22 replies to this topic

[sharib]

Salaam  by S I M Rizvi Sharib

Khoon-e dil  ankhon   se  tapkane ko jee chahta hai
Ghame  Shabbir   mein   lut   jaane   ko  jee  chahta  hai

Tapt-e maqtal  mein  jhulaste   huae pyason   ki  qasam
Shiddat-e pyaas se mar jaaneko  jee   chahta  hai.


Wadi-ye Karbobala  humko  Jena se hai  azeez
Chorkar isko   kahan  jaane  ko  jee  chahta  hai  

Hur  se   khaati  ka  muqaddar  jo  bana  dete  hon,
Aise   Maula ka  Karam  pane   ko  jee  chahta  hai


Madhe  maula mein  Nusayri to nahin ban sakta
Haan magar hud se guzar jane ko  jee chahta hai


Karbala husn-e  aqueedat  ka hai  sagar Sharib
Bar bar  jismein  utar   jaane  ko  jee   chahta hai

wassalam

[No body]

"Madhe maula mein Nusayri to nahin ban sakta
Haan magar hud se guzar jane ko jee chahta hai"

Tu mane ya na mane dildara
asan te tenu rab maniya
das hor kera rab da dwara
asan te tenu rab maniya

[talib e ilm]

"Madhe maula mein Nusayri to nahin ban sakta
Haan magar hud se guzar jane ko jee chahta hai"

This sort of shairi should be banned, our Ulamas must take action against such things, Islam may g nahi chalta k jo je may aye karain, q k Pakistan may kisi qisam ka qanoon nahi hai, lihaza Islam b apni marzi se ghoma phira laytay hain, yahi shairi hai jis ki waja se Shiat per yay ilzamat lagtay hain k yay apni hadain bhool jatay hain, agar muhabbat may hud se guzarna hai tou in ki raah may qurbania paish karnay ka wakt hai.. hum nay ab tuk sirf talian he bajai hai, hum sirf tamasha gar qoum banay bathay hain

Aimma a.s ko muhib nahi chahyay Aimma ko Nasir Chahyay, Shia yanay zimaydar, shia or Muhib may farq he yahi hai, aik zimaydar shaks ko apnay qalam may in cheezo ka kahayl rakhna chahyay..

teri barbadi k mansobay hain aasmano mein
Iqbal

Edited by talib e ilm, 09 July 2012 - 12:30 AM.

[No body]

^ taliban??

[ילדת מלך]

No body, on 09 July 2012 - 06:23 AM, said:

^ taliban??

[Marbles]

talib e ilm, on 09 July 2012 - 12:26 AM, said:

"Madhe maula mein Nusayri to nahin ban sakta
Haan magar hud se guzar jane ko jee chahta hai"

This sort of shairi should be banned, our Ulamas must take action against such things, Islam may g nahi chalta k jo je may aye karain, q k Pakistan may kisi qisam ka qanoon nahi hai, lihaza Islam b apni marzi se ghoma phira laytay hain, yahi shairi hai jis ki waja se Shiat per yay ilzamat lagtay hain k yay apni hadain bhool jatay hain, agar muhabbat may hud se guzarna hai tou in ki raah may qurbania paish karnay ka wakt hai.. hum nay ab tuk sirf talian he bajai hai, hum sirf tamasha gar qoum banay bathay hain

Aimma a.s ko muhib nahi chahyay Aimma ko Nasir Chahyay, Shia yanay zimaydar, shia or Muhib may farq he yahi hai, aik zimaydar shaks ko apnay qalam may in cheezo ka kahayl rakhna chahyay..

teri barbadi k mansobay hain aasmano mein
Iqbal

Tareekh main hamesha mulwano ne shayeron per qadghan laganay ki koshish ki hai. Ye koi nai baat nahin. Islam jo kehta hai ya jo nahin kehta, in baton ko mazhabi mubaahis ke liye mehfooz rakhen. Shayeri, shayeri hoti hai. Isay shayeri hi rehne den.

Iqbal hee ke do ashaar ke saath:

Sharhe muhabbat main hai, ishrat-e-manzil haraam
Shorash-e-toofaan halaal, lazzat-e-saahil haraam

Ishq pe bijli halaal, ishq pe haasil haraam
Ilm hai ibnul kitaab, ishq hai ummul kitaab

[talib e ilm]

shairi ki hudood honi chahyay.. baaz okaat yay shai'r hazraat apni hadain bhool jatay hain,
yay Imam ALI per aik buhat bara jafa hoga agar hum Imam Ali ko mabood ya Khuda k umoor may shareek karain, yay cheezain bar'ha shairi may nazar atee rehti hain..may faqat is shair ki mukhalifat nahi kar raha jo upper kisi dost nay likha hai

Humaray shairo'n k sath aik buhat bara masla yahi hai k jis ki maddah k liay inhay koi alfaaz ya tamseel nahi milti tou foran us ki maddah karnay k liay Khuda k sath compare karna shoro kar deytay hain may is Ahmakana fail k khilaaf ho, yay shair ki jihalat hai kamaal nahi..
Maddah e Ahleybait or cheez hai, Khuda ki sifaat k sath inhay shareek karna yay or baat hai

yay sha'ir hazraat sirf adub se ashna hotay hain, lakin Aqul kahti hai k deen k mamlay may shairi usay karni chahyay jo thora buhat deen b para hua ho.. hum hur cheez rairi se khareednay k adee hain, khana b rari se khatay hain, or deen b rarion se laytay hain..

or jaha tak bat hai ishq ki tou Ishq k kutch apnay takazay hotay hain, Hum India or Pakistan k Ashiq zara niralay hain, Mashooq se ishq k takazay b nahi pochtay hain magar hum se bara koi ashiq b nahi..

Imam k naam per daigain kartay hain ( may is k khilaaf nahi ho) magar Imam se nahi pochtay Imam Ap apnay Shia se kab khush hotay hain ?

[sharib]

Salam ,

First of all I thank you all for giving your valuable opinions. However, I have picked the two posts which have pointing  questions and its reply.

I respect the underlying  concern of talib-e ilm. However,he has not fully appreciated the Sher that is why he wrote like that.

The first line of the sher

"Madhe/ Ishqu-e maula mein Nusayri to nahin bun sakta"

itself checks the factor of " Ghulu"  wrongly attributed to Shias. That means the first line itself stops  Hz. Ali being elevated to the level of Khuda during his praise.

The OTHER LINE  then gives you scope to praise Maula Ali beyond all imaginations of a human being as an individual. It is a fact that all the attributes of Hz. Ali  can not be thought of  by a single human brain in particular and all human brains put together in general.

This is evident from the hadith of Paighambar(saw) to the effect  that  Ali is either fully known by Allah or by Me.

Aur jaisa j Marble ne likha hai Ishq mein Hadein nahin dekhi jaateen aur her aashiq hud se guzar jana chata hai.....han bus hade Abdo-Mabood peshe zehn ho to koee muzaiqa nahin hai

Marble k over a;ll message se be ittefaq rakhne ko jee chahta hai.

wassalam

Added later
.

The latest reply of Talibe ilm came while I was writing,so could not see that reply before posting, however I agree with him some Shuara do highlight the WRONG CONCEPT OF NUSAIYRI`S in an affirmative manner which has not been done in this sher,In fact that concept has been played down in first misra.

wassalam

Edited by sharib, 10 July 2012 - 07:54 AM.

[Marbles]

talib e ilm, on 10 July 2012 - 07:29 AM, said:

shairi ki hudood honi chahyay.. baaz okaat yay shai'r hazraat apni hadain bhool jatay hain,

Shayeri ki hudood kaun mutaayyun kare ga? Maulvi? Nahi huzoor shukriya. Agar aisa hua to shayeri tabah-o-barbaad ho jaye gi.

Agar maulvi ke haath main faisla de diya jata to na koi Rumi hota aur na hee Iqbal.

[No body]

had had jaye har koi , anhad jaye na koe
had anhad ke beech mein rehat kabira soe

[Marbles]

Waaiz saboot laye jo may ke javaaz main
Iqbal ko ye zid hai ke peena bhi chor de

[talib e ilm]

Marbles, on 10 July 2012 - 08:37 AM, said:

Shayeri ki hudood kaun mutaayyun kare ga? Maulvi? Nahi huzoor shukriya. Agar aisa hua to shayeri tabah-o-barbaad ho jaye gi.

Agar maulvi ke haath main faisla de diya jata to na koi Rumi hota aur na hee Iqbal.

Hadain kon mutayyan karay? masla mushkil hai lakin khud awam ko pata hona chahyay k wo kis ki shairi sun rahay hain, or inhay is baat ka sha'or hona chahyay k inhay kon sa product mil raha hai, sha'ir khud kitna aqul o shaor rakhta hai khud kitna para hua hai? awaam ka sha'or itna aali hona chahyay k 2 number product ko foran alag kar dain...

baaz okaat hum aik aisay phiray huay shaks ko Arif or Malang kahtay hain jisay apna hosh b nahi hota or jis nay 2 mahenay se miswaaq nahi kia hota or hajamat b nahi karwai.... or sath yay b kah deytay hain k Mola atay rahtay hain in k pas...

hum mareez hotay hain tou apnay liay bahtareen doctor dhoondtay hain (hakeem sahab k pas nahi jatay), wo chahay jitne fees mangay deytay hain, wo chahyay opertaion k liay jitne aziatain dein bardasht kar laytay hain ( or aqul ka taqaza b yahi hai ), magar afsoos Deen k mamlay may chund manqabat ki casettes se apnay aqeeday tameer kartay hain, na qalam k likhnay walay k character se sarokar na qalam ki authencity se sarokar, na in k ash'aar ki kisi se tazdeeq, ( hum is mareez ki tarah hain jo raah chaltay huay hakeem sahab k nuskhay apna laytay hain )

Masoom a.s farmatay hain
Khabradar apna Deen kabhi bhi is shaks se mut layna jo Dunia parast ho, wo tum se tumhara deen la layga or tumhay dunia parast bana deyga..

apnay Aqaid sha'ir se nahi pochnay chahyay, sha'ir sha'ir hai, us k zehni takhulaat usay jis wadi may lay jatay hain wo usi khayal k shair paish kr raha hota hai,

Deen ko samjhnay k liay Philosper or ulama ki zarorat hai, Shaheed Mutahri or Imam Khomeini ki zarooarat ha, Iqbal ki zaroorat hai, Iqbal takhayullati shair nahi hai, in k shair Haqeqat per mabni hotay hain, Iqbal jab kisi ki maddah kartay hain tou usay Khuda jaisa bana kar paish nahi kartay bulkay us ki haqeqat ashkaar kartay hain, isi Nazm e Imamat ko dekh lain...

Tu nay pochi hai Imamat ki haqeqat mujh se
Huq tujhay meri tarah sahib e Asraar karay

Hai wohi teray zamanay ka Imam e Barhaq
jo tujhay Hazir o Mojood se bayzaar karay

Maut k ainay may dekha kar tujhay Rukh e Dost
Zindage teray liay or b Dushwar karay

Dey k Ahsaas e Zeyaa'n tera lahu garma dey
Faqr ki saan charha kar tujhay talwar karay

Ap is nazam ko Quran or Nehjul Balagah per parakh kar daikh lain koi galti or ishtibah nazar nahi aye ga..  Ab agar kisi ko yay anazm samjh na aye tou Iqbal ko b Taliban na kah deyna khudara,

or hum jo ishq ka dawa kartay hain hum imamat ko kaisay paish kartay hain, Imam ap humay buhat achay lagtay hain, q k ap qabar may aingay hum jab gunah or masiat may phas jae gae tou ap akar mujrim azaad karain gae, Imam hum ap k sath jannat may rahain gae, ap humay dunia may roozgaar dilwa daytay hain, ap buhat achay Aimma hain

Imam Ali a.s Nehjul balagah may yahi shikwa kartay hain, k may tumhay Khuda k liay chahta ho or tum mujhay apnay zaati faido k liay chahtay ho, lakin may zalim ko is k anjaam tuk zaroor pohchao ga

meri hasrut or mera rona yahi hai q Imam se nahi pochtay Imam ap ko kia pasand hai, Ya Imam ap se hum nay apni sari Demands pori karwa lien ap b batain ?

Abhi 15 Shaban guzri hai Areezay may b Imam se apni choti or haqeer Hajaat paish kartay hain America ki visa k liay areeza likhtay hain, magar Ashiq kabhi Mashooq se kutch mangta nahi hai, Malik e Ashtar Imam se kutch mangtay nahi thay, Imam k hukum k muntazir rahtay thay, dosto q Areezay may yay nahi pochtay Imam Ap akhir q nahi atay ? kia meri tayyari may koi kami rah gae hai, Imam mujhay hidayat dain k ap se mulaqat ki hasrat jald pori hojae... Aye Imam ap ki gaibat may itnay saray dushman hain huamray humay hidayat q nahi milti kiun humaray kaan tuk hidayat nahi pohachti ...

Ishq k dard mand ka tarz e qalam or hai
(Iqbal)

Edited by talib e ilm, 11 July 2012 - 03:44 AM.

[MOHIB E AHLAYBAIT]

Meri saray criticism ka jawab in ashaar mei donga...bus..

Allah ka, Allah kay bando ka, nabi ka...
Eik zaat -e- Ali hai jo sahara hai sabhi ka...

Jo chah-e- mujhay kehlay zamana nai prwah...
Takhleeq kissi ki hoon mei banda hoon kissi ka...

Mei banda-e-Haider hoon Nusairi na samjhna...
Rakhta hoon khayal upay mei aqa ki khooshi ka...

[talib e ilm]

MOHIB E AHLAYBAIT, on 10 August 2012 - 01:34 PM, said:

Meri saray criticism ka jawab in ashaar mei donga...bus..

Allah ka, Allah kay bando ka, nabi ka...
Eik zaat -e- Ali hai jo sahara hai sabhi ka...

Jo chah-e- mujhay kehlay zamana nai prwah...
Takhleeq kissi ki hoon mei banda hoon kissi ka...

Mei banda-e-Haider hoon Nusairi na samjhna...
Rakhta hoon khayal upay mei aqa ki khooshi ka...

shaid ap nay uper wali post ko parha he nahi.. guzarish hai k parh lain.. yay wohi muhmal shairi hai jo Awam ko dhoka deynay k liay ki jate hai

[Mutah_King]

talib e ilm, on 09 July 2012 - 12:26 AM, said:

"Madhe maula mein Nusayri to nahin ban sakta
Haan magar hud se guzar jane ko jee chahta hai"

This sort of shairi should be banned, our Ulamas must take action against such things, Islam may g nahi chalta k jo je may aye karain, q k Pakistan may kisi qisam ka qanoon nahi hai, lihaza Islam b apni marzi se ghoma phira laytay hain, yahi shairi hai jis ki waja se Shiat per yay ilzamat lagtay hain k yay apni hadain bhool jatay hain, agar muhabbat may hud se guzarna hai tou in ki raah may qurbania paish karnay ka wakt hai.. hum nay ab tuk sirf talian he bajai hai, hum sirf tamasha gar qoum banay bathay hain

Aimma a.s ko muhib nahi chahyay Aimma ko Nasir Chahyay, Shia yanay zimaydar, shia or Muhib may farq he yahi hai, aik zimaydar shaks ko apnay qalam may in cheezo ka kahayl rakhna chahyay..

teri barbadi k mansobay hain aasmano mein
Iqbal

Wah, wah! kya irshaad farmaya hai, SubhanAllah, kya kehna hai! Lutf andoz hogai hum.

[talib e ilm]

^^i judge ap ki display pic or signature aik baray fitnay ka pata deyti hai...

Edited by talib e ilm, 03 September 2012 - 04:07 AM.

[Hot hot]

Aur aapki harkate ek talibani jaisi lagti hai Ab Tumhara aqeeda itna mazboot Nahi to isme hmari kya galti hai

Mere maula Mein likhu Teri fazilat kaise

Bada mushkil Teri midhat ka safar lagta hai
Log keh de Na nusairi Yahi dar lagta hai

[talib e ilm]

^^ Bradar Maslan meri kon c bat ap ko extremism wali dekhai deyti hai jo is laqab se nawaz rahay ho.. agar ap us bat ki taraf nishan dahi karain tou meri islah ho jae ge..!

Shukria !

jo shair ap nay uper likha hai us may exact wohe cheez nazar arahi hai jo post # 12 may mein bata chuka ho..

[Ali Hayder]

Kahaan maiKhaane ka daravaazaa 'Ghalib' aur kahaan vaaiz
par itanaa jaanate hain kal vo jaataa thaa ke ham nikale

laga dijiye kufr ke fatwey, hamara to is she'r se hi ittifaq hai

Edited by Ali Hayder, 06 September 2012 - 11:26 AM.

[Hot hot]

Dekho bhai yeh tumhari galti Nahi hai ab Tumhara aqeeda ali as ke fazaael bardasht nazi kar pata isme Jamari to galti nahi na

[MOHIB E AHLAYBAIT]

talib e ilm, on 25 August 2012 - 04:03 AM, said:

shaid ap nay uper wali post ko parha he nahi.. guzarish hai k parh lain.. yay wohi muhmal shairi hai jo Awam ko dhoka deynay k liay ki jate hai

Shayad app ko yeh shair samjh nahi aya... sirif parhaingay to dhokay mei raheingay... samjhay gay to app ki mushkil asan ho jayegi.

MOHIB E AHLAYBAIT, on 10 August 2012 - 01:34 PM, said:

Mei banda-e-Haider hoon Nusairi na samjhna...
Rakhta hoon khayal upay mei aqa ki khooshi ka...

[Aaminah]

MOHIB E AHLAYBAIT, on 10 August 2012 - 01:34 PM, said:

Meri saray criticism ka jawab in ashaar mei donga...bus..

Allah ka, Allah kay bando ka, nabi ka...
Eik zaat -e- Ali hai jo sahara hai sabhi ka...

Jo chah-e- mujhay kehlay zamana nai prwah...
Takhleeq kissi ki hoon mei banda hoon kissi ka...

Mei banda-e-Haider hoon Nusairi na samjhna...
Rakhta hoon khayal upay mei aqa ki khooshi ka...

There is a huge problem with the first two lines.. How is imam Ali who never claimed to be anything but a humble servant of Allah become Allah's sahara? Nauzubillah.. Allah does not need help my brother! Please i beg you all please donot attribute to the Aimma what they did not attribut to themselves! Such ghulu is common in shaairee from indo pak! Its scary because i would hate for the Imam(as) of our time to return and refuse us as his followers!

[talib e ilm]

hum apnay zehni afsano or khayalaat ko shairi ka libas pehnatay hain,

Imam k naam per majlis hoti hai, Magar Imam Hussain a.s ko bolnay ka mauqa he nahi deytay, jab Imam Hussain a.s ya Mola Ali a,s ka khutba parha jata ha tou neend ana shoro ho jati hai,

Agar Imam aj k dour may hotay or Deen bayan kartay tou hum b Imam se kahtay "Imam ap ki batain humay samajh nahi atee, ap beth ja'en, hum ap k fazail parhtay hain."

Agar aj Shia ko kafir kaha jata hai tou is tauhmat ka aik bara sabab humara minber b hai.