Sign in to follow this  
Followers 0
Aasee

Jibran Haider Se Mukalma

141 posts in this topic

Oops. Sowwy!!!

Mayn Jibran Haider waalay nick say log in karrnaa bhool gayee thee

rawshni.. :mad: next time jis nick ko say sawaal pocha jaye usi nick say log on hona...

:P :P

2.cigarete peenay ka jazba kaisy paeda hoa?

:unsure:

Share this post


Link to post
Share on other sites
Eik se asbaab-o-allal ke nateejay main eik se nataij ka mazhar. Doosray lafzon main eik hee silsilay kee mukhtalif karryan. Aur phir agar eik aankh main motiyaa utar aaye aur doosree bhengee ho tou nazar kyun kar aaye gaa?

Eik se asbab o 'allal kahan the? 1958 mein kuch bat thi, 1969 mein kuch aur thi, 1977 mein teesri bat thi, 1999 mein chauthi bat thi . . .

Haq bat to ye hai, keh fauj kaa civil hukumat ko hatana ghaddari hota hai.

Kisi bhi tehreek ye waqiyat ke silsilay main daakhil kharij per awwaliyat rakhta hai. jab tak daakhil main kucch nahin hoga, kharij tamak toiyaan maray gaa.

Bilkul ghalat. Har insan kaa daakhil, kisi pehle say maujood kharij kaa raheen hai . . .

Edited by Aasee

Share this post


Link to post
Share on other sites
Insaan kee eik khaasiyat ye bhi hotee hai ke jiss cheez per yaqeen rakhay uss per shiddat se datt jaaye. Aur waisay bhi Josh moocchain bhi Hitler se miltee jultee rakhta tha.

Sanjida suwaal kiya thaa sanjida jawaab ki tawaqqua per. Jugat mein khud bohat achi jarr layta hun?

Mein ye jaan na chah raha hun keh hitler jaise razeel aur kameenay shakhs ke liye qasida kehna rawa tha kya?

Angrez kitna bhi kutta raha ho, Hitler uss se barhrh ke kutta tha, ye to maano ge ya nahin?

Punjab main kisi qasbay ka naam hai. Sikh hukumat khatm honay ke baad Multani Divan ki faujon aur Sikhon ne ghaliban mil kar farangiyon ke khilaaf jang laree thee. Uss jang ko bhi jang-e-chillianwala ke naam se yaad kiya jaata hai. mazeed nahin ma’aloom.

Gujranwala say zara paray eik qasba hai jahan angrezon aur Sikhon eik m'arke ki jang huee thi jo Sikh raj ke khatme ka baes bani.

Iss jang mein Sikh afwaj iss bejigri aur daleri say larrein, keh fatha kay b'ad angrez commander nay unn ke liye eik memorial tamir karwaya jo aaj bhi maujud hai

Ye transliteration mujhe qat’an samajh nahin aayee. . .waisay kaunsee zabaan main hai?

Punjabi hai. Sikh afwaj ke commando brigade ka n'aara thaa. Meer Mannoon Jaan Lahore kaa eik Syed tha jo unn ka jarnail tha.

Soay . . . dhanya type booti hai jo saalan ko khushbudar banati hai. Utton utton laprray = upar upar say torre liye gaye

Haithoon doon sawaanay hoay = neechay say dugne barh gaye

Rewayat hai keh ye Meer Mannoon Jaan is qadr wajih tha keh naqab daal ke baahar nikalta tha, wallahu 'Aalam; jarnail kamal ka thaa

Awwal to koi aaj tak Fascism kee durust aur reliable ta’areef nahin kar sakaa. Saaniyan ye lafz jang-e-azeem number dou [2] ke ba’ad harr kass-o-naa kass ke liye iste’maal honay lagaa aur aaj tak hota aa raha hai [bush ke Islami Fascists!] saalsan, ye tarkeeb loug aur siyaasi partiyan apne mukhalifeen ke liye iste’maal kartee hain. so fascist se che ma’ani daarad?

Agar ye tarkeeb aap ne authoritarianism ke ma’anon main iste’maal kee hai tou haan, iss havaalay se donou fascist thay. Tou ab kyaa kiyaa jaye? “rajj” kar in kee mukhalefat kee jaaye aur inko bura bhalaa kahaa jaaye? . . .nah!. . .Meri nigah main, kisi bhi qisam ka tarz-e-hukummat ya ‘amalee siyaasee falsafah, means to an end hai, an end in itself qat’an nahin. Jab tak kisi hukumat main insaaf, awaamee behbood maujood hai, chaahay wo dictator kee ho, monarch kee, ya naam nehaad jamhoor [awaam] kee, mujhe koi ai’taraaz nahin.

Maghrib main [aur maghrib se import ho kar mashriq ke harr hissay main] jamhooriyat ko jhuk jhuk kar salaam karnay kee jo beemaree phayl chukee hai, iss ke ilaaj ka koi intazaam-o-imkaan nahin. Aisay tarap tarap kar jamhooriyat ke raag alaapay jaatay hain ke al-amaan. . .jaisay hazaaron saalon se insaan zameen per rahaa hee isee liye hai ke French Revulsion kee nateejay main jamhooriyat kee dagh bayl daal sakay. Aur goya ab tak ka insaan jahaalat ke ghata toup andheron main sarrta rahaa hai aur “Enlightenment” ke daur ne hee isay ‘ilm aur tehzeeb sikhayee hai. sab bakwaas hai. . .sab ka sab bakwaas. . .

Aur yahee maghribi apnee jamhooriyat ka model dunia ke har konay main raaij dekhnaa chahtay hain jo ke naa-mumkin hai. kyun ke harr koi na tou Post Christian Siyaasi falsafa le kar payda hota hai aur na hee nominal eesaayee gora hota hai. . .dunia rang ba rangee aur uss ke siyaasee falsfay bhi. Mera in maghribi jahmhooriyat ka dhandhora peetnay walon se ye sawaal hai ke kya ho agar koi “Servant of the Nation” [PM ya President] ‘elected dictator’ ka kirdaar adaa karnay lagay? Jaisay ke amrika main one man ya one group show ho raha hai? awam kee raaye aur awaam kee hukumat kiss khayt kee moolee huyee?

Islamofascists ki istelah sahih hai. Taliban kya the?

Maujudah daur mein jamhuriyat end in itself hai. Ghayullahi Dictatorship ka benevolent hona mohal-e-aqli hai.

French Revolution ko mawarrad-e-ilzam na thehrao. Ye 1789 mein waqea hui. 1776 mein Amrikyon nay jamhuri taur azadi ka faisla kiya aur Bartani ne unhein maar peet ke baaz rakhnay ki koshish ki. Khud Bartania mein jamhuriyat French Revolution say kahin pehle kisi na kisi shakal mein maujud thi. Aur pichay jao to Roman Republic, Yunan ki city states, jamhuri thin . .

Yaar main keh chukaa hoon ke taareekh ka mujhe qat’an kucch pataa nahin aur phir bhi tum. . .

Waisay Dulla Bhatti ke liye mera mashwara ye hota ke anaa ko jaan ka azaab nahin baanaana chahiye. Aalam panaah ke samnay ta’azeeman nahin jhuko gay to maaray jao ge.

Ye Ahmed Kharral kaun hai? Waisay tum Punjabi sirf Punjabiyon ke hee baatain kyun kartay ho?

Koyi acha sa reason do ache Punjabyon ko yad na karne ke liye

Kelsenee Muwaiyah pann ka Paki version. . .jiss kee bina per Sikandar Mirza aur uss ke Fauji chamchay ne mil kar Pakistan ke sath zinaa bil-jabr kiyaa, kayee saal kartay rahay aur 'mulk ke beton' ne barrh kar in kee gardan na daboochee. . .

Issue kya tha? Dosso kon tha? Muqadma larrne kyun pohanch gya? Judge kon tha jis haramzadgi ki?

Share this post


Link to post
Share on other sites
Eik se asbab o 'allal kahan the? 1958 mein kuch bat thi, 1969 mein kuch aur thi, 1977 mein teesri bat thi, 1999 mein chauthi bat thi . . .

Haq bat to ye hai, keh fauj kaa civil hukumat ko hatana ghaddari hota hai.

Main ne kahaa na. . .eik main motiya aur doosree bhengee. . .kucch nazar nahin aayega.

sab eik sa hai. kucch farq nahin in yaaron main.

Bilkul ghalat. Har insan kaa daakhil, kisi pehle say maujood kharij kaa raheen hai . . .

. . .aur "wo pehlay se maujood kharij" kisi aur dakhil ka marhoon-e-minnat hai.

Buqrat bhai. . .ye daleel iste'maal na karna. logical cycle main phanss jao ge aur is se nikalnay ka koi rasta nahin.

Edited by Jibran Haider
Maryaam likes this

Share this post


Link to post
Share on other sites

(bismillah) (salam)

Ye naqsh e zameen pe kahan paya jata hai bhaee sahab?

Aray. . .Apne aur hamaray buzurgon ke saabqa aaqa’on ko bhool gayeen?

aik sawaal..

yay aik situation hai bataiye kiya karein gay...?

aap sports car mae safar ker rahay hain aur aik sunsaan jageh say guzar hota hai kay achanak toofaani baarish shuru ho jaati hai. :Hijabi: .uss sarakk per aapko 3 loug nazar aatay hain..aik buzurg aurat jiski tabiyat bohat kharaab hai,aur usko hospital le jaana hai.. :( aik aapka dost jisnay aap per bohat ehsanaat kiye hain,aur abb usay chukanay ki aap ki baari hai..teesri aapki future partner hai jiskay saath aapko apni poori life guzarni hai :wub: ..aap ki car mae sirf aik ki jageh hai..laikin chatay hain k sab ki madad ho jaye tou aap kia karein gay... :Hijabi:

wajeh bhi batana... :)

Sawaal kee shroo’aat hee ghalat hai. Sports car main tou main kabhi nahin beth sakta. . .aisee sab cars zeher lagtee hain mujhe. . .

Waisay eik lamhay ko durust bhi maan len to phir Rawsh sisso ne jo scenario create kia hai, wahh kya hee baat hai. . .

Nahin?

:unsure:

ye aap ke deeday kyun yoon ghoom rahe hain. . .bibi?

1.wilayat jaanny ka shoock kyun tha???

Jo quality aur up-to-date ma’aloomaat aur training Dyaar-e-ghayr ke idaaray muhaiyya kartay hain agar wohee apne days main mil jatee tab main tou kabhi welayaat na jaata. Seedhee see baat!

2.cigarete peeny ka jazba kaisy paeda hoa?

Kharboozay ko dekh kar kharboozah rang pakarrta hai. mere saath bhi yahee hua.

3.konsi cigrete pety hain? i mean konsy brand ki?

Lahore main Liberty Chowk walay Tobacco Master kee Dunhill [kya kamaal kee shay bechta hai wo]. Multan aan parra tou choonke aslee Dunhill nahin miltee thee, so Gold Leaf zindah baad. . .ab Welaayat hoon, yahan bhi Dunhill aam nahin hai So Bensen & Hedges.

Waisay main ne buhat kamm kar dee hai. chorr doonga. Eik to yahaan mehengee buhat hai doosra buhat buree cheez hai. shroo’ mat karna kabhi.

4.kabhi doo aur dooo hoty hain chaar .kabhi kissi sey ankhain chaar hoin??

Chaltay chaltay yoon hee koi mil jaata hai tou kisi na kisi rah geer se aankhen chaar ho hee jaatee hain. . .

Nahin?

5.AL_QUDS k bary main kuch bayan kijiye

Zara sawaal clear kar detay to usee ke mutaabiq javaab deta. Kya jaan’na chah rahay ho? Tumhain nahin pata ke Al-Quds kya hai?

6.skool collegee main parhai main kaisy thay

apun ka andaza hai ainwee theey

lol

mazaak ker raha hoo dil per mat lena

Dil per lenay walee kya baat hai yaar. . .

Mere pass shroo’ se tab tak ke qareeban tamaam result cards aur certificates maujood hain. Yad’dast itnee achee nahin so available evidence ke mutabiq Nursery se teesree jama’at tak awwal rahaa. Uss ke baad position gir gayee. Chauthee se saatveen tak pehlay teen numberon main nahin aa saka. Bunyadi wajah walid sahib kee wafaat ke ba’ad zehnee aur ghareloo pareshaani thee. Phir aathveen main class main daum number aur ba’ad main matric tak pehlay teen se kamm nahin rahaa.

Matric aur F.Sc main First division thee, khulay margin se.

Pak main tha tou mazaaqan aur ittefaaqan Private BA ka parchaa, Falsafah, Nasfiyat aur Farsi Optional main B.Z University se diya tha. First division aye A grade ke saath. [Falsafay main B.Z uni main 2004 ke highest markes thay]

Lahore main BCS ke dauraan CGPA kabhi 3.4 se kamm nahin raha.

Mere andar eik to Epicureanism “rajj” kar bharee huyee hai doosra Adrenaline Junky bhi hoon. . .so iss lehaaz se dekhaa jaye to nikamma hee hoon. . .tumree baat ghalat nah hai. . .

7.aap woh kaha kery thay k RASHEED DRINK CORNER Sey chay baree achi milti hai

ab tu nh milti

ab kaahan jaya jaye SABZ chaye k liye??

Rashid Drink Corner se sabz chaiye tou khud main ne bhi kabhi nahin pee bhaiyya. Main ne to aam chaiye aur Kashmiri chaiy ke baray main baat kee thee. In dono chaiyon main R.D.C kamaal hai kabhi try kar lenaa. Sardiyaan aa rahee hain wahan phir raunaq hogee. Kya din wo jab main bhi taqreeban rozana ja kar wahan se chaiy piyaa karta tha. . .

8.yahan per joo pee dar pay makalmay chal rhy hain un k bary main kya raye hai?

Agar mukalmay ko time bound kar dia jaye to accha hai. misaal ke taur per eik mukalma zyada se zyad 2/3 haftay chalay wa bass. Phir khatam. Us ke baad doosra shroo’ karna chahiye. Doosra ye ke eik waqt main do se zyada mukalmay durust ma’aloom nahin hotay aur awwaam concentrate kar ke eik se saheeh tarah baat nahin kar paatee. . .

9.aap ko aik shaer ka kaha tha

chalo koi bhi likh dain

man sarr-e-bazaar raksm

Mujhe she’r ka kab kahaa tha yaara?

Waisay iss misray main tum ne “mee” nikaal kar issay seegha-e-maazi banaa diya hai jiss se misray kee jamaaliyat buree tarah muta’ssir ho rahee hai.

“Sar-e-baazaar mee raqsam” kaho

Kiss zabaan ka she’r sun’na chaho ge?

Tabarrakann ye angrezi kee eik nazm ka tukrra suno:

Even yet thou art to me

No bird, but an invisible thing,

A voice, a mystery;

I listened to; that Cry

Which made me look a thousand ways

In bush, and tree, and sky.

To seek thee did I often rove

Through woods and on the green;

And thou wert still a hope, a love;

Still longed for, never seen.

Maryaam likes this

Share this post


Link to post
Share on other sites
Sanjida suwaal kiya thaa sanjida jawaab ki tawaqqua per. Jugat mein khud bohat achi jarr layta hun?

Aakhir ko Lahore se ta’aluq saabit ho gayaa. :P

Mein ye jaan na chah raha hun keh hitler jaise razeel aur kameenay shakhs ke liye qasida kehna rawa tha kya? Angrez kitna bhi kutta raha ho, Hitler uss se barhrh ke kutta tha, ye to maano ge ya nahin?

Bhai saheb ye bataiye ke Hitler ne Punjabion ka kya bigaarra tha?

Gujranwala say zara paray eik qasba hai jahan angrezon aur Sikhon eik m'arke ki jang huee thi jo Sikh raj ke khatme ka baes bani.

Iss jang mein Sikh afwaj iss bejigri aur daleri say larrein, keh fatha kay b'ad angrez commander nay unn ke liye eik memorial tamir karwaya jo aaj bhi maujud hai

Main ne aakhree jang kee taraf ishaara kia tha. Aap ghaliban pehlee kee baat kar rahe hain.

Rewayat hai keh ye Meer Mannoon Jaan is qadr wajih tha keh naqab daal ke baahar nikalta tha, wallahu 'Aalam; jarnail kamal ka thaa

Subanallah! Meer saheb ko fauj ke laundon se khatra tha ya phir mutyaaron se? :unsure:

Islamofascists ki istelah sahih hai. Taliban kya the?

Main ne kahaa na. . .har koi iss term ko apne mukhalifeen ke liye iste’maal karta hai. kisi ko Fascist kehna ab credible nahin hai. Jo Fascist thay, guzar chukay.

Maujudah daur mein jamhuriyat end in itself hai.

Yoon kahiye ke maujoodah daur main jamhooriyat ko end in itself samjhaa jaata hai.

Ghayullahi Dictatorship ka benevolent hona mohal-e-aqli hai.

Insaani taareekh main wo kaunsa lamhaa tha jab aisee hukumaten “mahaal-e-aql” ban gayeen theen?

Mahaal-e-aql tou “awwamee hukumaton” ka wo amreekee model hai jis ka har soo parchaar kia jaata hai. aisee awaamee hukumaton ke andar bhi ya tou one man show hota hai, ya one group show.

Jamhooriyat tab tak be-kaar hai jab tak apne maqaasid main kamyab nahin hotee. Aur jin maqaasid ko maujoodah jamhooriyat hasil karna chahtee hai, wohee kisi doosree tarz kee hukumat main bhi hasil ho jayen to koi mazahiqa nahin hai.

French Revolution ko mawarrad-e-ilzam na thehrao. Ye 1789 mein waqea hui. 1776 mein Amrikyon nay jamhuri taur azadi ka faisla kiya aur Bartani ne unhein maar peet ke baaz rakhnay ki koshish ki. Khud Bartania mein jamhuriyat French Revolution say kahin pehle kisi na kisi shakal mein maujud thi. Aur pichay jao to Roman Republic, Yunan ki city states, jamhuri thin . .

Tawaareekh yaad rakhnay main acchay ho. Daad deta hoon.

Agreed. . .

Mazeed ye bhi ke jamhooriyat koi maujoodah daur ka kaarnaama nahin hai. sadiyon se iss ke jaraaseem insaanon main paaye jatay hain. farq ye hai ke issay relative kamyabi ab jaa kar milee hai.

Koyi acha sa reason do ache Punjabyon ko yad na karne ke liye.

Koi reason nahin hai. jee bhar ke yaad karo. Magar doosron ko bhi mat bhoolo.

Issue kya tha? Dosso kon tha? Muqadma larrne kyun pohanch gya? Judge kon tha jis haramzadgi ki?

Meri nazar main Dosso case jo tha, likh kar hazir kar diya. Thorray ko zyaada jano bhaiyya.

Waisay agar taareekh ka parchaa hee banaa rahay thay to ooper number bhi likh diye hotay. :dry:

Maryaam likes this

Share this post


Link to post
Share on other sites
Bhai saheb ye bataiye ke Hitler ne Punjabion ka kya bigaarra tha?

Agar aisa laazim thehraa diyaa jaaye keh koyee kisee kaa kuchch bigaarray hee, tabb usay bura kahaa jaa sakktaa hai, tou yeh ISO waalay jo "Marg bar Isreil" "Marg bar Amrika" kay n'aaray lagaatay rehtay hain, kyuon lagaatay hain? Israil nay inn kee "khotee tou naheen churaaee"?

Yoon kahiye ke maujoodah daur main jamhooriyat ko end in itself samjhaa jaata hai.

Zahoor-e-Imam takk, endin itself hai . . .

Insaani taareekh main wo kaunsa lamhaa tha jab aisee hukumaten “mahaal-e-aql” ban gayeen theen?

Woh yeh keh rahaa hai keh benevolent dictatorship mohaal-e-'aqli hai. Bann nay kee baat naheen karr rahaa

Misaal kay taur peh, Allah kaa mayree yaa tumhaari samajh mein aa jaana mohaal-e-'aqli hai

Note karna mayn nay samajh mein aa jana kahaa hai

Mahaal-e-aql tou “awwamee hukumaton” ka wo amreekee model hai jis ka har soo parchaar kia jaata hai. aisee awaamee hukumaton ke andar bhi ya tou one man show hota hai, ya one group show.

Jamhooriyat tab tak be-kaar hai jab tak apne maqaasid main kamyab nahin hotee. Aur jin maqaasid ko maujoodah jamhooriyat hasil karna chahtee hai, wohee kisi doosree tarz kee hukumat main bhi hasil ho jayen to koi mazahiqa nahin hai.

Mazeed ye bhi ke jamhooriyat koi maujoodah daur ka kaarnaama nahin hai. sadiyon se iss ke jaraaseem insaanon main paaye jatay hain. farq ye hai ke issay relative kamyabi ab jaa kar milee hai.

Amriki model, Bartaanvee model, waghiareh kay chakkar mein matt parro . . . iss chakkar mein parro keh "assabiyah" y'aani vested interest groups kay maabayn behtreen tareeqay say tawazann o tawwafaq kaise qaem kiya jaa sakktaa hai . . .

Saanwal day wall awn teek charrakhrra tay kattnaa ayn naa . . .

Share this post


Link to post
Share on other sites
[Agar aisa laazim thehraa diyaa jaaye keh koyee kisee kaa kuchch bigaarray hee, tabb usay bura kahaa jaa sakktaa hai, tou yeh ISO waalay jo "Marg bar Isreil" "Marg bar Amrika" kay n'aaray lagaatay rehtay hain, kyuon lagaatay hain? Israil nay inn kee "khotee tou naheen churaaee"?

Kisi ke accha kehnay se accha, bura aur bura, achaa nahin ho jaata.

Hai na?

Zahoor-e-Imam takk, endin itself hai . . .

G haan agar saabit kar diya jaye ke zahoor-e-Imam taareekh main kal parson honay waala hai.

Zimnan ye ke insaan aur insaani mu’ashra maujoodah daur ke dynamics se revert ho kar maazi main nahin ja sakta. Insaani taareekh ka har guzarta lamha eik tarah se irtaqaa’ee hai. aur jamhooriyat, jo ke aaj ke daur main bila shubah desirable hai, maujoodah daur ke dynamics ko define kartee hai. kya ye dynamics mustaqbil bayeed main bhi rahen ge, iss kee qat'ann koi gurantee nahin hai.

Woh yeh keh rahaa hai keh benevolent dictatorship mohaal-e-'aqli hai. Bann nay kee baat naheen karr rahaa

Misaal kay taur peh, Allah kaa mayree yaa tumhaari samajh mein aa jaana mohaal-e-'aqli hai

Note karna mayn nay samajh mein aa jana kahaa hai

Point Noted.

. . .tou phir saabit kiya jaye ke remote antiquity se aaj kee taareekh [ya French Revulsion] tak kabhi koi dictatorship benevolent nahin guzree.

Amriki model, Bartaanvee model, waghiareh kay chakkar mein matt parro . . . iss chakkar mein parro keh "assabiyah" y'aani vested interest groups kay maabayn behtreen tareeqay say tawazann o tawwafaq kaise qaem kiya jaa sakktaa hai . . .

Saanwal day wall awn teek charrakhrra tay kattnaa ayn naa . . .

Parr gaye iss chakkar main. . .aur hukm ho. . .

Share this post


Link to post
Share on other sites

Khyaalaat & Nazaryaat kee khoj Part 2

1. Thaqeefeh Bani S'aadeh Islam peh shabb khoon thaa yaa ijtehad o ijma'a ka pehla muzahireh?

2. Sarkaar-e-Risalat yaa Janab-e-Amir kay daur kaa koyi aisa waqeaa bataa sakktay hou, m'ae mustanad hawaleh jahan kisee zaania kou sangsaar kiya gyaa ho?

3. Qat'e yadd kaa pehlaa waqeaa kabb huwa? Mujrim kaun thaa? Hadd kis nay jaaree kee thee? Jurm kee nauiyyat kyaa thee?

4. Mann arafa'a nafsahu, arafa'a Rabbahu? Kis kaa qaul hai yeh? Iss kee roo say kyaa Rabb kay mukhtalif al nau tassawarraat naheen wajood payein gay?

5. Mujhay koyee naheen jaantaa siwai Allah aur Ali kay, Ali kou koyee naheen jaanta siwai Allah kay aur mayray, Allah kou koyee naheen jaanta siwai mayray aur Ali kay. . .?

Tumhaaray liye raasteh yehee reh gyaa naa, keh jis kay aagay Rasool aur Ali jhukay tumm bhee jhuk jaao?

6. Pehlaa mojtehed kaun thaa aur kis zamaneh mein huwa?

7.

ÇáÑøóÍúãóäõ ٭ Úóáøóãó ÇáúÞõÑúÂäó ٭ ÎóáóÞó ÇáúÅöäÓóÇäó ٭ Úóáøóãóåõ ÇáúÈóíóÇäó

Bohat jaani pehchaani aayaat hain . . . "Barra meherbaan hai woh, usee nay Quran kee t'aalem dee, usee nay insaan kou khalq kiya, usee nay usay bayaan sikhaaya" tarteeb bohat anokhee hai, tashreeh karo . . .

8. Quran baar baar taffakar fil deen aur taddabar fil quran kee talqeen kartaa hai . . . mullah kehtaa hai tumm isay samajh he naheen sakktay, yeh mayraa exclusive theykaa hai . . . yeh kyaa hai?

Share this post


Link to post
Share on other sites

Agar aisa laazim thehraa diyaa jaaye keh koyee kisee kaa kuchch bigaarray hee, tabb usay bura kahaa jaa sakktaa hai, tou yeh ISO waalay jo "Marg bar Isreil" "Marg bar Amrika" kay n'aaray lagaatay rehtay hain, kyuon lagaatay hain? Israil nay inn kee "khotee tou naheen churaaee"?

Kisi ke accha kehnay se accha, bura aur bura, achaa nahin ho jaata.

Hai na?

^

Mayray sawaal kaa jawaab kahaan hai iss mein?

Zahoor-e-Imam takk, endin itself hai . . .

G haan agar saabit kar diya jaye ke zahoor-e-Imam taareekh main kal parson honay waala hai.

Zimnan ye ke insaan aur insaani mu’ashra maujoodah daur ke dynamics se revert ho kar maazi main nahin ja sakta. Insaani taareekh ka har guzarta lamha eik tarah se irtaqaa’ee hai. aur jamhooriyat, jo ke aaj ke daur main bila shubah desirable hai, maujoodah daur ke dynamics ko define kartee hai. kya ye dynamics mustaqbil bayeed main bhi rahen ge, iss kee qat'ann koi gurantee nahin hai.

Yeh saabit karrnay kee zururat hee naheen. Khalq-e-Khoda kou aamiroun say bachaanay kay liye jamhuriayat naa guzeer hai, isee liye isay end in itself kahaa gyaa. Jamhuriyat b'taur eik imraani nizam kay itnee lachakdaar hai, keh muaashreh kee badaltee huee zururyaat kay saath irteqaa karrtee chalee jaatee hai . . . iss kee tareekh peh agar nazar kee jaaey tou yeh amr azhar min al shams hai

Woh yeh keh rahaa hai keh benevolent dictatorship mohaal-e-'aqli hai. Bann nay kee baat naheen karr rahaa

Misaal kay taur peh, Allah kaa mayree yaa tumhaari samajh mein aa jaana mohaal-e-'aqli hai

Note karna mayn nay samajh mein aa jana kahaa hai

Point Noted.

. . .tou phir saabit kiya jaye ke remote antiquity se aaj kee taareekh [ya French Revulsion] tak kabhi koi dictatorship benevolent nahin guzree.

Taareekh uththaa kay daikho. Jahaan ho, wahaan Toynbee, Gibbon, Carlyle, Wells waghaireh takk rasaaee mushkil naa honee chaahiye

Insaan kee aamriyyat b'deehee taur peh faasid hai

Amriki model, Bartaanvee model, waghiareh kay chakkar mein matt parro . . . iss chakkar mein parro keh "assabiyah" y'aani vested interest groups kay maabayn behtreen tareeqay say tawazann o tawwafaq kaise qaem kiya jaa sakktaa hai . . .

Saanwal day wall awn teek charrakhrra tay kattnaa ayn naa . . .

Parr gaye iss chakkar main. . .aur hukm ho. . .

Jewndaa rhou, einweyn s'aadatmand rehyaa tay rajj tarraqqee karein gaa

Share this post


Link to post
Share on other sites
Kisi ke accha kehnay se accha, bura aur bura, achaa nahin ho jaata.

Hai na

wah jee wah

kya sunnioy wali baat kee hai

aaj sey tabarra khtm ker dena chahiye hana?

aap sey mera aakhir sawal

aap nay iss mukalmay main beghair kissi chun churaa k hissa lena shuroo ker dia

jab miany interview ka kaaha

tab kya hoa tha>???

Share this post


Link to post
Share on other sites

Jibbi tumm bhee bohat dinoun say mafqood ul habar. . . ziyada masroof?? Koyee khayr khaiyrriyyat kee ittel'aa . . .

Share this post


Link to post
Share on other sites

Jibbi tumm bhee bohat dinoun say mafqood ul khabar. . . ziyada masroof?? Koyee khayr khaiyrriyyat kee ittel'aa . . .

mafqood ul habar kya hote hein?

mafqood-ul-khabar = jis kee koyee khabar naa mil rahee ho [mafqood = ghaeb, na honaa]

Jibbi tumm thee tou ho naa . . .

Edited by Rawshni

Share this post


Link to post
Share on other sites

^

Yaad aavari ka buhat shukriye sis.

abhi chand minton ke liye aaya hoon, Aasee kee beemaree kee khabr per aur iss thread main one liner likh kar chalta hoon, baqee tafseel aur doosree baatain baad main.

3/4 din beemaari ne maar rakha tha. baaz az een kaam kaaj, parrhayee aur internet se unavailability. . .nateejah: SC se dooree!

waisay logoun ko ab ye shak hona shroo' ho jaye ga Aasee aur Jibran eik hee banday ke dou nick hain. aur socho agar Aasee bhi aaj kal main aa kar apne raag alaapnay lag jaye to accha khaasa case ban sakta hai. nahin?

Khuda hafiz

aap apnee kahiye sab fit na?

Adaa

Jibran

Maryaam likes this

Share this post


Link to post
Share on other sites
^

Yaad aavari ka buhat shukriye sis.

abhi chand minton ke liye aaya hoon, Aasee kee beemaree kee khabr per aur iss thread main one liner likh kar chalta hoon, baqee tafseel aur doosree baatain baad main.

3/4 din beemaari ne maar rakha tha. baaz az een kaam kaaj, parrhayee aur internet se unavailability. . .nateejah: SC se dooree!

waisay logoun ko ab ye shak hona shroo' ho jaye ga Aasee aur Jibran eik hee banday ke dou nick hain. aur socho agar Aasee bhi aaj kal main aa kar apne raag alaapnay lag jaye to accha khaasa case ban sakta hai. nahin?

Khuda hafiz

aap apnee kahiye sab fit na?

Adaa

Jibran

(salam)

Bismillah, sattay khayraan

Hunn tay tabiyat theek hai naa bilkul?

Mayn bhee yehee sochch rahee thee keh loug Jibran Haider aur Aasee kou eik samajhtay hain tou abb tou pakka ho jaaye gaa shubeh.

Loug tou hair mujhay bhee Aasee samjhaty hain . . . aur eik Bombayya behen hai, woh tou uss banady Rawshni samjhtee hai jis kee angrezee achchee hai . . .

Allah hidayat day

Apna khyaal rakhnaa JIbbi . . .

Adee

Share this post


Link to post
Share on other sites

bhai yeh bemaari shimaari dorr bhagain yeh kya jab mayn zara furst say idher aai to u aap loug beemaar par gaye

kitni khushi ki baat hayn na k agar aap beemar par jaayen aur loug aap ki kami mehsoos karain dua karain.

tc bro

Share this post


Link to post
Share on other sites

^

Ay ajj kall haar dou dehaarray b'aad tubbee laa jawndaa ay, lammee . . .

Edited by Rawshni

Share this post


Link to post
Share on other sites

Oye, parhrhay likhkhay n'alayq aadmee, kidhar ho? Raseed bhaijo apnee . . .

Share this post


Link to post
Share on other sites

Mausoof Bohot din sey nazar nahee aarahey hain kahan ho bhaee...

ÀÇä Àÿ ãíÑی äÀ ˜æÆی ãíÑی ÔäÇÎÊ

æÞÊ ã̪ Óÿ ãíÑÿ Àæäÿ ˜ی äÔÇäی ãÇäÿ

Share this post


Link to post
Share on other sites

^

Pata naheen kahaan ghaeb hai

Ghaeb tumm bhee thay

Share this post


Link to post
Share on other sites
waisay logoun ko ab ye shak hona shroo' ho jaye ga Aasee aur Jibran eik hee banday ke dou nick hain. aur socho agar Aasee bhi aaj kal main aa kar apne raag alaapnay lag jaye to accha khaasa case ban sakta hai. nahin?

lol :D

Ghalib bura naa maan jo waa'az bura kahay

Aisa bhi koi hay keh sab acha kahain jisay ?

(salam)

Share this post


Link to post
Share on other sites

^

Sheyr bohat achcha laaye ho. Maasha Allah

Share this post


Link to post
Share on other sites

^

Allah khayr rakhkhay saee . . . bohat din ho gaye nay koee khabar naeen

Share this post


Link to post
Share on other sites

Create an account or sign in to comment

You need to be a member in order to leave a comment

Create an account

Sign up for a new account in our community. It's easy!


Register a new account

Sign in

Already have an account? Sign in here.


Sign In Now
Sign in to follow this  
Followers 0

  • Recently Browsing   0 members

    No registered users viewing this page.