sikhayee hai. sab bakwaas hai. . .sab ka sab bakwaas. . .

Aur yahee maghribi apnee jamhooriyat ka model dunia ke har konay main raaij dekhnaa chahtay hain jo ke naa-mumkin hai. kyun ke harr koi na tou Post Christian Siyaasi falsafa le kar payda hota hai aur na hee nominal eesaayee gora hota hai. . .dunia rang ba rangee aur uss ke siyaasee falsfay bhi. Mera in maghribi jahmhooriyat ka dhandhora peetnay walon se ye sawaal hai ke kya ho agar koi “Servant of the Nation” [PM ya President] ‘elected dictator’ ka kirdaar adaa karnay lagay? Jaisay ke amrika main one man ya one group show ho raha hai? awam kee raaye aur awaam kee hukumat kiss khayt kee moolee huyee?

9. Dulla Bhatti aur Ahmad Kharal baray kya kaho ge?


Yaar main keh chukaa hoon ke taareekh ka mujhe qat’an kucch pataa nahin aur phir bhi tum. . .

Waisay Dulla Bhatti ke liye mera mashwara ye hota ke anaa ko jaan ka azaab nahin baanaana chahiye. Aalam panaah ke samnay ta’azeeman nahin jhuko gay to maaray jao ge.

Ye Ahmed Kharral kaun hai? Waisay tum Punjabi sirf Punjabiyon ke hee baatain kyun kartay ho?

10. Dosso Case kya tha?


Kelsenee Muwaiyah pann ka Paki version. . .jiss kee bina per Sikandar Mirza aur uss ke Fauji chamchay ne mil kar Pakistan ke sath zinaa bil-jabr kiyaa, kayee saal kartay rahay aur 'mulk ke beton' ne barrh kar in kee gardan na daboochee. . .
  • Maryaam likes this

#54 Marbles

Marbles

    Running Amok

  • Advanced Members
  • PipPipPipPipPipPipPipPipPipPip
  • 21,540 posts
  • Location:Tinderbox
  • Religion:Mussalman
  • Interests:Pickwick Papers

Posted 27 October 2006 - 07:06 PM

Khyaalaat & Nazaryaat kee khoj


karo karo khoj karo. . .shayed koi khazaana mil jaaye. . .

1. Fanafillah aur fana fil zaat? Khusoosann wahdat al wujud kay hawaleh say?


Main Irfan ka munkir nahin magar typical Sufia kee ye baatain mujhe hazam nahin hoteen. Wahdat al-wujood kee jin ma’anon main ta’areef kee jaatee hai aur uss per jo mash’hoor misaalen dee jaatee hain, apne aap ko dhoka denay ke ilaawa aur kucch nahin. Agar wahdat al-wujood wohee hai jo Mansoor ko ‘anal-haq’ main, Bistami ko ‘Subhani’ main aur Khusraw ko ‘man tou shudam. . .’ main mayyassar huyee tou isay mera door se salaam.

Main iss masalay per Iqbali tashreeh se mukammal ittefaaq karta hoon jo Rumi ko apna ‘maayee baap’ maantay huye bhi Rumi se uss waqt ikhtalaaf karta hai jab Rumi saalik ke liye sab se barray darjay ya manzil ko “jab Rabb aur banda iss tarah se eik ho jayen ke dono main tameez karna mumkin na rahe” keh kar explain karta hai. Is ke bar-aks, saalik kee manzil wo hai jab “banda apne Rabb ka iss tarah mukammal ghulaam ban jaye ke phir uss ka harr amal/f’ayl apne Rabb kee marzi ke ayn mutaabiq ho aur Khaliq khud kahay ke aa aur mere khaas bandon main daakhil ho [Al-Quran] na ke aa tu aur main eik ho jayen

Christian Hermits ka sa libaas pehen kar un kee tarek-ud-dunia tarz-e-zindagee apnaa kar aur manba’-e-irfaan, dar-e-Ahl-e-bait se paray reh kar Fana fil zaat aur fana filllah honay ke chakkar main kayee fana fin-naar ho gaye.

2. Kaha jaata hai sufyaa kay 13 silsilay hain, jin mein say 12 Janab-e-Ameer say jaa miltay hein, 13waan Abu Bakr say. Abu Bakr say roohaani silsila???


Kehnay ko tou buhat kucch kahaa jaa sakta hai. abhi 1960 main kisi ne Pakistan main naye sufi silsilay kee bunyaad rakhee. Kya wo 14vaan hoga?

Kisi bhi Sufi silsilay main sacchayee ka zara sa bhi maada honay ke liye uskay naam levaaon ka kisi na kisi soorat main dar-e-panjtan se munsalik honaa zuroori hai warna jhoot ka palanda hoga.

3. Malaamtiyeh kaun thay? Inn mein aur M'otezileh kyaa kuchch mushtarik thaa?


In ke baray tafseel se nahin bata saktaa. Wajah jahaalat hai. Faqat itna ke Malamtiyah ghaliban kisi Sufi line ka naam hai jo jabar aur violence se kaam letay thay [na janay apne ooper ya awwam-un-naas per]. Mo’tezilah ka in se kisi qisam ke rabt ke baray bhi ma’aloom nahin.

4. Abul Ulaa M'uarra falsafee thaa yaa bakwaasi?


Ye sawaal wo poochay jissay uss ke bakwaasi honay main shakk ho.

5. Kahaa jaata hai keh abhee takk sirf dhaee qalandar guzray hain? Usman Marwandi, Bu Ali Shah, aur . . .?


. . .dama dam mast qalandar :P

6. Kashf al Mahjoob . . . musannif kaun? Parhrhee hai?


Ali bin Uthman al-Hujweri. . .al ma’aroof ba Hazrat Data Gang Baksh

Nicholson ne tarjuma kar daala tha, abhi tak koi nazar se nahin guzraa.

7. Fusus ul Hikam nazar say guzree? Agar haan tou koee tabsareh . . .


Bezels of Wisdom ke naam se Austin ka [Jane Austin nahin] tarjumah nazar se guzra hai. Iss ke ilaawa eik do taraajum aur bhi ho chuke hain. Nicholson ne bhi hasb-e-aadat tarjumah kar daala tha.

Gibran ke “The Prophet” Kee tarz per Fusus main Ibn-e-‘Aarabi ne aphorisms main Dady Adam taa Sayyid al-Mursileen tak chuninda anbiya kee khusoosiyat ke havaalay se apne taur per ma’arafat kee baatain likhee hain. kitaab aksar maqamaat per kaafi daqeeq magar interesting hai.

8. Hukm-e-Ilaahi aur Mashiyyat-e-Ilahee. Koyee farq hai inn dou mein? Hai tou kyaa uar kaise? Tafseel . . .


Hukm-e-ilaahee tha Malaikah ke liye Adam ko sajdah karna. Aur mashiyat-e-ilaahee Hussain ka karbal main shaheed hona. . . Iss se barh kar aur tafseel bhala kya ho saktee hai.

9. Wali ul Amr, dharf-e-hukm-Ilahee hotaa hai. Kyaa yeh sachch hai?


‘Dharf’ ka iste’maal naqis fehem se baahar hai. zara suwaal rephrase kar dijiye to bhala hoga [ aap ka bhi aur mera bhi]

10. Dr. Asraar Ahmad aur Dr Taher ul Qadri, donoun mukhtalif hawaley say kehtay hain keh youm al hisaab, nayk bandoun kou Allah T'aala kee ziyarat hogee. Tabsereh?


Mahaal awaamir main se Allah ka khud ko makhlooq ke samnay zaahir karna bhi hai. Jiss kee koi hadd hee nahin, wo kiss soorat aur kiss tarah materialise ho kar insaan kee aankh ke parday per namoodaar ho sakta hai?

Allah ka deedaar karnay ka ‘amal main Allah ka kisi tarah material aur kisi shay se mumaasil hona zuroori hai [jo ke Soorat-e-ikhlaas kee rooh ke khilaf hai] aur phir deedaar ke iss ‘amal main kisi qisam ke noor ya rawshni ka maadee Allah [ya Allah ke wujood] se takraa kar mun’akkas hona aur phir insaani aankh ke retina per aks banaana zuroori hai jo ke mumkin nahin kyun ke Khaliq maada nahin hai. haan Musa walee tajjallee dikhaa day tou aur baat hai. magar wo Allah kee tajjallee ka deedaar hoga, khud Allah ka nahin. . .
  • Maryaam likes this

#55 Guest_blessedflower_*

Guest_blessedflower_*
  • Guests

Posted 28 October 2006 - 09:18 AM

And those who husbanded the Golden Grain

And those who = aur wo loug jinhon ne
Husbanded = dost rakhna, mehboob rakhna, befriended
The Golden Grain = Maal-e-daulat, zar-o-jawaahar

FitzGerald ke Khayyami tarjumay main se eik rubayee ka pehlaa misra hai. Mujhe iss misray main FitzGeral ke iste’maal kiye huye iste’aaray buhat khubsoorat lagay so signature main daal liya. Khayyami rubayee ka asl mafhoom tou kucch aur hai, balkeh yoon kahoon ke iss ke bar-aks hai magar mujhe faqat pehle misray se sar-o-kaar hai. FitzGerald ne rubayee kee rendering kucch iss tarah se kee hai:


And those who husbanded the Golden Grain,
And those who flung it to the Winds like Rain,
Alike to no such aureate Earth are turn'd
As, buried once, Men want dug up again.

(bismillah) (salam)

Lovely.


By the way, aapka talluk kahan se hai aur aap rehte kahan hain?

Aapki umar kiya hai?

#56 Marbles

Marbles

    Running Amok

  • Advanced Members
  • PipPipPipPipPipPipPipPipPipPip
  • 21,540 posts
  • Location:Tinderbox
  • Religion:Mussalman
  • Interests:Pickwick Papers

Posted 28 October 2006 - 03:21 PM

(bismillah) (salam)

Lovely.


Shukriyah.

By the way, aapka talluk kahan se hai aur aap rehte kahan hain?

Aapki umar kiya hai?


Passport Pakistan ka hai. . .rehaish aaj kal Farangistan main

logoun ko dekhnay main 30 ka sun'nay main 60 ka lagta hoon

waisay saal-e-paidaaish 23 baras pehlay guzraa tha. . .
  • Maryaam likes this

#57 Guest_blessedflower_*

Guest_blessedflower_*
  • Guests

Posted 28 October 2006 - 10:18 PM

Shukriyah.
Passport Pakistan ka hai. . .rehaish aaj kal Farangistan main

logoun ko dekhnay main 30 ka sun'nay main 60 ka lagta hoon



(bismillah) (salam)

Ye naqsh e zameen pe kahan paya jata hai bhaee sahab?

waisay saal-e-paidaaish 23 baras pehlay guzraa tha. . .


Achi baat hai, mubarak ho.


Edited by blessedflower, 28 October 2006 - 10:18 PM.


#58 Ishk-e-Zahra

Ishk-e-Zahra

    Member

  • Advanced Members
  • PipPip
  • 728 posts

Posted 29 October 2006 - 05:53 AM

aik sawaal..
yay aik situation hai bataiye kiya karein gay...?

aap sports car mae safar ker rahay hain aur aik sunsaan jageh say guzar hota hai kay achanak toofaani baarish shuru ho jaati hai. :Hijabi: .uss sarakk per aapko 3 loug nazar aatay hain..aik buzurg aurat jiski tabiyat bohat kharaab hai,aur usko hospital le jaana hai.. :( aik aapka dost jisnay aap per bohat ehsanaat kiye hain,aur abb usay chukanay ki aap ki baari hai..teesri aapki future partner hai jiskay saath aapko apni poori life guzarni hai :wub: ..aap ki car mae sirf aik ki jageh hai..laikin chatay hain k sab ki madad ho jaye tou aap kia karein gay... :Hijabi:

wajeh bhi batana... :)

Edited by ISHK-E-ZEHRA, 29 October 2006 - 07:03 AM.


#59 Rawshni

Rawshni

    The likes of Me DO NOT submit to the likes of them.

  • Banned
  • 20,124 posts
  • Location:Karachi, Pakistan
  • Interests:A bit of this and that, some of these and those, and well, hama, shoma ...

Posted 29 October 2006 - 09:34 AM

^

Cell phone say radio taxi bulwaa kay dost kay saath amma jee ko hospital bhaij dayna aur khud honay waali kou bheegay mausam mein saath lay jana chahiye . . .:P

^

Oops. Sowwy!!!


Mayn Jibran Haider waalay nick say log in karrnaa bhool gayee thee

#60 al-syedia

al-syedia

    ALI TAJDAR

  • Advanced Members
  • PipPipPipPipPipPip
  • 4,107 posts
  • Location:unknown

Posted 29 October 2006 - 12:51 PM

Zindagee ka sab se maayoos lamhaa, abhi tak, tab jab mujhe yaqeen ho gaya mujhe meri sab se azeez cheez kabhi nahin mil saktee.

yaa Allah khair
kia cheeze thee woh
kahir haina paa jee

ab aap sey kuch sawaalaat
yahan tu logon nay khushk sawalat ker ker k thread main khushki ker dee hai
kuch nam sawalat
1.wilayat jaanny ka shoock kyun tha???


2.cigarete peeny ka jazba kaisy paeda hoa?


3.konsi cigrete pety hain?
i mean konsy brand ki?


4.kabhi doo aur dooo hoty hain chaar
kabhi kissi sey ankhain chaar hoin??


5.AL_QUDS k bary main kuch bayan kijiye


6.skool collegee main parhai main kaisy thay
apun ka andaza hai ainwee theey
lol
mazaak ker raha hoo dil per mat lena



7.aap woh kaha kery thay k RASHEED DRINK CORNER Sey chay baree achi milti hai
ab tu nh milti
ab kaahan jaya jaye SABZ chaye k liye??



8.yahan per joo pee dar pay makalmay chal rhy hain un k bary main kya raye hai?



9.aap ko aik shaer ka kaha tha
chalo koi bhi likh dain
man sarr-e-bazaar raksm
lol

#61 Ishk-e-Zahra

Ishk-e-Zahra

    Member

  • Advanced Members
  • PipPip
  • 728 posts

Posted 30 October 2006 - 06:15 AM

Oops. Sowwy!!!
Mayn Jibran Haider waalay nick say log in karrnaa bhool gayee thee

rawshni.. :mad: next time jis nick ko say sawaal pocha jaye usi nick say log on hona...
:P :P

2.cigarete peenay ka jazba kaisy paeda hoa?

:unsure:

#62 Aasee

Aasee

    Member

  • Advanced Members
  • PipPip
  • 704 posts

Posted 30 October 2006 - 03:42 PM

Eik se asbaab-o-allal ke nateejay main eik se nataij ka mazhar. Doosray lafzon main eik hee silsilay kee mukhtalif karryan. Aur phir agar eik aankh main motiyaa utar aaye aur doosree bhengee ho tou nazar kyun kar aaye gaa?


Eik se asbab o 'allal kahan the? 1958 mein kuch bat thi, 1969 mein kuch aur thi, 1977 mein teesri bat thi, 1999 mein chauthi bat thi . . .

Haq bat to ye hai, keh fauj kaa civil hukumat ko hatana ghaddari hota hai.

Kisi bhi tehreek ye waqiyat ke silsilay main daakhil kharij per awwaliyat rakhta hai. jab tak daakhil main kucch nahin hoga, kharij tamak toiyaan maray gaa.


Bilkul ghalat. Har insan kaa daakhil, kisi pehle say maujood kharij kaa raheen hai . . .

Edited by Aasee, 30 October 2006 - 03:44 PM.


#63 Aasee

Aasee

    Member

  • Advanced Members
  • PipPip
  • 704 posts

Posted 30 October 2006 - 04:16 PM

Insaan kee eik khaasiyat ye bhi hotee hai ke jiss cheez per yaqeen rakhay uss per shiddat se datt jaaye. Aur waisay bhi Josh moocchain bhi Hitler se miltee jultee rakhta tha.


Sanjida suwaal kiya thaa sanjida jawaab ki tawaqqua per. Jugat mein khud bohat achi jarr layta hun?

Mein ye jaan na chah raha hun keh hitler jaise razeel aur kameenay shakhs ke liye qasida kehna rawa tha kya?

Angrez kitna bhi kutta raha ho, Hitler uss se barhrh ke kutta tha, ye to maano ge ya nahin?

Punjab main kisi qasbay ka naam hai. Sikh hukumat khatm honay ke baad Multani Divan ki faujon aur Sikhon ne ghaliban mil kar farangiyon ke khilaaf jang laree thee. Uss jang ko bhi jang-e-chillianwala ke naam se yaad kiya jaata hai. mazeed nahin ma’aloom.


Gujranwala say zara paray eik qasba hai jahan angrezon aur Sikhon eik m'arke ki jang huee thi jo Sikh raj ke khatme ka baes bani.

Iss jang mein Sikh afwaj iss bejigri aur daleri say larrein, keh fatha kay b'ad angrez commander nay unn ke liye eik memorial tamir karwaya jo aaj bhi maujud hai

Ye transliteration mujhe qat’an samajh nahin aayee. . .waisay kaunsee zabaan main hai?


Punjabi hai. Sikh afwaj ke commando brigade ka n'aara thaa. Meer Mannoon Jaan Lahore kaa eik Syed tha jo unn ka jarnail tha.

Soay . . . dhanya type booti hai jo saalan ko khushbudar banati hai. Utton utton laprray = upar upar say torre liye gaye

Haithoon doon sawaanay hoay = neechay say dugne barh gaye

Rewayat hai keh ye Meer Mannoon Jaan is qadr wajih tha keh naqab daal ke baahar nikalta tha, wallahu 'Aalam; jarnail kamal ka thaa

Awwal to koi aaj tak Fascism kee durust aur reliable ta’areef nahin kar sakaa. Saaniyan ye lafz jang-e-azeem number dou [2] ke ba’ad harr kass-o-naa kass ke liye iste’maal honay lagaa aur aaj tak hota aa raha hai [Bush ke Islami Fascists!] saalsan, ye tarkeeb loug aur siyaasi partiyan apne mukhalifeen ke liye iste’maal kartee hain. so fascist se che ma’ani daarad?

Agar ye tarkeeb aap ne authoritarianism ke ma’anon main iste’maal kee hai tou haan, iss havaalay se donou fascist thay. Tou ab kyaa kiyaa jaye? “rajj” kar in kee mukhalefat kee jaaye aur inko bura bhalaa kahaa jaaye? . . .nah!. . .Meri nigah main, kisi bhi qisam ka tarz-e-hukummat ya ‘amalee siyaasee falsafah, means to an end hai, an end in itself qat’an nahin. Jab tak kisi hukumat main insaaf, awaamee behbood maujood hai, chaahay wo dictator kee ho, monarch kee, ya naam nehaad jamhoor [awaam] kee, mujhe koi ai’taraaz nahin.

Maghrib main [aur maghrib se import ho kar mashriq ke harr hissay main] jamhooriyat ko jhuk jhuk kar salaam karnay kee jo beemaree phayl chukee hai, iss ke ilaaj ka koi intazaam-o-imkaan nahin. Aisay tarap tarap kar jamhooriyat ke raag alaapay jaatay hain ke al-amaan. . .jaisay hazaaron saalon se insaan zameen per rahaa hee isee liye hai ke French Revulsion kee nateejay main jamhooriyat kee dagh bayl daal sakay. Aur goya ab tak ka insaan jahaalat ke ghata toup andheron main sarrta rahaa hai aur “Enlightenment” ke daur ne hee isay ‘ilm aur tehzeeb sikhayee hai. sab bakwaas hai. . .sab ka sab bakwaas. . .

Aur yahee maghribi apnee jamhooriyat ka model dunia ke har konay main raaij dekhnaa chahtay hain jo ke naa-mumkin hai. kyun ke harr koi na tou Post Christian Siyaasi falsafa le kar payda hota hai aur na hee nominal eesaayee gora hota hai. . .dunia rang ba rangee aur uss ke siyaasee falsfay bhi. Mera in maghribi jahmhooriyat ka dhandhora peetnay walon se ye sawaal hai ke kya ho agar koi “Servant of the Nation” [PM ya President] ‘elected dictator’ ka kirdaar adaa karnay lagay? Jaisay ke amrika main one man ya one group show ho raha hai? awam kee raaye aur awaam kee hukumat kiss khayt kee moolee huyee?


Islamofascists ki istelah sahih hai. Taliban kya the?

Maujudah daur mein jamhuriyat end in itself hai. Ghayullahi Dictatorship ka benevolent hona mohal-e-aqli hai.

French Revolution ko mawarrad-e-ilzam na thehrao. Ye 1789 mein waqea hui. 1776 mein Amrikyon nay jamhuri taur azadi ka faisla kiya aur Bartani ne unhein maar peet ke baaz rakhnay ki koshish ki. Khud Bartania mein jamhuriyat French Revolution say kahin pehle kisi na kisi shakal mein maujud thi. Aur pichay jao to Roman Republic, Yunan ki city states, jamhuri thin . .

Yaar main keh chukaa hoon ke taareekh ka mujhe qat’an kucch pataa nahin aur phir bhi tum. . .

Waisay Dulla Bhatti ke liye mera mashwara ye hota ke anaa ko jaan ka azaab nahin baanaana chahiye. Aalam panaah ke samnay ta’azeeman nahin jhuko gay to maaray jao ge.

Ye Ahmed Kharral kaun hai? Waisay tum Punjabi sirf Punjabiyon ke hee baatain kyun kartay ho?


Koyi acha sa reason do ache Punjabyon ko yad na karne ke liye

Kelsenee Muwaiyah pann ka Paki version. . .jiss kee bina per Sikandar Mirza aur uss ke Fauji chamchay ne mil kar Pakistan ke sath zinaa bil-jabr kiyaa, kayee saal kartay rahay aur 'mulk ke beton' ne barrh kar in kee gardan na daboochee. . .


Issue kya tha? Dosso kon tha? Muqadma larrne kyun pohanch gya? Judge kon tha jis haramzadgi ki?

#64 Marbles

Marbles

    Running Amok

  • Advanced Members
  • PipPipPipPipPipPipPipPipPipPip
  • 21,540 posts
  • Location:Tinderbox
  • Religion:Mussalman
  • Interests:Pickwick Papers

Posted 30 October 2006 - 04:30 PM

Eik se asbab o 'allal kahan the? 1958 mein kuch bat thi, 1969 mein kuch aur thi, 1977 mein teesri bat thi, 1999 mein chauthi bat thi . . .

Haq bat to ye hai, keh fauj kaa civil hukumat ko hatana ghaddari hota hai.


Main ne kahaa na. . .eik main motiya aur doosree bhengee. . .kucch nazar nahin aayega.

sab eik sa hai. kucch farq nahin in yaaron main.


Bilkul ghalat. Har insan kaa daakhil, kisi pehle say maujood kharij kaa raheen hai . . .


. . .aur "wo pehlay se maujood kharij" kisi aur dakhil ka marhoon-e-minnat hai.

Buqrat bhai. . .ye daleel iste'maal na karna. logical cycle main phanss jao ge aur is se nikalnay ka koi rasta nahin.

Edited by Jibran Haider, 30 October 2006 - 06:03 PM.

  • Maryaam likes this

#65 Marbles

Marbles

    Running Amok

  • Advanced Members
  • PipPipPipPipPipPipPipPipPipPip
  • 21,540 posts
  • Location:Tinderbox
  • Religion:Mussalman
  • Interests:Pickwick Papers

Posted 30 October 2006 - 06:08 PM


(bismillah) (salam)

Ye naqsh e zameen pe kahan paya jata hai bhaee sahab?


Aray. . .Apne aur hamaray buzurgon ke saabqa aaqa’on ko bhool gayeen?

aik sawaal..
yay aik situation hai bataiye kiya karein gay...?

aap sports car mae safar ker rahay hain aur aik sunsaan jageh say guzar hota hai kay achanak toofaani baarish shuru ho jaati hai. :Hijabi: .uss sarakk per aapko 3 loug nazar aatay hain..aik buzurg aurat jiski tabiyat bohat kharaab hai,aur usko hospital le jaana hai.. :( aik aapka dost jisnay aap per bohat ehsanaat kiye hain,aur abb usay chukanay ki aap ki baari hai..teesri aapki future partner hai jiskay saath aapko apni poori life guzarni hai :wub: ..aap ki car mae sirf aik ki jageh hai..laikin chatay hain k sab ki madad ho jaye tou aap kia karein gay... :Hijabi:

wajeh bhi batana... :)


Sawaal kee shroo’aat hee ghalat hai. Sports car main tou main kabhi nahin beth sakta. . .aisee sab cars zeher lagtee hain mujhe. . .

Waisay eik lamhay ko durust bhi maan len to phir Rawsh sisso ne jo scenario create kia hai, wahh kya hee baat hai. . .

Nahin?


:unsure:


ye aap ke deeday kyun yoon ghoom rahe hain. . .bibi?

1.wilayat jaanny ka shoock kyun tha???


Jo quality aur up-to-date ma’aloomaat aur training Dyaar-e-ghayr ke idaaray muhaiyya kartay hain agar wohee apne days main mil jatee tab main tou kabhi welayaat na jaata. Seedhee see baat!

2.cigarete peeny ka jazba kaisy paeda hoa?


Kharboozay ko dekh kar kharboozah rang pakarrta hai. mere saath bhi yahee hua.

3.konsi cigrete pety hain? i mean konsy brand ki?


Lahore main Liberty Chowk walay Tobacco Master kee Dunhill [kya kamaal kee shay bechta hai wo]. Multan aan parra tou choonke aslee Dunhill nahin miltee thee, so Gold Leaf zindah baad. . .ab Welaayat hoon, yahan bhi Dunhill aam nahin hai So Bensen & Hedges.

Waisay main ne buhat kamm kar dee hai. chorr doonga. Eik to yahaan mehengee buhat hai doosra buhat buree cheez hai. shroo’ mat karna kabhi.

4.kabhi doo aur dooo hoty hain chaar .kabhi kissi sey ankhain chaar hoin??


Chaltay chaltay yoon hee koi mil jaata hai tou kisi na kisi rah geer se aankhen chaar ho hee jaatee hain. . .

Nahin?

5.AL_QUDS k bary main kuch bayan kijiye


Zara sawaal clear kar detay to usee ke mutaabiq javaab deta. Kya jaan’na chah rahay ho? Tumhain nahin pata ke Al-Quds kya hai?

6.skool collegee main parhai main kaisy thay
apun ka andaza hai ainwee theey
lol
mazaak ker raha hoo dil per mat lena


Dil per lenay walee kya baat hai yaar. . .

Mere pass shroo’ se tab tak ke qareeban tamaam result cards aur certificates maujood hain. Yad’dast itnee achee nahin so available evidence ke mutabiq Nursery se teesree jama’at tak awwal rahaa. Uss ke baad position gir gayee. Chauthee se saatveen tak pehlay teen numberon main nahin aa saka. Bunyadi wajah walid sahib kee wafaat ke ba’ad zehnee aur ghareloo pareshaani thee. Phir aathveen main class main daum number aur ba’ad main matric tak pehlay teen se kamm nahin rahaa.

Matric aur F.Sc main First division thee, khulay margin se.

Pak main tha tou mazaaqan aur ittefaaqan Private BA ka parchaa, Falsafah, Nasfiyat aur Farsi Optional main B.Z University se diya tha. First division aye A grade ke saath. [Falsafay main B.Z uni main 2004 ke highest markes thay]

Lahore main BCS ke dauraan CGPA kabhi 3.4 se kamm nahin raha.

Mere andar eik to Epicureanism “rajj” kar bharee huyee hai doosra Adrenaline Junky bhi hoon. . .so iss lehaaz se dekhaa jaye to nikamma hee hoon. . .tumree baat ghalat nah hai. . .

7.aap woh kaha kery thay k RASHEED DRINK CORNER Sey chay baree achi milti hai
ab tu nh milti
ab kaahan jaya jaye SABZ chaye k liye??


Rashid Drink Corner se sabz chaiye tou khud main ne bhi kabhi nahin pee bhaiyya. Main ne to aam chaiye aur Kashmiri chaiy ke baray main baat kee thee. In dono chaiyon main R.D.C kamaal hai kabhi try kar lenaa. Sardiyaan aa rahee hain wahan phir raunaq hogee. Kya din wo jab main bhi taqreeban rozana ja kar wahan se chaiy piyaa karta tha. . .

8.yahan per joo pee dar pay makalmay chal rhy hain un k bary main kya raye hai?


Agar mukalmay ko time bound kar dia jaye to accha hai. misaal ke taur per eik mukalma zyada se zyad 2/3 haftay chalay wa bass. Phir khatam. Us ke baad doosra shroo’ karna chahiye. Doosra ye ke eik waqt main do se zyada mukalmay durust ma’aloom nahin hotay aur awwaam concentrate kar ke eik se saheeh tarah baat nahin kar paatee. . .

9.aap ko aik shaer ka kaha tha
chalo koi bhi likh dain
man sarr-e-bazaar raksm


Mujhe she’r ka kab kahaa tha yaara?

Waisay iss misray main tum ne “mee” nikaal kar issay seegha-e-maazi banaa diya hai jiss se misray kee jamaaliyat buree tarah muta’ssir ho rahee hai.

“Sar-e-baazaar mee raqsam” kaho

Kiss zabaan ka she’r sun’na chaho ge?

Tabarrakann ye angrezi kee eik nazm ka tukrra suno:

Even yet thou art to me
No bird, but an invisible thing,
A voice, a mystery;

I listened to; that Cry
Which made me look a thousand ways
In bush, and tree, and sky.
To seek thee did I often rove
Through woods and on the green;
And thou wert still a hope, a love;
Still longed for, never seen.

  • Maryaam likes this

#66 Guest_blessedflower_*

Guest_blessedflower_*
  • Guests

Posted 30 October 2006 - 10:10 PM

^^ U mean England? :huh:



#67 al-syedia

al-syedia

    ALI TAJDAR

  • Advanced Members
  • PipPipPipPipPipPip
  • 4,107 posts
  • Location:unknown

Posted 31 October 2006 - 07:05 AM

“Sar-e-baazaar mee raqsam” kaho

yeh aik dafa aap ny hee sunaya tha
yaad hai MSN per?

#68 Marbles

Marbles

    Running Amok

  • Advanced Members
  • PipPipPipPipPipPipPipPipPipPip
  • 21,540 posts
  • Location:Tinderbox
  • Religion:Mussalman
  • Interests:Pickwick Papers

Posted 31 October 2006 - 10:20 AM

Sanjida suwaal kiya thaa sanjida jawaab ki tawaqqua per. Jugat mein khud bohat achi jarr layta hun?


Aakhir ko Lahore se ta’aluq saabit ho gayaa. :P


Mein ye jaan na chah raha hun keh hitler jaise razeel aur kameenay shakhs ke liye qasida kehna rawa tha kya? Angrez kitna bhi kutta raha ho, Hitler uss se barhrh ke kutta tha, ye to maano ge ya nahin?


Bhai saheb ye bataiye ke Hitler ne Punjabion ka kya bigaarra tha?

Gujranwala say zara paray eik qasba hai jahan angrezon aur Sikhon eik m'arke ki jang huee thi jo Sikh raj ke khatme ka baes bani.

Iss jang mein Sikh afwaj iss bejigri aur daleri say larrein, keh fatha kay b'ad angrez commander nay unn ke liye eik memorial tamir karwaya jo aaj bhi maujud hai


Main ne aakhree jang kee taraf ishaara kia tha. Aap ghaliban pehlee kee baat kar rahe hain.

Rewayat hai keh ye Meer Mannoon Jaan is qadr wajih tha keh naqab daal ke baahar nikalta tha, wallahu 'Aalam; jarnail kamal ka thaa


Subanallah! Meer saheb ko fauj ke laundon se khatra tha ya phir mutyaaron se? :unsure:

Islamofascists ki istelah sahih hai. Taliban kya the?


Main ne kahaa na. . .har koi iss term ko apne mukhalifeen ke liye iste’maal karta hai. kisi ko Fascist kehna ab credible nahin hai. Jo Fascist thay, guzar chukay.

Maujudah daur mein jamhuriyat end in itself hai.


Yoon kahiye ke maujoodah daur main jamhooriyat ko end in itself samjhaa jaata hai.

Ghayullahi Dictatorship ka benevolent hona mohal-e-aqli hai.


Insaani taareekh main wo kaunsa lamhaa tha jab aisee hukumaten “mahaal-e-aql” ban gayeen theen?

Mahaal-e-aql tou “awwamee hukumaton” ka wo amreekee model hai jis ka har soo parchaar kia jaata hai. aisee awaamee hukumaton ke andar bhi ya tou one man show hota hai, ya one group show.

Jamhooriyat tab tak be-kaar hai jab tak apne maqaasid main kamyab nahin hotee. Aur jin maqaasid ko maujoodah jamhooriyat hasil karna chahtee hai, wohee kisi doosree tarz kee hukumat main bhi hasil ho jayen to koi mazahiqa nahin hai.



French Revolution ko mawarrad-e-ilzam na thehrao. Ye 1789 mein waqea hui. 1776 mein Amrikyon nay jamhuri taur azadi ka faisla kiya aur Bartani ne unhein maar peet ke baaz rakhnay ki koshish ki. Khud Bartania mein jamhuriyat French Revolution say kahin pehle kisi na kisi shakal mein maujud thi. Aur pichay jao to Roman Republic, Yunan ki city states, jamhuri thin . .


Tawaareekh yaad rakhnay main acchay ho. Daad deta hoon.

Agreed. . .

Mazeed ye bhi ke jamhooriyat koi maujoodah daur ka kaarnaama nahin hai. sadiyon se iss ke jaraaseem insaanon main paaye jatay hain. farq ye hai ke issay relative kamyabi ab jaa kar milee hai.

Koyi acha sa reason do ache Punjabyon ko yad na karne ke liye.


Koi reason nahin hai. jee bhar ke yaad karo. Magar doosron ko bhi mat bhoolo.

Issue kya tha? Dosso kon tha? Muqadma larrne kyun pohanch gya? Judge kon tha jis haramzadgi ki?


Meri nazar main Dosso case jo tha, likh kar hazir kar diya. Thorray ko zyaada jano bhaiyya.

Waisay agar taareekh ka parchaa hee banaa rahay thay to ooper number bhi likh diye hotay. :dry:
  • Maryaam likes this

#69 Rawshni

Rawshni

    The likes of Me DO NOT submit to the likes of them.

  • Banned
  • 20,124 posts
  • Location:Karachi, Pakistan
  • Interests:A bit of this and that, some of these and those, and well, hama, shoma ...

Posted 31 October 2006 - 10:59 AM

Bhai saheb ye bataiye ke Hitler ne Punjabion ka kya bigaarra tha?


Agar aisa laazim thehraa diyaa jaaye keh koyee kisee kaa kuchch bigaarray hee, tabb usay bura kahaa jaa sakktaa hai, tou yeh ISO waalay jo "Marg bar Isreil" "Marg bar Amrika" kay n'aaray lagaatay rehtay hain, kyuon lagaatay hain? Israil nay inn kee "khotee tou naheen churaaee"?

Yoon kahiye ke maujoodah daur main jamhooriyat ko end in itself samjhaa jaata hai.


Zahoor-e-Imam takk, endin itself hai . . .

Insaani taareekh main wo kaunsa lamhaa tha jab aisee hukumaten “mahaal-e-aql” ban gayeen theen?


Woh yeh keh rahaa hai keh benevolent dictatorship mohaal-e-'aqli hai. Bann nay kee baat naheen karr rahaa

Misaal kay taur peh, Allah kaa mayree yaa tumhaari samajh mein aa jaana mohaal-e-'aqli hai

Note karna mayn nay samajh mein aa jana kahaa hai

Mahaal-e-aql tou “awwamee hukumaton” ka wo amreekee model hai jis ka har soo parchaar kia jaata hai. aisee awaamee hukumaton ke andar bhi ya tou one man show hota hai, ya one group show.

Jamhooriyat tab tak be-kaar hai jab tak apne maqaasid main kamyab nahin hotee. Aur jin maqaasid ko maujoodah jamhooriyat hasil karna chahtee hai, wohee kisi doosree tarz kee hukumat main bhi hasil ho jayen to koi mazahiqa nahin hai.

Mazeed ye bhi ke jamhooriyat koi maujoodah daur ka kaarnaama nahin hai. sadiyon se iss ke jaraaseem insaanon main paaye jatay hain. farq ye hai ke issay relative kamyabi ab jaa kar milee hai.


Amriki model, Bartaanvee model, waghiareh kay chakkar mein matt parro . . . iss chakkar mein parro keh "assabiyah" y'aani vested interest groups kay maabayn behtreen tareeqay say tawazann o tawwafaq kaise qaem kiya jaa sakktaa hai . . .

Saanwal day wall awn teek charrakhrra tay kattnaa ayn naa . . .

#70 Marbles

Marbles

    Running Amok

  • Advanced Members
  • PipPipPipPipPipPipPipPipPipPip
  • 21,540 posts
  • Location:Tinderbox
  • Religion:Mussalman
  • Interests:Pickwick Papers

Posted 01 November 2006 - 03:54 PM

[Agar aisa laazim thehraa diyaa jaaye keh koyee kisee kaa kuchch bigaarray hee, tabb usay bura kahaa jaa sakktaa hai, tou yeh ISO waalay jo "Marg bar Isreil" "Marg bar Amrika" kay n'aaray lagaatay rehtay hain, kyuon lagaatay hain? Israil nay inn kee "khotee tou naheen churaaee"?


Kisi ke accha kehnay se accha, bura aur bura, achaa nahin ho jaata.

Hai na?

Zahoor-e-Imam takk, endin itself hai . . .


G haan agar saabit kar diya jaye ke zahoor-e-Imam taareekh main kal parson honay waala hai.

Zimnan ye ke insaan aur insaani mu’ashra maujoodah daur ke dynamics se revert ho kar maazi main nahin ja sakta. Insaani taareekh ka har guzarta lamha eik tarah se irtaqaa’ee hai. aur jamhooriyat, jo ke aaj ke daur main bila shubah desirable hai, maujoodah daur ke dynamics ko define kartee hai. kya ye dynamics mustaqbil bayeed main bhi rahen ge, iss kee qat'ann koi gurantee nahin hai.

Woh yeh keh rahaa hai keh benevolent dictatorship mohaal-e-'aqli hai. Bann nay kee baat naheen karr rahaa

Misaal kay taur peh, Allah kaa mayree yaa tumhaari samajh mein aa jaana mohaal-e-'aqli hai

Note karna mayn nay samajh mein aa jana kahaa hai


Point Noted.

. . .tou phir saabit kiya jaye ke remote antiquity se aaj kee taareekh [ya French Revulsion] tak kabhi koi dictatorship benevolent nahin guzree.

Amriki model, Bartaanvee model, waghiareh kay chakkar mein matt parro . . . iss chakkar mein parro keh "assabiyah" y'aani vested interest groups kay maabayn behtreen tareeqay say tawazann o tawwafaq kaise qaem kiya jaa sakktaa hai . . .

Saanwal day wall awn teek charrakhrra tay kattnaa ayn naa . . .


Parr gaye iss chakkar main. . .aur hukm ho. . .

#71 Rawshni

Rawshni

    The likes of Me DO NOT submit to the likes of them.

  • Banned
  • 20,124 posts
  • Location:Karachi, Pakistan
  • Interests:A bit of this and that, some of these and those, and well, hama, shoma ...

Posted 01 November 2006 - 04:28 PM

Khyaalaat & Nazaryaat kee khoj Part 2




1. Thaqeefeh Bani S'aadeh Islam peh shabb khoon thaa yaa ijtehad o ijma'a ka pehla muzahireh?


2. Sarkaar-e-Risalat yaa Janab-e-Amir kay daur kaa koyi aisa waqeaa bataa sakktay hou, m'ae mustanad hawaleh jahan kisee zaania kou sangsaar kiya gyaa ho?


3. Qat'e yadd kaa pehlaa waqeaa kabb huwa? Mujrim kaun thaa? Hadd kis nay jaaree kee thee? Jurm kee nauiyyat kyaa thee?


4. Mann arafa'a nafsahu, arafa'a Rabbahu? Kis kaa qaul hai yeh? Iss kee roo say kyaa Rabb kay mukhtalif al nau tassawarraat naheen wajood payein gay?

5. Mujhay koyee naheen jaantaa siwai Allah aur Ali kay, Ali kou koyee naheen jaanta siwai Allah kay aur mayray, Allah kou koyee naheen jaanta siwai mayray aur Ali kay. . .?

Tumhaaray liye raasteh yehee reh gyaa naa, keh jis kay aagay Rasool aur Ali jhukay tumm bhee jhuk jaao?


6. Pehlaa mojtehed kaun thaa aur kis zamaneh mein huwa?


7.

ÇáÑøóÍúãóäõ ٭ Úóáøóãó ÇáúÞõÑúÂäó ٭ ÎóáóÞó ÇáúÅöäÓóÇäó ٭ Úóáøóãóåõ ÇáúÈóíóÇäó


Bohat jaani pehchaani aayaat hain . . . "Barra meherbaan hai woh, usee nay Quran kee t'aalem dee, usee nay insaan kou khalq kiya, usee nay usay bayaan sikhaaya" tarteeb bohat anokhee hai, tashreeh karo . . .


8. Quran baar baar taffakar fil deen aur taddabar fil quran kee talqeen kartaa hai . . . mullah kehtaa hai tumm isay samajh he naheen sakktay, yeh mayraa exclusive theykaa hai . . . yeh kyaa hai?

#72 Rawshni

Rawshni

    The likes of Me DO NOT submit to the likes of them.

  • Banned
  • 20,124 posts
  • Location:Karachi, Pakistan
  • Interests:A bit of this and that, some of these and those, and well, hama, shoma ...

Posted 01 November 2006 - 04:47 PM


Agar aisa laazim thehraa diyaa jaaye keh koyee kisee kaa kuchch bigaarray hee, tabb usay bura kahaa jaa sakktaa hai, tou yeh ISO waalay jo "Marg bar Isreil" "Marg bar Amrika" kay n'aaray lagaatay rehtay hain, kyuon lagaatay hain? Israil nay inn kee "khotee tou naheen churaaee"?

Kisi ke accha kehnay se accha, bura aur bura, achaa nahin ho jaata.

Hai na?

^

Mayray sawaal kaa jawaab kahaan hai iss mein?


Zahoor-e-Imam takk, endin itself hai . . .

G haan agar saabit kar diya jaye ke zahoor-e-Imam taareekh main kal parson honay waala hai.

Zimnan ye ke insaan aur insaani mu’ashra maujoodah daur ke dynamics se revert ho kar maazi main nahin ja sakta. Insaani taareekh ka har guzarta lamha eik tarah se irtaqaa’ee hai. aur jamhooriyat, jo ke aaj ke daur main bila shubah desirable hai, maujoodah daur ke dynamics ko define kartee hai. kya ye dynamics mustaqbil bayeed main bhi rahen ge, iss kee qat'ann koi gurantee nahin hai.

Yeh saabit karrnay kee zururat hee naheen. Khalq-e-Khoda kou aamiroun say bachaanay kay liye jamhuriayat naa guzeer hai, isee liye isay end in itself kahaa gyaa. Jamhuriyat b'taur eik imraani nizam kay itnee lachakdaar hai, keh muaashreh kee badaltee huee zururyaat kay saath irteqaa karrtee chalee jaatee hai . . . iss kee tareekh peh agar nazar kee jaaey tou yeh amr azhar min al shams hai


Woh yeh keh rahaa hai keh benevolent dictatorship mohaal-e-'aqli hai. Bann nay kee baat naheen karr rahaa

Misaal kay taur peh, Allah kaa mayree yaa tumhaari samajh mein aa jaana mohaal-e-'aqli hai

Note karna mayn nay samajh mein aa jana kahaa hai



Point Noted.

. . .tou phir saabit kiya jaye ke remote antiquity se aaj kee taareekh [ya French Revulsion] tak kabhi koi dictatorship benevolent nahin guzree.


Taareekh uththaa kay daikho. Jahaan ho, wahaan Toynbee, Gibbon, Carlyle, Wells waghaireh takk rasaaee mushkil naa honee chaahiye

Insaan kee aamriyyat b'deehee taur peh faasid hai


Amriki model, Bartaanvee model, waghiareh kay chakkar mein matt parro . . . iss chakkar mein parro keh "assabiyah" y'aani vested interest groups kay maabayn behtreen tareeqay say tawazann o tawwafaq kaise qaem kiya jaa sakktaa hai . . .

Saanwal day wall awn teek charrakhrra tay kattnaa ayn naa . . .

Parr gaye iss chakkar main. . .aur hukm ho. . .


Jewndaa rhou, einweyn s'aadatmand rehyaa tay rajj tarraqqee karein gaa

#73 al-syedia

al-syedia

    ALI TAJDAR

  • Advanced Members
  • PipPipPipPipPipPip
  • 4,107 posts
  • Location:unknown

Posted 02 November 2006 - 12:50 AM

Kisi ke accha kehnay se accha, bura aur bura, achaa nahin ho jaata.

Hai na

wah jee wah
kya sunnioy wali baat kee hai
aaj sey tabarra khtm ker dena chahiye hana?


aap sey mera aakhir sawal
aap nay iss mukalmay main beghair kissi chun churaa k hissa lena shuroo ker dia
jab miany interview ka kaaha
tab kya hoa tha>???

#74 Rawshni

Rawshni

    The likes of Me DO NOT submit to the likes of them.

  • Banned
  • 20,124 posts
  • Location:Karachi, Pakistan
  • Interests:A bit of this and that, some of these and those, and well, hama, shoma ...

Posted 08 November 2006 - 07:23 AM

Jibbi tumm bhee bohat dinoun say mafqood ul habar. . . ziyada masroof?? Koyee khayr khaiyrriyyat kee ittel'aa . . .

#75 Angeline.Naqvi

Angeline.Naqvi

    Member

  • Advanced Members
  • PipPip
  • 374 posts
  • Interests:Keep on changing . . .

Posted 09 November 2006 - 09:37 AM

mafqood ul habar kya hote hein?



Reply to this topic



  


0 user(s) are reading this topic

0 members, 0 guests, 0 anonymous users