99 replies to this topic

[Mikayl]

Hadi & Saqlain, on Jan 6 2009, 04:58 AM, said:

AY RABBE JAHAN PANJETAN E PAK KA SADQA
IS QAUM KA DAMAN GHAM E SHABBIR SE BHARDE

BACHON KO ATA KAR ALI ASGHER KA TABBASSUM
BOORHON KO HABIB IBNE MAZAR KE NAZAR DE

KAMSIN KO MILAY WALWALA E AUN O MUHAMMAD
HAR AIK JAWAN KO ALI AKBER KA JIGAR DE

JO PARDA E ZAINAB KE AZADAAR HAIN MOLA
MOHFOOZ RAHEN AISI KHAWATEEN KE PARDAY

MOLA TUJHE ZAINAB KI ASEERI KI QASAM HAI
BE JURM ASEERON KO REHAYEE KI KHABAR DAI

GHAM KOI NA DE HAM KO SIWAYE GHAM E SHABBIR
SHABBIR KA GHAM BANT RAHA HAI TO IDHAR DAI


MULTAMIS E DUA

HADI & SAQLAIN

boht shukriya

[khakay batool]

salam,

can some one please send

HONE LAGI SHAM-E-GHARIBAN
HAAY QAYAMAT KA HAI SAMAA

WS

[Mikayl]

khakay batool, on Jan 8 2009, 05:37 AM, said:

salam,

can some one please send

HONE LAGI SHAM-E-GHARIBAN
HAAY QAYAMAT KA HAI SAMAA

WS

http://www.azadar.co...nasir/index.htm

pls let me knw if u need TEXT i'll wryt 2 u

[khakay batool]

Mikayl, on Jan 8 2009, 06:12 PM, said:

http://www.azadar.co...nasir/index.htm

pls let me knw if u need TEXT i'll wryt 2 u

salam Mikayl,

thank you so much for your reply. but this site is not opening!

i know it will take your time,  but could you please text it.


thanks a bunch,  in advance!!

ws

[khakay batool]

kabay main jab baland hovi asr ki azaan
ghoray say karbala main giray shah-e-ins ojan


tanha tha raigay garm pe zehra ka naznee
talwaron kay hojoom main taigho kay darmian


sajday ko jamma karta hova karbala ki khak
honto pe phairta hova sookhi hovi zaban


har she pe ikhteyar say maqsood-e-kainaat
zakhmon kay aitebar say ek zakhm-e-khon chakan


parda utha kay khaimay ka ek tifl-e-meh jabeen
na gah qatl gah ki janib hova rawan


mazloomi-e-Hussain kay alaam ko sochiee
bachay bhi ghar kay ho marnay ko noujawan


machla hova sagheer mujahid na ruk saka
khaimay main roktee raheen her chand bibiayan


khatron say be niyaz ye chehray say ashkar
nusrat ko be-qarar ye raftar say aAyan


mazlom-e-karbala ki taraf rukh kiay hovay
masoom dil ka dard nigahon say nuoha khwan


zulfain wo rukh pe maa ki muradon ka silsila
kano main mannaton ki wo dhori nishaniyan


tha karbala main moat ki dawat pe gamzan
kofay kay maizbano ka masoom mehman


pohncha aur aisay waqt main pohncha chacha kay paas
nazdeek thee HUSSAIN kay ek taig-e-khon chakan


masoom nay utha diye ghabra kay donoo haath
kut kar gireen zameen pe nazuk kalaiyan


shabeer ka laal hayee chacha keh kay reh gaya
saadaat main ek aur barhi ghum ki dastan


shabeer lay kay goad main sanbhlay na thay abhi
bachay ko zibha kar gaya ek teer-jansitan


khaimay say dekhtee ho jo maadar tu kiya ajab
ay waay urz-e-karb o bala waay aasman


eltemas-e-dua

Edited by khakay batool, 10 January 2009 - 12:03 PM.

[Mikayl]

khakay batool, on Jan 8 2009, 10:29 PM, said:

salam Mikayl,

thank you so much for your reply. but this site is not opening!

i know it will take your time,  but could you please text it.


thanks a bunch,  in advance!!

ws

wa ali kum as salam
sorry sis i was extremely busy in sum majalis

Edited by Mikayl, 10 January 2009 - 01:01 PM.

[Mikayl]

khakay batool, on Jan 10 2009, 11:59 AM, said:

kabay main jab baland hovi asr ki azaan
ghoray say karbala main giray shah-e-ins ojan


tanha tha raigay garm pe zehra ka naznee
talwaron kay hojoom main taigho kay darmian


sajday ko jamma karta hova karbala ki khak
honto pe phairta hova sookhi hovi zaban



eltemas-e-dua

Allah huma la'an qatal'at ya akbara

[khakay batool]

Mikayl, on Jan 10 2009, 01:25 PM, said:

Allah huma la'an qatal'at ya akbara

salam mikayl,

aap ka be had shukriya, kay aap nay itni mehnat say es nuahay ko tereer kiya hamary liye. es ka sila zaroor muala, Hazrat Syed-e-Sajjad[as] aap ko dain gain.

hamary taraf say, sehat say rehiye, khush rehiye aur jug jug jie!!

ye nuaha jo hum nay likha, ye ek riwayat bhi hai. aur intehaai por dard nuaha hai.
jo nuaha aap nay likha hai ,agar ye aap ki hand writing hai tu bohat achi hai.ek bar phir shukriya. muala ajr ataa karain. ameen

[Mikayl]

khakay batool, on Jan 10 2009, 01:52 PM, said:

salam mikayl,

aap ka be had shukriya, kay aap nay itni mehnat say es nuahay ko tereer kiya hamary liye. es ka sila zaroor muala, Hazrat Syed-e-Sajjad[as] aap ko dain gain.

hamary taraf say, sehat say rehiye, khush rehiye aur jug jug jie!!

ye nuaha jo hum nay likha, ye ek riwayat bhi hai. aur intehaai por dard nuaha hai.
jo nuaha aap nay likha hai ,agar ye aap ki hand writing hai tu bohat achi hai.ek bar phir shukriya. muala ajr ataa karain. ameen

w'salam
ji bilkul bimar e karbala mujhko boht detay hain
behad shukriya itni pazirayee ka - ji han ye merie e likhawat hay - boht jaldi main likha isiliyen shayad kuch lafzt tabdeel kardiye hain, jese 4rth main ajab haal ki bajaye - bura haal "
lekin koi major ghalati nahi hogi INSHALLAH

[Mikayl]

khakay batool, on Jan 4 2009, 01:45 AM, said:

kehteen theen ye maa khon bhari mayat say lipat kar
hay hay Ali Akbar

arman tha pehnaaon gee poshaak shahani
afsoos kay ras aayee na tum ko ye jawani

kaisa hai moqaddar----------hay hay Ali Akbar



at-thara baras paal kay perwan jharaya
wo gaisowon wala hai mera khon main nahaya

ye kia howa dilbar----------hay hay Ali Akbar



etna tu zara thehro tumhain dolha bana loon
bas ek jhalak sehray ki sughra ko dekha loon

be chain hai khwaher--------hay hay Ali Akbar


tum hichkian lay lay kay jo dum toar rehay ho
monh maa say hameshan kay liay moar rehay ho

kiyun roothay ho dilbar-------hay hay Ali Akbar


pehlay tu ek Awaz pe uth jaatai thay baita
ab etni sadaawon pe bhi pehloo nahi badla

kia baat hai baita-----------hay hay Ali Akbar

can i hv this noha in audio format?
any link ?

[Mikayl]

[khakay batool]

Mikayl, on Jan 11 2009, 05:04 AM, said:

can i hv this noha in audio format?
any link ?

salam Mikayl,

i am so sorry, but i have no idea about any audio format or any link!!!!

es ki alif, bay, bhi nahi aati hum ko.

etna GIT-PITA laitain hain, yehi bohat hai.

wish i could have helped!!

ws

[Mikayl]

hhhm NP - actualy my mum was asking 4 tht

[khakay batool]

Mikayl, on Jan 13 2009, 12:27 AM, said:

hhhm NP - actualy my mum was asking 4 tht

[khakay batool]

dil o demaghmain gar roshni nahi hoti
nabi ki aal say wabastegee nahi hoti


haram main reh kay bhi manzil rasi nahi hotai
jahan kholoos na ho bandegee nahi hoti


ye waqaiya hai k theen syyada Rasool sarisht
ye qaaida hai k aurat nabi nahi hoti


Hussain baiyat-e-fasiq karain aray toba
rifaqat-e-haq o batilkabhi nahi hoti


baraai naam hi Zainab hain zinda baad-e-Hussain
nafas ki aamad o shud zindegee nahi hoti

eltemas-e-dua

[khakay batool]

ay qalb-e-hazeen chahiye kuch soaz-e-nihan aur
ay ankh gham-e-shah main ho ashk fishan aur


ay matam-e-shabeer say monh mornay waloon
lao gay kahan say koi sardar-e-jinah aur


konain ka mehwer hai daar-e-aal-e-payambaer
choray ga jo es daar ko tu jaai ga kahan aur


Zehra kay siwa bint-e-payamber nahi koi
laai tu zamana koi khatoon-e-jinah aur


ek muojjiza hai aal-e-Mohammad ki fazilaat[pbuh]
dunya jo chopati hai tu hoti hai ayan aur


baitay say kaha hur nay chala jab soway shabeer
kosar ka maza aur hai ye aab-e-rawan aur


Akbar say kaha sheh nay k lehjay main nabi kay
ek bar suna do hamain tum apni azan aur


sheh kehtay thay asghar say na aa jaai qayamat
hontoon pe na phir ay miry jan khushk zaban aur


kafi theen na kiya bairiyan paoon main laaino
pehnaai jo beemar ko zanjeer-e-garan aur


ashk-e-gham-e-sarwar main sokoon-e-dil-e-zehra
ay nuha garon ah o buka aur foghan aur



dorood ba haq-e-Mohammad wa aal-e-Mohammad

[khaibershikan]

subhan Allah

jiti rahain
abad rahain

[Chipkali]

This is SO helpful! Thanks for sharing everyone

[khakay batool]

BANDA-E- BE NIYAZ

zameen ko zair-e-qadam aAsma banaay hovay
hazaron na sad panjh zakhm kaay hovay
hayaat o moat kay malik say loa lagaye hovay

hussain khak pe baithay hain sir jhokaai hovay





shuja-e-asr ko zakhmee samajh kay ghaira hai
yahan tu aap hi monh zidagee say phaira hai
khuda ki shaan hai sooraj talay andhera hai

hussain khak pe baithay hain sir jhokaai hovay





khmosh hai lab-e-sahil odoo ki foaj khmosh
khmosh wossat-e-hasti falak ka oaj khmosh
zehay jalal-e-Imamat odoo ki foaj khmosh

hussain khak pe baithay hain sir jhokaai hovay






malik hozoor main haindastay ilteja bandhay
sir-e-niyaz jhokaai hovay para bandhay
khari hai samnay dastay adab qaza bandhay

hussain khak pe baithay hain sir jhokaai hovay






pa-e-salaam shareek-e-reh raza hazir
baqaai zillay elahi ko masiwa hazir
nigahai ru ba ru arwah-e-anbiya hazir

hussain khak pe baithay hain sir jhokaai hovay





mada kay wastay hazir hain aAsman o zameen
tamam qowat-e-arz o samaa hai zair-e-nageen
hussain hain kay uthar mur kay dekhtay bhi nahi

hussain khak pe baithay hain sir jhokaai hovay






badan bhi sard na hon gay abhi delairon kay
ye maarkay hain bahatar ajal kay phairon kay
paray hain khak pe lashay jawan shairon kay

hussain khak pe baithay hain sir jhokaai hovay






iraq si[Edited Out]-e-shahinshah-e-hijazi dekh
shikwa-e-chara garee shan-e-kar sazi dekh
khuda ki rah main banday ki be niyazi dekh

hussain khak pe baithay hain sir jhokaai hovay






na janay raaz main kia kia payam aAye hain
dorood kitnay musafir kay naam aAye hain
faraaz-e-arsh say kitnay salaam aAye hain

hussain khak pe baithay hain sir jhokaai hovay





kahan hozoor ko forsat jo kuch theher jaain
lagan lagi hai k sajday main jald tar jaain
ye waqt-e-asr hai Akbar salaam kar jaain

hussain khak pe baithay hain sir jhokaai hovay



Hazrat Imam Hussain [as] perlakhon dorood o salaam

[khakay batool]

khaibershikan, on Jan 17 2009, 08:35 AM, said:

subhan Allah

jiti rahain
abad rahain

bohat shukriya, nawazish

[sasadrizvi]

Salam-O-Alekum
Jazak Allah Khair
Allah aap ki tofiqat main azafa farmaye
Muhtaj-e-Dua

[Mikayl]

SUBHAN Allah

[khakay batool]

TABLIQ-E-MOHABBAT


mazloom kay matam say do alam ko hila do
nuahay main payam-e-lab-e-masoom suna do

keh do k ashaAt hai hamain dard ki matloob
mamoor hain tabliq-e-mohabbat pe bata do

kuch bholay hovay say nazar aatay hain musalman
phir ooswa-e-shabeer zara yad dila do

muddat hovi kartay hovay iqrar-e-ghulami
ab shaan bhi kuch us kay ghulamon ki dekha do

kia soach may ho jaada-e-tasleem bana kar
bhatkay hovay insaan ko rastay pe laga do

baat aayee hai ashkon pe tu har ankh say tapkain
es gham ko jagaao gham-e-hasti ko sola do

dil pehlay agar apnay hi pehloo main tatolo
thanda ho jahan khon-e-amal aag laga do

ye koi na keh de wo jhalak en main nahi hai
KUCH APNI RAWISH SAY KHABAR-E-KARB O BALA DO

har saal tumhain yad delata hai moharram
khoay hovay ho jis mai wo mahoal bhula do

eman ko eman ki soorat main dekhao
islam ko islam ka masdaq bana do

kuch ghoar karo NAJM kay mafhoom-e-sukhan per
dewana samajhtay ho tu marnay aki dua do

lakhon dorood o salam, Hussain ebn-e-Ali ebn-e-Abu Talib[as] per, jis nay haq k laiye sir katana,  batil k agay sir jhokanay say behtar samjha.

eltemas-e-dua

[Mikayl]

Haey Sajjad nai gham kaisai uthahain hon gay
Log bazaron main Zainab ko jo layain hon gay

1) Yad Abbas ki Zainab ko satati hogi
Log Khaiyam ko jab Lutnai aayain hon gay

2) Na Alamdar na Qasim aur na Akber hi rahain
Kaisai saidaniyon kai perdai banain hon gay

3) Qabar main lasha-e-Shabbir bhi tarapta hoga
Sehrai Qasim nai jo mathai pai sajayai hon gay

4) Phirti am thi aur sar pai rida aik na thi
Kaisai namuz nai phir chehrai chupaiyain hon gay

5) Socho Akhtar Zara Zainab ka hashar kya hoga
Sar shaheedon kai jo zalim nai uthayain hon gay

[Mikayl]

Maula maqtal mei sar ko jhukaaye
Laash-e-Akbar pe tanha khare hai
Dheeme dheeme tapakte hai aansu
Haey Sughra ka khat parh rahe hai
(Bole kya mei jawaab is ka doon) x2
Haey sughra bata kya likhoon)
(Aur Sughra bata kya likhoon) x5



Mei to pardes mei lut gaya
Apne lashkar ko mei ro chuka
(Tera baba ghareeb hogaya) x2
Aur iske siwa kya likhoon
(Haey sughra bata kya likhoon) x2



Aandhiya mera ghar legayi
Mere lakht-e-jigar legayi
(Mera noor-e-nazar legayi) x2
Aur iske siwa kya likhoon
(Haey sughra bata kya likhoon) x2



Khat tera ab sunaawu kise
Kon meri sada par uthe
(Shab ko jaage huwe sogaye) x2
Aur iske siwa kya likhoon
(Haey sughra bata kya likhoon) x2
Haey Sughra wo bHaeyi tera



Jisne tujh se tha wada kiya
(Kha gayi usko karbobala) x2
Aur iske siwa kya likhoon
(Haey sughra bata kya likhoon) x2



Pyaar tune tha jisko likha
Ghutinyo bhi jo na chal saka
(Haa(n) wo Asghar bhi ab na raha) x2
Aur iske siwa kya likhoon
(Haey sughra bata kya likhoon) x2



Shab ko dulha banaya jisse
Raas aayi na mehendhi jisse
(Royi sehre ki lariyaa(n) jisse) x2
Aur iske siwa kya likhoon
(Haey sughra bata kya likhoon) x2



Ab Sakina ka hafiz khuda
Waqt Zainab pe bhi hai khara
(Mujh ko ghere huwe hai qaza) x2
Aur iske siwa kya likhoon
(Haey sughra bata kya likhoon) x2



Ye to accha huwa laadli
Apne ghar mei hi tu rehgayi
(Beridaayi se to bachgayi) x2
Aur iske siwa kya likhoon
(Haey sughra bata kya likhoon) x2



Khat wo "Rehan-o-Sarwar" tha kya
Khaak se mera maula utha
(Laash-e-Akbar pe khat rakhdiya) x2
Aur iske siwa kya likhoon
(Haey sughra bata kya likhoon) x2