3 replies to this topic

[bitto]

   Jo sher likha jae wo tanveer e khabar ho
       Taiseef e Hasan aaj  ba andaze digar ho

   har bait balagat main pur az lalo gohar ho
   ho misra e simi to koi misra e zar ho

   har band ho khole hue mashriq ke dariche
   har gosha e majmu(n) ke jharoke main sahar ho

   har lafz me ho bada e irfan ka talatum
   har fiqra gulistan e aqidat ka shajar ho

   hai midhat e sardar e jina(n) ka ye taqaza
   har sher dar o bast me firdaus e nazar ho

   ae aarif e maddah bas ab madah pe aajaa
   achcha nahi lagta ke bahot arz e hunar ho

yom e wiladat Imam Hasan (a.s) bahot bahot mubarak ho
YA ALI

Edited by bitto, 04 August 2012 - 12:34 AM.

[bitto]

Jis shab ko ayan noor e Hasan misle qamar ho
Jaez hay kay us raat pe itlaqe sahar ho

Us sulho se kyun kar na jafa zer o zabar ho
Jo sulho na ho jang e baradar ki sipar ho

  hai surah e dahr iski sanad ke liye kafi
  ban jae sulaiman jo tera dast nigar ho

  jo ho tera shaidae woh selab e khata se
  yun bach ke nikal aaye ke daman bhi na tar ho

---raza aarif sahab

Edited by bitto, 04 August 2012 - 01:40 AM.

[bitto]

Shabbar naam main misle Shabbir hue
sulah karke bhi sahib e shamsheer hue


har fakir o gareeb ke wo dastageer hue
mulk e khas o aam ke wo ameer hue


karke chirag e sulah roshan benazir hue
balaghat ke nahaj ko chukar wo nazeer hue


dushman ko bhi adab sikha kar adab ke ghadeer hue
kausar o tasneem o aab e jannat ke wo wazeer hue


---bitto

[JAWADISHIA]

ASSALAMO ALAIKUM AND EID MUBARIK TO ALL! Dil khush kr dia Bitto ap ne. Mola jaza dain.                                                                                                                                
                          ABHI CHARAGHON KA SILSILA TO JANAB E MEHDI (AJF) TALAK CHLAI GA                           ABHI TO SYEDA (SA) K GHAR MAI ROSHAN HUA HE PEHLA DIYA HASSAN KA.