5 replies to this topic

[Aabiss_Shakari]

jiss tarha quran aur hadith section main hadith of the day ka topic set hai issee tarha main nae socha kae ham Urdu main bhee aisa aik topic set karain orr uss main Ahadith e Ahl e bait a.s sae faizyaab hon. Aap sab sae iltimas hai kae iss main bharpoor hissa lain takae jab bhee koee inn ahadith ka mutaliya karae toe uss ka sawab sadqa e jaariya kee tarha ham tak pohanchae.  herr hadith sae pehlae number likh deejeeyae ga takae hamain pata chal sakae kae ham kitnee ahadith kee maarafat hassil karnae kee koshish kar chukae hain. Main aaj aghaaz kar raha hon.

(1)

Hazrat Muhammad (sawaw) nae farmaya "Jo Shakhs mairee 40 ahadith kee maarafat hassil kartae huwae unhain logon main tableegh karae ga Allah uss ko Qayamat kae din Faqih kae tor per mehshoor karae ga" [P. 4 Chehlae Hadith by Ayatullah Imam Khomaini r.a]

Iss tarha hamain Imam Jafar Sadiq a.s ka qol bhee milta hai jiss main aap nae ahadith e Muhammad (sawaw) orr Ahl e bait a.s kee tableegh ka hukam diya hai.

[Aabiss_Shakari]

       _
2. "Sab Se Ba-Barkat
Aurat Wo Hai,
Jis K Akhrajaat Sb
Se kam Hon."
_
Sadqa Buri Maut Se
BACHATA Hai."

HAZRAT MOHAMMAD
S.A.W.W
>Hadia Tul Shia/P.8

[Aabiss_Shakari]

4. "YAD RAKHO Jannat ke qeemat Jihad hai. Jis nae apnae Nafs sae Jiiad kia wo apnae Nafs ka sahi tor pae Malik bana." [HAZRAT MUHAMMAD S.A.W.A.W, HADIA TUL SHIA P.6]

Edited by Aabiss_Shakari, 11 June 2012 - 01:21 PM.

[Aabiss_Shakari]

5:- Kya koee aisa nahin hai jo Maut warid honae sae pehlae Khawab e ghaflat sae baidaar ho? [Hazrat Muhammad (sawaw), Hadia Tul Shia P.4]

[Aabiss_Shakari]

Hazrat Muhammad S.A.W.A.W Nae Farmaya:-
6. Jo Khamosh Raha Us Nae Nijat Payi.
7. Jis Nae Khuda Kae Liyae Tawazu Ikhtayar  Ki Allah Nae Usae Buland Kia Or Jis Nae Takabur Kia KHUDA Nae Usae Ruswa Kia.
8. Jo Dosron Ke Khatayon Sae Darguzar Karae Ga, KHUDA Us Kae Gunahon Sae Darguzar Karae Ga.
[HADIA TUL SHIA P. 14]

[Aabiss_Shakari]

9. Yae Dil usee tarha ukta jatae hain jiss tarha tumharae badan lehaza inn kae liyae lateef tareen Hikmatain Faraham karo. [Imam Ali a.s, Nahjul Balagha Hikmat NO. 197]

10.  Insaan ka khud pasandi main mubtila hona khud apni aqal sae hassad karna hai. [Imam Ali a.s, Nahjul Balagha Hikmat NO. 212]

11. Mukhalifat sahi rai ko bhee barbad kar daitee hai. [Imam Ali a.s, Nahjul Balagha Hikmat No. 215]

12. Jissae Haya nae apna libas oaraa diya uss kae aib ko koee nahin daikh sakta. [Imam Ali a.s, Nahjul Balagha Hikmat No. 223]

13. Lalachi hamaisha Zilat ki Qaid main rehta hai. [Imam Ali a.s, Nahjul Balgha Hikmat NO. 226]

14.  Qina'at sae baree koee Saltanat orr Husn-e-Ikhlaq sae barh kar koee Naimat Nahin. [Imam Ali a.s, Hikmat No. 229]

15. Jab jawabon kee kasrat hotee hai toe Asal baat gum ho jatee hai. [Imam Ali a.s, Nehjul Balagha Hikmat 243]

16. Dunya kee talkhi Aakhirat kee Sheereeni orr Dunya kee Sheereeni Aakhirat kee Talkhi hai. [Imam Ali a.s, Nahjul Balagha Hikmat NO. 251]

17. Badan kee Sehat ka aik Zariya Hassad kee Qilat bhee hai. [Imam Ali a.s, Nahjul Balagha Hikmat No. 256]

18. Thora amal jo Baqaidagi sae kia jayae uss Kaseer amal sae behtar hai jiss sae Insaan Ukta jayae. [Imam Ali a.s, Nahjul Balagha Hikmat No. 278]

19. Khuda ka kam sae kam haq jo tum per hai wo yae hai kae Khuda kee naimaton ko Gunnah kae liyae istamal mat karo. [Imam Ali a.s, Nahjul Balagha Hikmat No. 330]

20. Sab sae bara Gunnah wo hai jissae Gunahgaar Halqa Qaraar dae. [Imam Ali a.s, Nahjul Balagha]

21. Kisi kee baat kae ghalat ma'ani na lo jab tak sahi ma'ani ka imkaan mojood ho. [Imam Ali a.s, Nahjul Balagha Hikmat NO. 360]

22. Jo Apni Aabro (izat) ko bachana chahta hai Ussae chahiyae kae larayee jhagrae sae parhaiz karae. [Imam Ali a.s, Nahjul Balagha Hikmat No. 362]

23.  Dunya kae halaat daikhnae kae bawajood uss kee taraf rujhaan orr meelaan sirf jahalat hai. [Imam Ali a.s, Nahjul Balagha Hikmat No. 384]

24. Bolo takae pehchanae jao kyunkae Insaan kee shakhsiyat zubaan kae neechae chuppi hotee hai. [Imam Ali a.s, Nahjul balagha]

25.  Apnae Nafs kee tarbiyat kae liyae itna kafi hai kae un cheezon sae ijtinaab karo jinhain dosron kae liyae bura samajhtae ho. [Imam Ali a.s, Nahjul Balagha]

26. Jo choti maseebaton ko bhee bara tasawur karae ga toe Allah ussae Baree museebaton main mubtila kar dae ga. [Imam Ali a.s]

27.  Doe bhokae aisae hain jo kabhee bhee Sair nahin hotae (yanee jin kee talab porree nahin hotee) 1. Talib e Ilm 2. Talib e dunya. [Imam Ali a.s, Nahjul Balagha]

28. Gheebat karna Kamzoor Admi kee aakhri koshish hotee hai. [Imam Ali a.s]

29. Qina'at wo maal hai jo kabhi khatam honae wala nahin. [Imam Ali a.s]